حد جرب يغير زيت الباور ؟؟؟

[SYD]

السلام عليكم ورحمة الله وبركاته

أكتشفت من يومين ان الزيت الي بحطه للباور زيت فتيس اوتوماتيك
العلبة لونها أحمر ومكتوب عليها Automatic Transimission Fluid يعني زيت فتيس اوتوماتيك

وشوفت علبة زيت لونها اصفر صناعة امريكي ومكتوب عليها باور استيرينج Power Steering Fluid

ودي صورتها



حد جرب الزيت دة قبل كدة ؟؟؟

وهل لو غيرت ليه هيفرق في الباور ؟؟؟ يعني هل الدريكسيون هيخف أكتر؟؟؟
هل بيبوظ حاجة ؟؟؟ بياكل خراطيم مثلا ؟؟

ارجو الأفادة

والله المستعان
،
،

[rompo10]

زيت الباور هو زيت الاوتوماتيك عادي خليك في موبيل او شيل احسن

[SYD]

زيت الباور هو زيت الاوتوماتيك عادي خليك في موبيل او شيل احسن

مع احترامي لرأي حضرتك الكلام دة مش مظبوط ومش بينفع مع كل العربيات
في عربيات زي الفولكس لازم تحط زيت باور سواء الي لونه ابيض او الي لونه اخضر

والله المستعان
،
،

[أبو_حمزة]

طب ما انت عارف ان فولكس لهم مواصفاتهم الخاصة طب ايه اللى خلاك تفتكر ان الزيت ده ينفع معاك؟؟
يعنى هل فى حد وصاك بيه؟
العادى فى معظم العربيات ان زيت الباور بيكون زيت اتوماتيك عادى
الا بعض الماركات اللى تصميماتها متقدمة شويتين
و اكيد تغييره لا ها يخفف دركسيون و لا ها تحس بيه اصلا غير على المدى الطويل لو ها يضر العلبة

[SYD]

طب ما انت عارف ان فولكس لهم مواصفاتهم الخاصة طب ايه اللى خلاك تفتكر ان الزيت ده ينفع معاك؟؟
يعنى هل فى حد وصاك بيه؟
العادى فى معظم العربيات ان زيت الباور بيكون زيت اتوماتيك عادى
الا بعض الماركات اللى تصميماتها متقدمة شويتين
و اكيد تغييره لا ها يخفف دركسيون و لا ها تحس بيه اصلا غير على المدى الطويل لو ها يضر العلبة

الي عرفته انه هيبوظ طرمبة الباور
بس مش عارف دة هيتناسب مع عربيتي ولا لاء
عشان كدة بسأل

في واحد بس الي رد عليا وقالي انه بيستعمله عادي مع عربيته
وكنت عايز اعرف باقي الأراء

والله المستعان
،
،

[ashraf100]

لوسمحتم ياجماعة انا لسة مشترك جديد وكنت عايز اعرف هل نقصان زيت الباور بنسبة قليلة خلال فترة تتراوح مابين ثلاث او اربع اشهر عادي ام لا وهل هناك فترة زمنية معينة لتغييرة ام لا مع العلم ان عربيتي افيو وانا شاكر جدا لافادتكم مقدما

[SYD]

لوسمحتم ياجماعة انا لسة مشترك جديد وكنت عايز اعرف هل نقصان زيت الباور بنسبة قليلة خلال فترة تتراوح مابين ثلاث او اربع اشهر عادي ام لا وهل هناك فترة زمنية معينة لتغييرة ام لا مع العلم ان عربيتي افيو وانا شاكر جدا لافادتكم مقدما

اولا اهلا بيك في المنتدي عضو جديد معانا

بس انا عايز اسألك انت جبت الموضوع دة منين ؟؟؟
دة قديم حبتين

نقص زيت الباور دليل علي وجود تسريب وخصوصا انه نقص معاك في فترة قصيرة

زيت الباور بينقص بس بكميات بسيطة جدا وعلي فترات طويلة شوية لكونه مش بيتحرق والي بيدخل علبة الدريكسيون بيرجع تاني في خرطوم مخصص لكدة اسمه خرطوم الراجع وبيرجع تاني للخزنة بتاعته

وللعلم ، يجب تغيير زيت الباور بالكامل في فترة لا تتعدي السنتين او 60,000 كم ايهما اقرب

واليك رسم توضيحي يفيد وظيفة الباور في العربية ودورة الزيت في الطرمبة وخراطيم الزيت وخراطيم الراجع للخزنة






والله المستعان
،
،

[dr_radioooooo]

من ست شهور كده غيرت زيت البور اللى عندى لانه كان بتاع البنزينة اللى لونه احمر و الميكانيكى قالى ساعتها ان ده مش بتاع فولكس و ممكن يبوز طرمبة البور
وحطيت الزيت اللى صورته فوق ده مكانه
كنت جايبه من عند اشرف الشهابى بحوالى خمسين جنيه
ولغاية دلوقتى مفيش منه مشاكل

[SYD]

طب الحمد لله

وفعلا هو سعره كان في الحدود دي

ربنا يحفظلك عربيتك من كل سوء

شكرا علي مرورك

والله المستعان
،
،

[sv065]

بفضل الله تعالي قمت بتغيير زيت الباور بسيارتي BYD أوتوماتيك وهي للعلم نسخة متوافقة تماما مع اللانسر البومة من حيث المحرك وملحقاته كنظام الباورستيرينج


وفي الواقع لم أكن انوي تغيير الزيت لكن كان خرطوم الباور الخارج من مخزن الزيت به تشقق عند كوليه الربط فكنت أنوي مجرد غيار الخرطوم وتعويض الزيت المفقود في هذه العملية إلا أنني إضطررت لفك مخزن الزيت كله وطبعا فقد معظم الزيت لأني ركبت خرطوم تويوتا مشابه حيث اني وجدته من خامة أجود وشديد التحمل


المهم الموضوع ده كنت باعمله بنفسي وطبعا بعد ما الزيت فضي مكنش ينفع أشغل المحرك بدون زيت باور لأن ده ممكن يضر جهاز الباور ويتلفه تماما فكنت محتار لأني مكنتش عاوز أجيب موبيل بسبب رداءته الشدية الفترة الأخيرة بصفة عامة كمنتج للزيوت بمصر وكنت أنوي وضع زيت ماركة Valvoline وهما عاملين موضوع إعلاني بالمنتدي علي فكرة والصراحة كنت محق في إختيارهم لأني إتصلت بيهم علي الرقم السريع 19728 فردوا عليا بمنتهي الذوق وكانوا متعاونين جدا وشرحت لهم إني محتاج الزيت فورا لأن العربية واقفة في الشارع ومش حأعرف أحركها وطلبت عنوان أقرب موزع في مصر الجديدة ففوجئت إنهم قالوا لي أنتظر 10 دقائق في مكاني والزيت سيكون عندي ....


وفعلا بالظبط بعد 10 دقائق لقيت سيارتهم المميزة امامي وقام المتخصص بملو مخزن الزيت الفارغ وأصدر لي فاتورة ألية وأعطاني كارت بريميوم للحصول علي خصم بعد ذلك المهم الزيت عجبني وفكرني لما زمان الميكانيكي يقولك حط زيت فافالين

ولكن هناك ملاحظة بعد تزويد الزيت ولما دورت العربية كان دخل هوا في الدايرة ده عرفته لما إتصلت بالتوكيل أسأل علي سبب وجود صوت كده لما ألف الدريكسيون قالوا لي إفتح مخزن زيت الباور ولف الدريكسيون يمين وشمال والمحرك شغال والسيارة واقفة وفعلا عملت كده شوية الصوت راح تدريجي


ولكن هنا أنصح بعدم إستعمال أي فئة زيت غير الفئة الموصي به من قبل المصنع وشركة فالفولين بيسألوا دايما عن نوع السيارة وموديلها علشان يقدموا الزيت المناسب لكل سيارة


تحياتي

[SYD]

شكرا علي مشاركتك

والله المستعان
،
،