زيت الفرامل بينقص

[marsguy]

السلام عليكم ورحمة الله وبركاته،،،

أنا عندي عربيه هوندا سيفيك 1996 Si موديل

إمبارح كشفت على زيت الفرامل ولقيته ناقص شويه، مع إني زودته للآخر من 3 شهور ونصف بالظبط.

يا ترى هل ده شئ طبيعي بالنسبه لعربيه قديمه زي عربيتي، ولا ده مؤشر إن في حاجه مش مظبوطه؟

واﻷهم، هل المفروض إني أزود الزيت ولا أروح أكشف اﻷول على الفرامل وما أزودش حاجه لحد ما الميكانيكي يفحص العربيه؟

شكراً مقدماً

[marsguy]

أنا آسف
عربيتي موديل 1993 مش 1996

[فادى]

فى الأغلب هتلاقى فيه تسريب فى احدى مساتر العجل, أو فى الماستر الرئيسى, بص على العجل و دخل ايدك بعد الكاوتش و تحسس التسريب و لو فيه تسريب اذا الماستر بتاع العجلة عايز يتغير, أو بص على الماستر الرئيسى, و عموما لازم هتحس بفرق فى الفرامل و هتلاقيها أضعف من المعتاد لأن فيه تسريب و الضغط بيقل.

[أبومعاذ]

أو الخراطيم اللي ورا مشققة و بتسرب
الأحسن تروح لواحدد بتاع فرامل يشوفهالك

[Ghamrawy]

لازم تمشى بالترتيب
1 بلاش تزود زيت خالص علشان المفروض ان مستوى الزيت ده مؤشر لمدى تأكل تيل الفرامل يعنى لو الزيت نزل يبقى التيل اتاكل بس المفروض انك تحسه فى البدال او تسمع صوته او على الاقل حتلاقى وقفة العربية مش فى المسافة اللى انت متعود عليها(المسافة طالت)
2 مراجعة الماستر العمومى و الكشف عن التسريب و التاكد ان خزان الزيت قاعدته سليمة و الغطا بتاعه محكم
3 اكسر العجل على الاخر و شوف الخراطيم و الماستر على كل عجلة
4 العجل الخلفى انزل تحت العربية و بص لو فى زيت على الخراطيم او من الماستر
و يستحسن انك تستعين بحد يدوس على بدال الفرامل و العربية دايرة و يدوس كتير و للاخر لحد ما تشوف فين التسريب ان وجد

[mohamed ibiza]

اعتقد ان في تسريب اكشف علي المساتر بالذات الماستر الرئيسي و الخراطيم و ان شاء الله خير














Ibiiiiiiiiiiiiiiiiiiiiiiiiiiiiiiiiiiiiiiiizzzzzzzz zzzzzzzzzzzzzaaaaaaaaaaaaaaaa For Ever

[أبومعاذ]

في واحد في أخر جسر السويس اسمه حمادة البلبيسي عند سنترال النزهة الراجل دا احسن واحد بتاع فرامل روحله و هو هيخليلك العربية لما تدوس فرامل مش تقف بس لأ هترجع لورا كمان :p

[hfarouk]

حمادة البلبيسي عند سنترال النزهة الراجل دا احسن واحد بتاع فرامل

[maka]

هو المفروض الزيت يتزود كل اد ايه

[momomania22]

هو المفروض الزيت فعلا بيتزود كل اد ايه
وهل اغيره كله ولا ازوده
مكتوب في جدول الصيانة انه يتغير كل 30 الف (ماتريكس 2006 )

[ihab]

فى حالتين :
1 - الطبيعى انه لقم الفرامل الامامية لما بتتاكل اللحمية بتاعتها بتلاقى زيت الفرامل فى الخزان ناقص ( و ده بسبب ان البستم الخاص بماستر الفرامل اصبح مشواره اكبر و بالتالى اصبح الزيت اللى بيدفعه علشان يضغط على اللقم اكثر تحت فى المواسير و الخراطيم ) و لما تيجى تغيير اللقم الامامية الخاصة بالفرامل لازم بتلاقى الميكانيكى بيرجع البساتم يدويا ( بواسطة مفك ، 0000 ) لمكانه الطبيعى و بتلاقى مستوى الزيت رجع زى ما كان .
2 - فى حالة ما اذا كنت بتدوس على دواسة الفرامل جامد و لاقيت الدواسة بتنزل معاك للارض يبقى فى تسريب زيت فرامل فى اى مكان ( ماستر عمومى - ماستر عجل - خراطيم زيت الباكم )

[shady_elkady]

طبيعى اى المنسوب يقل بسسب تاكل تيل الفرامل الى قدم

[جمال]

[quote=gemino;209161]لازم تمشى بالترتيب
1 بلاش تزود زيت خالص علشان المفروض ان مستوى الزيت ده مؤشر لمدى تأكل تيل الفرامل يعنى لو الزيت نزل يبقى التيل اتاكل بس المفروض انك تحسه فى البدال او تسمع صوته او على الاقل حتلاقى وقفة العربية مش فى المسافة اللى انت متعود عليها(المسافة طالت)
2 مراجعة الماستر العمومى و الكشف عن التسريب و التاكد ان خزان الزيت قاعدته سليمة و الغطا بتاعه محكم
3 اكسر العجل على الاخر و شوف الخراطيم و الماستر على كل عجلة
4 العجل الخلفى انزل تحت العربية و بص لو فى زيت على الخراطيم او من الماستر
/quote]

كلام سليم 100 % 100 عدا البند الاخير رقم 5

[جمال]

فى حالتين :
1 - الطبيعى انه لقم الفرامل الامامية لما بتتاكل اللحمية بتاعتها بتلاقى زيت الفرامل فى الخزان ناقص ( و ده بسبب ان البستم الخاص بماستر الفرامل اصبح مشواره اكبر و بالتالى اصبح الزيت اللى بيدفعه علشان يضغط على اللقم اكثر تحت فى المواسير و الخراطيم ) و لما تيجى تغيير اللقم الامامية الخاصة بالفرامل لازم بتلاقى الميكانيكى بيرجع البساتم يدويا ( بواسطة مفك ، 0000 ) لمكانه الطبيعى و بتلاقى مستوى الزيت رجع زى ما كان .
2 - فى حالة ما اذا كنت بتدوس على دواسة الفرامل جامد و لاقيت الدواسة بتنزل معاك للارض يبقى فى تسريب زيت فرامل فى اى مكان ( ماستر عمومى - ماستر عجل - خراطيم زيت الباكم )

كلام أصح جدا

[marsguy]

ألف شكر يا جماعه بجد

ربنا يكرمكم

أنا هاقولكم على الحاله بتاعت الفرامل

الفرامل من ساعة أما جبت العربيه وهي فراملها مش وحشه بس مشوار البدال بتاعها طويل شويه، يعني أول كام سنتيمتر من الدوسه ما بيكونش ليه تأثير في فرملة العربيه أوي بس أنا سألت في الموضوع ده فقالولي عشان تعالج الحته الفاضيه في الدوسه دية هاتدخل نفسك في مشاكل كتير ومصاريف جامده والأفضل تتعود على الفرامل وهي كده.

أنا فعلاً تعودت على الفرامل بحالتها بس مؤخراً حسيت إن مشوار بدال الفرامل بقى أطول شويه وكشفت على زيت الفرامل لقيته ناقص.

هو ده اللي حصل بالظبط

إن شاء الله هاروح للراجل بتاع الفرامل اللي أخوتي قالولي عليه وهو ينصحني إن شاء الله أعمل إيه بالظبط