مياة الرادياتير

[samirsaid1]

انا من فترة طويلة مزودتش مية الرادياتير

بس دلوقتى المية عند علامة الحد الادنى

وقلت اشترى مية مقطرة ازود الشوية الصغيرة دول ولما اشتريت الزجاجة لقيت مكتوب عليها للبطاريات والمكواة البخار وتقليل الاملاح وملقيتش حاجة عن الرادياتير

هى دى المية اللى بيتزود بيها ولا لازم اشترى مية زرقا وهل فية منها لتر بس ولا لازم جركن كبير

وبعدين لية المية دى بتتزود على البطاريات وتفرق ايه عن مية النار اللى بتتحط فى البطارية

وشكرا

[Ashraf_Ashraf]

ماتستخدمش المياه المقطره لانها بالنسبه للرادياتير زيها زى المياه العاديه هتعمل صدا غير انها هتخفف تركيز المياه الخضره الموجوده
افضل شئ فى رائى اشترى لتر مياه خضراء من موبيل هو افضل مياه خضراء وزود بيها وفيه منه جركن 5 لتر ب 60 جنيه
وبالتوفيق

[MMamdouh]

زود مياه مقطرة مفيش مشاكل

MMamdouh

[samirsaid1]

شكرا يا استاذ اشرف على سرعة الرد

انا فعلا بعد ماشتريتها ترددت فى انى ازود بيها الرادياتير

لكن فية أصلا عبوة واحد لتر اصل انا محتاج اقل من لتر

وبعدين مش بزود كتير

[samirsaid1]

زود مياه مقطرة مفيش مشاكل

mmamdouh

شكرا يا استاذ محمد

طيب واية الفرق بين المية المقطرة ومية النار اللى بتتحط بالبطارية مع وجود فرق بين الاتنين

[MMamdouh]

المية المقطرة هى مية بدون املاح او شوائب او اى حاجة... مية نقية فقط لاغير

مية البطارية بتبقى حامض مخفف و لو عملت بيها اى حاجة غير تزويد البطارية حتبهدل الدنيا لان الحامض حياكل اى معدن فى سكتة

MMamdouh

[samirsaid1]

المية المقطرة هى مية بدون املاح او شوائب او اى حاجة... مية نقية فقط لاغير

مية البطارية بتبقى حامض مخفف و لو عملت بيها اى حاجة غير تزويد البطارية حتبهدل الدنيا لان الحامض حياكل اى معدن فى سكتة

mmamdouh

انا قصدى ان فرق الإثنين من بعض مع انهم بستعملو لنفس الغرض (( البطارية ))

ودة خالى من الاحماض والاملاح والتانى مية نار كلها أملاح

وتأثيرهم واحد

ومعلش دوشتك

[Ashraf_Ibrahim]

شكرا يا استاذ محمد

طيب واية الفرق بين المية المقطرة ومية النار اللى بتتحط بالبطارية مع وجود فرق بين الاتنين

المياه المقطرة دي مياه معالجة بطريقة خاصة عشان يتم ازالة الأملاح منها -وإن كانت المياه اللي في البنزينات ليست مياه مقطرة بطريقة سليمة 100%
مية النار عبارة عن حمض الكبريتيك ودا بيكون بتركيزات مختلفة ودا بيتحط في البطارية عشان يعكس معادلات البطارية ويقوم بعملية الشحن

[Ashraf_Ibrahim]

انا قصدى ان فرق الإثنين من بعض مع انهم بستعملو لنفس الغرض (( البطارية ))

ودة خالى من الاحماض والاملاح والتانى مية نار كلها أملاح

وتأثيرهم واحد

ومعلش دوشتك

تزويد البطارية بماء مقطر مع الوقت بيضعف اداء البطارية فبتضطر انك تزودها بمية نار
اما الردياتير فلازم يتزود بماء مقطر مينفعش معاه مية نار خالص وإلا يبقا مع السلامة للردياتير بتاعك دا طبعا

[ahmedsamir5edr]

المية المقطرة هى مية بدون املاح او شوائب او اى حاجة... مية نقية فقط لاغير

مية البطارية بتبقى حامض مخفف و لو عملت بيها اى حاجة غير تزويد البطارية حتبهدل الدنيا لان الحامض حياكل اى معدن فى سكتة

mmamdouh

شكرا يا استاذ ممدوح

[medokemo75]

أنا لما بغسل الراديتر عند الميكانيكى بحط مياه زرقاء من شركة مصر للبترول بـ 19.5 جنيه من الشركة نفسها أو بـ 25 جنيه من منافذ البيع الأخرى
بعد كده بزود الراديتير بمياه من الفلتر

[ahmedsamir5edr]

مياه الفلتر يا سيدي الفاضل عاديه جدا و مليااااااااااااااااااااااااااااااااااااااااااااااا ااااااانه املاح

[abdelaziz-waleed]

لازم تستخدم مياه خضراء او حمراء لأن بيكون فيها موانع للصداء
وبعد كدة ممكن تزود بمياه مقطرة براحتك
افضل حاجة في المياه الحمراء هي موبيل وتوتال بحوالي 50 جنيه الجركن 4 لتر
بالنسبة للمياه الخضراء انا مش عارف ايه افضل الانواع والاسعار لأني مش بستخدمها ولكن اسمع ان مياه موبيل الخضراء كويسة
الهدف الاساسي من المياه ديه هي موانع الصدأ لأن اضافات الاثيلين جليكول مالهاش لازمة لأنه مانع تجمد فقط

بس اهم حاجة قبل ما تستخدم المياه الخضراء او الحمراء تغسل دورة التبريد جيدا من الصدأ وبعد كدة تملاها

[a_m_elbana]

على فكرة فيه ميه خضره كويسة قوي اسمها جارد
مصنعهم في اكتوبر

[Gelgel2004]

معلومات لغسيل دوره التبريد بالنحرك

الزملاء الاعزاء فى المنتدى صباح الخير
ارجو ان افيدكم ببعض المعلومات عن موضوع المياه الخضراء
1 مافيش حاجة اسمها خضراء او حمراء دى بتبقى الوان حاطاها الشركات المصنعه للسيارات علشان تميزها عن الشركات الاخرى
2 - الصح نقول مياه او سائل تبريد المحرك ودى بعض المعلومات عنها و هأتكلم هنا عن العربيه اللى عاوزه تغير مياه التبريد بس المياه القديمه اصلا منزلش فيها مياه من الحنفية.
3 يتكون سائل التبريد الاساسى من كذا ماده مع بعض اهمهم ماده التبريد نفسها ايثيلين الجليكول و الماده دى ممتصه للحراره بنسبة كبيره يعنى لو حطيت الماده دى فى برطمام و رجتها جامد هتحس باديك بردت شويه لان من خواصها عند الحركه انها تبرد و الماده دى بيبقى ليها تركيز معين و كل كتالوج ذاكر فيه نسبة تركيز الماده دى ( عندى فى كتالوج السيينا 1400 50 % ) و الباقى مياه مقطره ( منزوعه الاملاح ) و سائل تزييت طلمبه المياه و مانع رغوه مياة و اخيرا مانع صدأ.
4 يعنى لو قلنا مثلا ان البيانات المكتوبه على جركن سائل التبريد ان تركيزه 33 % مثلا ده معناه ان 33 % من حجم الجركن ماده اللايثيلين جليكول و الباقى الاضافات المذكوره اعلاه.
5 - و علشان كفاءه التبريد متتغيرش بعد ما نغير او نغسل مياه التبريد نتاكم من النسبة المذكوره فى الكتالوج .
و ارجو ان افيدكم بالتالى :- يتم غسيل دوره التبريد كل 40000 كم او سنتان على الاكثر للمحافظه على كفاءه دوره التبريد .
عند غسيل الدوره فى التوكيل او محطه يجب مراعاة التالى
1 لف مفتاح ثرموستات درجه حراره كابينه السياره على اللون الاحمر علشان الميه تعدى جوه الكويل اللى داخل فو التابلوه و ده طبعا اذا ماكنتش عامل باى باص من المحرك .
يتم الغسيل بالدوره المغلقه و ليست المفتوحه على ضغط مناسب مرتين قبل اضافه المواد المنظفه افضلها الانواع الامريكيه ( سولدر سيل جنك ) و اوعى تحط المياه اللى عاملينها فى المحطة ( بتبقى خليط من الجاز و الرابسو و الخل ) بدون نسب ودى بتهلك الخراطيم .
بعد كده تغسل بالمنظف سولدر سيل جنك و اللى لحد دلوقتى بتعامل فيه من 15 سنه و مدينى ثقه و كفاءه فى كل منتجاتهم لمده 5 دقائق بعدين نشطف و ندى هواء علشان نفضى الدوره و الحقيقه لازم هيتبقى منها شوية فى البلوك صعب انهم يخرجوا .
نضيف سائل التبريد و ناخذ الهواء و نغسل القربه كويس و ان شاء الله صيف من غير مشاكل حراره
اما بالنسبه للانواع من سوائل التبريد الاخرى ارجو انكم تختاروا المضمون مثلا ايادا اسبانى 20 % موبيل بيرمازون 33 % و فى منه 50 % و شل و ابعد عند اللى تحس ان شكل الزجاجه او الجركن موش مضمون.
تقبلوا تحياتى