إعـــــــلان

Collapse

.

,
See more
See less

كيفيه تغير مياة التبريد وعمل غسيل للدوره للبولو وما يشابهها فى دورة التبريد

Collapse
This is a sticky topic.
X
X
 
  • Filter
  • الوقت
  • Show
Clear All
new posts

  • كيفيه تغير مياة التبريد وعمل غسيل للدوره للبولو وما يشابهها فى دورة التبريد

    عشان نقوم بالموضوع ده لازم يكون معنا الأتى جاهز
    1- بنسه كلابه وبيبه عشره
    2- وعاء لتفرغه المياه الموجوده بالسياره
    3-اداه للنوم على الأرض دون ان تتسخ مالبسنا
    4-2 جركن مياه مقطره 4 لتر (محنا هنوفر مصنعيه الغسيل عند الصانيعى او البنزينه
    5 - زجاجه مياه هيبو ألمانى من اى حد بيبيع قطع غيار فولكس او مرسيدس او اوبل سعر الزجاجه لا يزيد عن ال 50 جنيه
    6-نجهز الكوريك جنب مننا
    7-بلادوس لو الدنيا ضلمه او ليل او كشاف الطوارق فى البيت عشان محدش يقولى هنجيب بلدوس منين

    نقول بسم الله الرحمن الرحيم ونبدأ الشغل

    اولا هنجيب البنسه الكلابه وحاجه ننام بيها على الأرض وننزل تحت العربيه هنلاقى كوعه مياه كاوتش راكبه فى الريداتير من تحت وماسكها كوليه هنضغط على أطراف الكوليه هنلاقيه وسع معنا هنسحبه براحه للخلف لمسافه كافيه ونسيبه ونبدأ بسحب الكوعه دى بحرص عشان بيبقى جواها جلبه راكبه فى الريداتير فبر لو اتعافينا على الكوعه ممكن تتكسر ونكون مجهزين الوعاء اللى قولنا عليه فوق ونبعد وشنا وأدينا دا لو العربيه سخنه شويه واحنا بنشيل هنلاقى المياه بدأت تتنزل هنرفع العربيه من الجنب المعاكس لمكان الكوعه دى عشان نصفى المياه خلاص العربيه بطلت تنزل مياه نركب الكوعه بنفس طريقه الفك بس قبل من ركبها نفك غطاء القربه وننفخ فيه شويه لحد ماتنزل اللى جوه الموتور كله

    ثانيا خلاص المياه اتصفت ونفخنا فى القربه وقفلنا الكوعه فى مكانها هنروح للقربه هنلاقى غطاء اسود بالجانب بسحبه هنلاقى تحته صامولتين عشره هنفكهم وبكدا القربه هتبقى حره نفك خرطوم الراجع والداخل منها ونطلعها بره ونغسلها غسله حلوه ومتنسوش تفكو فيشه حساس مستوى سائل التبريد من القربه لو القربه شايفنها نضيفه ومش محتاجه مفيش داعى للخطوه دى
    هنرجع القر به مكانها بنفس الطريقه اللى فكينها بيها ونركب الخراطيم والفيشه ونطمن ان كله رجع كما كان
    هندور العربيه وناخد اول جركن مياه مقطره ونبدأ بأضافه المياه حتى علامه الماكس وهنخلى خرطوم الراجع مفكوك ليه عشان الهوا اللى فى الدوره بتاعت التبريد يخرج وأول لما نلاقى الخرطوم دا بيجيب مياه بشكل منتظم وبدون قطع نركبه مكانه ونشوف مستوى المياه فين ونظبطه على علامه المكس البعض بيقوم باضافه بريل غسيل اطباق فى القربه فى هذه المرحله عارف ان البعض هيستغرب ويعترض ويقلق بس هو دا اللى بيعملو عامل المحطه على انه ماده منظفه ونسيب العربيه دايره لحد ماالمروحه تشتغل مره او اثنين

    ثالثا نعيد اللى عملناه فى اولا وطبعا هنبطل العربيه
    بعد ما المروحه تشتغل مرتين ولكن المره دى نكون اكثر حرصا عشان المياه المره دى هتبقى سخنه


    رابعا كررنا الخطوه اولا تمام نقفل بقى الكوعه ونطمن ان كله تمام وراكب مكانه نجيب المياه الهيبو ونفرغ الزجاجه كلها فى السياره ونجيب الجركن التانى من المياه المقطره وطبعا دا والعربيه دايره ونزود المياه واحنا فاكين خرطوم الراجع عشان لو فى هوى يخرج واول متبدأ المياه تنتظم فى النزول نركبه مكانه ونقفل غطاء القربه ونطمن ان المروحه اشتغلت وبكدا يبقى غسلنا دورة التبريد وغيرنا سائل التبريد والمفروض اننا نعمل دا كل سنه مره وطبعا نتابع العربيه بعد يوم مثلا اوحاجه ونظبط مستوى سائل التبريد
    الخطوات اللى كتبتها تصلح لكل العربيات اللى تصميم دورة تبريدها زى البولو
    والى اللقاء فى موضوع اخر وانا تحت امركم فى اى استفسار
    It’s not about having the perfect relationship.. But its finding someone who matches you and would go through everything without giving up.

  • #2
    موضوع ممتاز

    جزاك الله خيرا
    [CENTER][img2]http://www.nileup.com//uploads/images/s7080affcc2.jpg[/img2][/CENTER]
    [CENTER] [/CENTER]
    [CENTER]كل شيء زائل و نحن الذين نعطيه قيمته و أهميته .. ثم نتألم و نتعذب من أجل هذه الأهمية المزعومة[/CENTER]

    Comment


    • #3
      انا ناوي اني كنت انضف دوره التبريد ان شاء الله

      ربنا يباركلك يا استاذ محمد على مجهودك معانا ... و كل سنه و انت طيب

      Comment


      • #4
        المشاركة الأصلية كتبت بواسطة amma مشاهدة المشاركة
        موضوع ممتاز

        جزاك الله خيرا
        واياك الف شكر
        المشاركة الأصلية كتبت بواسطة mahmoudyoussif مشاهدة المشاركة
        انا ناوي اني كنت انضف دوره التبريد ان شاء الله

        ربنا يباركلك يا استاذ محمد على مجهودك معانا ... و كل سنه و انت طيب
        وانت طيب يأستاذ محمود
        وربنا يوفقك
        It’s not about having the perfect relationship.. But its finding someone who matches you and would go through everything without giving up.

        Comment


        • #5
          لسة عامل الموضوع دة بس الراجل فك الخرطوم اللى فوق من الرادياتير الى الموتور من فوق وفضيت المية ودورت العربية ثوانى لحد ما خلصت المية وبعدين قفل وحط المية والعربية دايرة

          دة صح ولا غلط
          [SIGPIC][/SIGPIC]

          Comment


          • #6
            دواره العربيه بدون مياه فيه قلق شويه لكن مش بالدرجه الكبيره
            والمفروض انه يفك اللى تحت عشان نضمن ان كل الميه اللى جوه العربيه نزلت ونزل معاها اى رواسب موجوده فى قاع الريداتير ومواسيره
            It’s not about having the perfect relationship.. But its finding someone who matches you and would go through everything without giving up.

            Comment


            • #7
              الله ينور ياأستاذ محمد على مجهودك الممتع... فعلا تستاهل أكثر من عضو ذهبى ....
              Medo 20000" من رضى فله الرضى ومن سخط فعليه سخطى "

              [RIGHT][B][COLOR=black][FONT=Arial]<?xml:namespace prefix = o ns = "urn:schemas-microsoft-com:office:office" /><o:p></o:p>[/FONT][/COLOR][/B][/RIGHT]

              Comment


              • #8
                موضوع ممتاز
                جزاك الله عنا كل الخير

                انا كنت بعمل كدة في عربيتي الي قبل الأبيزا لأني كنت حافظها كويس اوي
                الأبيزا بخاف اعمل حاجة من دماغي لحسن ابوظها
                بس حضرتك بتنقل التجربة بالكامل وبتوفر علينا الأفتكاس من دماغنا

                كتر الف خيرك يا باشمهندس واتمني اتعرف علي حضرتك اكتر، انا ساكن جمبك في الهرم، فيصل تحديدا المريوطية

                اشوفك علي خير انشاء الله

                والله المستعان
                ،
                ،
                [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                [CENTER]
                [COLOR=DarkRed]صفحة القسم علي الفيس بوك[/COLOR]
                [/CENTER]
                [CENTER][URL]http://www.facebook.com/SeatNileMotors[/URL]

                [COLOR=Navy]صفحتي الشخصية
                [url]https://www.facebook.com/ITNetworksWay[/url]
                [/COLOR] [/CENTER]

                Comment


                • #9
                  المشاركة الأصلية كتبت بواسطة medo20000 مشاهدة المشاركة
                  الله ينور ياأستاذ محمد على مجهودك الممتع... فعلا تستاهل أكثر من عضو ذهبى ....
                  وعليك ياميدو ربنا يخليك دا من كرم اخلاقك
                  المشاركة الأصلية كتبت بواسطة syd مشاهدة المشاركة
                  موضوع ممتاز
                  جزاك الله عنا كل الخير

                  انا كنت بعمل كدة في عربيتي الي قبل الأبيزا لأني كنت حافظها كويس اوي
                  الأبيزا بخاف اعمل حاجة من دماغي لحسن ابوظها
                  بس حضرتك بتنقل التجربة بالكامل وبتوفر علينا الأفتكاس من دماغنا

                  كتر الف خيرك يا باشمهندس واتمني اتعرف علي حضرتك اكتر، انا ساكن جمبك في الهرم، فيصل تحديدا المريوطية

                  اشوفك علي خير ان شاء الله

                  والله المستعان
                  ،
                  ،
                  ربنا يكرمك ويكون ليا الشرف فى التعرف عليك فى اقرب فرصه ان شاء الله
                  دورة التبريد فى اى سياره متشابها لحد ما وديما خليك ثقتك بنفسك كبيره واستعين بذكر الله وأبدأ اشتغل بحرص وبهدؤ بعد محاوله فهم سيارتك ومش هتلاقى مشاكل ان شاء الله
                  وعلى فكره ياجماعه ارائى ومعلوماتى قابله للنقد وممكن اغلط لأنى فى الأساس ليس مهندس سيارات انا مهنتى الأساسيه محاسب بس بهوى السيارات ودا اللى مخلينى دايس وقلبى جامد شويه وبفك وبركب وبحشر مناخيرى مع كل صنايعي لحد ما افهم الدنيا ماشيه أزاى بهدف انى لو وقعت فى مشكله فى مكان مقطوع او عدم وجود من يفهم بسيارتى اقوم انا بعملها ودا اللى حصل معايا مره مع البوبينه وهبقى انشاء الله اكتبلكم موضوع أزاى نتأكد من ان البوبينه قاطعه ومحتاجه للتغيير وكيفيه تغيرها لو متوافر معاك واحده او لو توفرلك بسهوله البديل ليها
                  It’s not about having the perfect relationship.. But its finding someone who matches you and would go through everything without giving up.

                  Comment


                  • #10
                    موضوع أكثر ممتاز جزاك الله عنا كل الخير ياريت كل ناس تبقى كدة ماحدش يبخل بمعلوماته لان زكاة العلم تعليمه

                    Comment


                    • #11
                      شكرا جزيلا استاذ محمد ان شاء الله هحاول اعملها بنفسي وأصورها وارفعها هنا بالصور
                      بس هل نفخنا هيبقى قادر انه يخرج المياه كلها
                      ولا الواحد ممكن ينفجر :d
                      [CENTER][SIZE=2]OSaMa Mohamed El GHaMrY
                      smalltoto Before[/SIZE]

                      [SIGPIC][/SIGPIC]
                      [/CENTER]

                      Comment


                      • #12
                        موضو ممتاز، واذا سمحت لى اضيف ان فيه منتجات متخصصة لتنظيف دورة المياه بتكون فعاليتها اكتر شوية من البريل لأنها بتحل الرواسب المعدنية والصدأ بفعالية اكثر، فيه منها مصرى (رابيداو-انتج شركة أدكو -الاسكندرية) وفيه منها مستورد ومش غالية، المصرى العبوة 330 مللى ثمنها اقل من 10 جنيه والمستورد فيه من أول 10 جنيه وانت طالع وفيه من الصينى لحد الأمريكى
                        [SIZE=5][COLOR=navy]سبعاوى[/COLOR][/SIZE]
                        _______________________________________________

                        Comment


                        • #13
                          المشاركة الأصلية كتبت بواسطة sab3aawy مشاهدة المشاركة
                          موضو ممتاز، واذا سمحت لى اضيف ان فيه منتجات متخصصة لتنظيف دورة المياه بتكون فعاليتها اكتر شوية من البريل لأنها بتحل الرواسب المعدنية والصدأ بفعالية اكثر، فيه منها مصرى (رابيداو-انتج شركة أدكو -الاسكندرية) وفيه منها مستورد ومش غالية، المصرى العبوة 330 مللى ثمنها اقل من 10 جنيه والمستورد فيه من أول 10 جنيه وانت طالع وفيه من الصينى لحد الأمريكى
                          أذا سمحتلك دا انا ليا الشرف يابشمهندس سبعاوى انك تضيف عليا نورت فولكس بحالها يابشمهندس
                          It’s not about having the perfect relationship.. But its finding someone who matches you and would go through everything without giving up.

                          Comment


                          • #14
                            المشاركة الأصلية كتبت بواسطة sab3aawy مشاهدة المشاركة
                            موضو ممتاز، واذا سمحت لى اضيف ان فيه منتجات متخصصة لتنظيف دورة المياه بتكون فعاليتها اكتر شوية من البريل لأنها بتحل الرواسب المعدنية والصدأ بفعالية اكثر، فيه منها مصرى (رابيداو-انتج شركة أدكو -الاسكندرية) وفيه منها مستورد ومش غالية، المصرى العبوة 330 مللى ثمنها اقل من 10 جنيه والمستورد فيه من أول 10 جنيه وانت طالع وفيه من الصينى لحد الأمريكى
                            طب بعد اذن حضرتك ممكن تقول انواع المنظف الأمريكي وبكام ومنين ؟؟
                            ولكم منا وافر التحية

                            والله المستعان
                            ،
                            ،
                            [CENTER][FONT=Lucida Sans Unicode][COLOR=darkred]Eng. Mohamed Sayed[/COLOR] [COLOR=black]|[/COLOR] [COLOR=sienna]MS Networking Trainer[/COLOR][/FONT][/CENTER]
                            [CENTER][FONT=Lucida Sans Unicode][COLOR=darkorange]IBIZA MK2 (Typ 6K) APQ 1.4 MPI R4 44KW - 60hp[/COLOR][/FONT][/CENTER]

                            [CENTER][SIGPIC][IMG]http://www.nilemotors.net/Nile/signaturepics/sigpic94704_5.gif[/IMG][/SIGPIC][/CENTER]
                            [CENTER]
                            [COLOR=DarkRed]صفحة القسم علي الفيس بوك[/COLOR]
                            [/CENTER]
                            [CENTER][URL]http://www.facebook.com/SeatNileMotors[/URL]

                            [COLOR=Navy]صفحتي الشخصية
                            [url]https://www.facebook.com/ITNetworksWay[/url]
                            [/COLOR] [/CENTER]

                            Comment


                            • #15
                              المنضف الأمريكى فيه منه ماركة اسمها أبرو ، وفيه سناب وفيه إس تى بى وعدة ماركات اخرى، أللى انا جربته هو أبرو وكان ب 20 جنيه، فقط انتبه عند الشراء انه يكون radiator flush او ما نسميه مزيل صدأ او منظف رادياتير، وليس مانع صدا anti rust او مبرد coolant لأن الاتنين الأخيرين هما مسميين لشئ واحد اللى هو المركز اللى بيضاف على المياه المقطرة لاستخدامها كسائل تبريد فى الردياتير

                              انا جبته من شارع دمشق من عند واحد بتعا قطع غار وموجود فى محطات البنزين وكارفور
                              [SIZE=5][COLOR=navy]سبعاوى[/COLOR][/SIZE]
                              _______________________________________________

                              Comment

                              Working...
                              X