ميـاه الـرديـاتـير < خـضراء ولا زرقـاء ولا حـمراء > ايه الفـرق؟؟؟؟

[momo20703]

حاجة تحير جدا لما كن نازل اشترى مياه معالجة للردياتير من التوفيقة .. لقيت حاجات سعودى واسبانى ومصرى وكمان الوان يعنى فى:
مياه لونها احمر
مياه لونها ازرق
مياه لونها اخضر
ياترى ايه الفرق هل كله واحد ولا اكيد كل لون ليه خواصه الكميائية وع العلم ان الأزرق والأحمر دة كان منه المصرى بس والبايعين هناك طبعا بيبيعو وخلاص ياريت الأفادة من الاخوة اللى جربوا الأنواع دى ...

=======
تنبيه للعضو بعدم استخدام اللون الأحمر
حيث أنه مخصص لمداخلات الإدارة والإشراف
وشكرا
مشرف القسم

[mody_halawa]

بيتهيالى ان كلهم حاجة واحدة ومفيهمش اى اختلاف

[mohamedway]

كلهم حاجه واحده والاضافات اللى بتتحط على الميه بتخلى لونها شفاف بردوا و اللون ده هم اللى بيضيفوه مخصوص عشان الميه تبان فى القربه و تقدر تعرف مستواها انما لو شفافه مش هتبان بوضوح باختصار ده مجرد لون مضاف للميه ما لوش دعوه بالكيميا

[NaderNabil]

اهم حاجة هي نسبة تركيز المادة الفعالة...اللي هي الايثيلين جليكول....كل ما تزيد النسبة كل ما يبقي أفضل

[M!NA]

في سيارات الفولكس عامة بتتحط ميه حمراء... بس الميه اللي بتتباع في البنزينات ديه سمعت انها في كتير منها بيبقا مضروب...

[iBiZa]

مهمة مياة التبريد: رفع درجة الغليان - تقليل درجة التجمد - منع الصدأ

اغلب الانواع اللى بتتباع فى المحلات اى كلام عشان كدة تلاقى الجيركن ب 20 و 25 جنية.

الحاجات الاصلى بتبقى متقسمة نوعين:

• عبارة عن مياة ملونة + مكونات كيميائية يدخل فى تركيبها nitrite/borate او nitrite/molybdate inhibitors و دية بتبقى مركبات لمنع الصدا و بتبرد اسرع. و فية منها الوان ذى الاخضر و الازرق.
• عبارة عن احماض عضوية معروفة بOrganic Acid Technology (OAT) او NOAT) Nitrited Organic Acid Technology. و عادة لونها برتقالى او احمر برتقالى. و دية النوع الحديث من مياة التبريد و الVW مثلا بتستعملة.

كل نوع منهم لة طريقة عمل مختلفة, بالتالى مينفعش نزودهم على بعد عشان ميأثروش فى الخواص بتاعت بعض.

يفضل تزويد مياة التبريد فى حالة النقصان بمياة مقطرة {موجودة فى البنزينة ب 2 جنية}

يفضل تغيير المياة كل سنتين او كل 50 الف كيلو {ايهم اقرب} عشان بيبتدى يفقد خواصة {بس طبعا مش دة اللى بيحصل عندنا}

[MMamdouh]

اهم حاجة هي نسبة تركيز المادة الفعالة...اللي هي الايثيلين جليكول....كل ما تزيد النسبة كل ما يبقي أفضل

يمكن افضل من ناحية كفائة الميه فى مقاومة التجمد... لكن فى مصر كل ما النسبة قلت كل ما كان افضل لان حاله تجمد الميه مش موجودة عندنا

MMamdouh

[pcegypt]

اهم حاجة هي نسبة تركيز المادة الفعالة...اللي هي الايثيلين جليكول....كل ما تزيد النسبة كل ما يبقي أفضل

المسالة دي مش دائما مضبوطة ، عموما نسبة الاثيلين جليكول مفروض ماتزيدش عن 50% وفي مصر هنا النسبة ممكن تقل كتير عن كده لإن درجة حرارة الجو مابتنزلش تحت الصفر.

مهمة مياة التبريد: رفع درجة الغليان - تقليل درجة التجمد - منع الصدأ

اغلب الانواع اللى بتتباع فى المحلات اى كلام عشان كدة تلاقى الجيركن ب 20 و 25 جنية.

الحاجات الاصلى بتبقى متقسمة نوعين:

• عبارة عن مياة ملونة + مكونات كيميائية يدخل فى تركيبها nitrite/borate او nitrite/molybdate inhibitors و دية بتبقى مركبات لمنع الصدا و بتبرد اسرع. و فية منها الوان ذى الاخضر و الازرق.
• عبارة عن احماض عضوية معروفة بOrganic Acid Technology (OAT) او NOAT) Nitrited Organic Acid Technology. و عادة لونها برتقالى او احمر برتقالى. و دية النوع الحديث من مياة التبريد و الVW مثلا بتستعملة.

كل نوع منهم لة طريقة عمل مختلفة, بالتالى مينفعش نزودهم على بعد عشان ميأثروش فى الخواص بتاعت بعض.

يفضل تزويد مياة التبريد فى حالة النقصان بمياة مقطرة {موجودة فى البنزينة ب 2 جنية}

يفضل تغيير المياة كل سنتين او كل 50 الف كيلو {ايهم اقرب} عشان بيبتدى يفقد خواصة {بس طبعا مش دة اللى بيحصل عندنا}

الكلام ده هو فعلا المضبوط ، واحب اضيف ان النوع الاول بيكون للمواتير الزهر ودورات التبريد النحاس ، والنوع التاني يصلح لجميع المواتير بس بيفضل للمواتير و دورات التبريد الالومنيوم ، والمياه الوحيدة اللي لقيت عليها المواصفات دي واضحة هى مياه موبيل الزرقاء (تقليدية) او الحمراء (OAT) .

تحياتي

[momo20703]

الكلام ده هو فعلا المضبوط ، واحب اضيف ان النوع الاول بيكون للمواتير الزهر ودورات التبريد النحاس ، والنوع التاني يصلح لجميع المواتير بس بيفضل للمواتير و دورات التبريد الالومنيوم ، والمياه الوحيدة اللي لقيت عليها المواصفات دي واضحة هى مياه موبيل الزرقاء (تقليدية) او الحمراء (oat) .

يعنى المياه بتاعت محطات موبيل دى اصلية ومفيدة لدورة التبريد ولا مضروبة زى النواع الموجودة ؟؟؟؟؟؟؟

على فكرة فى بعض محطات موبيل عندهم خدمة تغيير مياه الردياتير دى عن طيرق تنظيفه بالهواء وطرد كل المياه القديمة والصدا واضافة المياه الجيدة ..

[abdelaziz-waleed]

راجع الموضوع ده ممكن برده يفيدك إن شاء الله
منتج Cyclo المركز لإطالة عمر مياه التبريد

[pcegypt]

الكلام ده هو فعلا المضبوط ، واحب اضيف ان النوع الاول بيكون للمواتير الزهر ودورات التبريد النحاس ، والنوع التاني يصلح لجميع المواتير بس بيفضل للمواتير و دورات التبريد الالومنيوم ، والمياه الوحيدة اللي لقيت عليها المواصفات دي واضحة هى مياه موبيل الزرقاء (تقليدية) او الحمراء (oat) .

يعنى المياه بتاعت محطات موبيل دى اصلية ومفيدة لدورة التبريد ولا مضروبة زى النواع الموجودة ؟؟؟؟؟؟؟

على فكرة فى بعض محطات موبيل عندهم خدمة تغيير مياه الردياتير دى عن طيرق تنظيفه بالهواء وطرد كل المياه القديمة والصدا واضافة المياه الجيدة ..

من المواصفات الموضحة على العبوة اعتقد انها جيده وخلي بالك انها مش رخيصة ( العبوة 4 لتر حوالي 41 جنيه) ولو نظفت دورة التبريد بالكامل بالهواء هتحتاج من 5 إلى 6 لتر من سائل التبريد وده حسب نوع العربية ، وما انصحكش انك تزود عليها اضافات تانية او مياه مقطرة لان ده هايغير تركيبها ويخفض تركيزها .

تحياتي

[momo20703]

ولو نظفت دورة التبريد بالكامل بالهواء هتحتاج من 5 إلى 6 لتر من سائل التبريد وده حسب نوع العربية

تحياتي

على فكرة انا معتقديش ابدا ان ممكن دورة التبريد تاخد كل دة الا بقى فى المواتير الكبيرة اوى يعنى 6 سلندر مثلا او فوق ال 2500 سىسى .. انا نضفت ومليت بجركن 4 لتر موبيل عادى جدا ... 1500 سىسى 4 سلندر ..

بس المووضع اللى عاوزيين نفهمه ايه المياه الحمرا دى وبعدين فى حاجات تانية كمان بتفرق فى نسبة التركيز يعنى مياه موبيل دى خضراء غامقة اوى وفى اناوع تانية افتح منها

[pcegypt]

الاخ الكريم ، انا عربيتي ابيزا 94 موتور 1300 ، نظفت دورة التبريد بالكامل وطردت المياة القديمة بالهواء في موبيل (رادياتير وبلوك و قربة)
والعربية خدت حوالي 5.5 لتر مياه تبريد وده اصلا المذكور في المانيوال بتاع العربية ولو كانت خدت اقل من كده كنت هاشك ان دورة التبريد ما اتنضفتش بالكامل ، ممكن تراجع مانيوال عربيتك علشان تعرف حجم دورة التبريد عندك قد ايه.

اما بالنسبة للمياه الحمراء والزرقاء فالاخ ibiza رد عليك رد وافي ، واضفت انا عليه في مداخلة سابقة ان مياة موبيل نوعين (زرقاء او اخضر مزرق) ودي المياة التقليدية اللي بتستخدم للمواتير الزهر والرادياتيرات النحاس ، (حمراء) ودي فيها تكنولوجيا الاحماض العضوية وبتكون مناسبة للمواتير والرادياتيرات الالومنيوم.

تحياتي

[Amera]

انا عندى مشكلة فى مية الراداتير عربيتى Verna 2008 وكل ما شييك على القربة الاقى المية ناقصة يعنى بين F&Lبس الكلام دة يوم بعد يوم يعنى اية الحكاية المية بترووح فين ؟وانا بزود للعربية مية من الحنفية وانا قريت فى المنتدى ان مية الحنفية بها معادن تتفاعل مع الراداتير وبتكون صدأ ؛ وانا بعد كدة لقيت ان المية اللى فى القربة لونها بنى ودة اكييد صدأ ؛ لما العربية راحت صيانة الالف كيلو فى ابورواش لقيت المية متزودتش مية خضراء ولا زرقاء ولااى لون فيها هية زى ماهية ؛ انا عندى القربة ليها خرطومين واحد موصل على الراداتير والتانى مش موصل لحاجة ومفتوح هل المية بتتسرب منة ولا اية ؟ وياترى اية الحل لمشكلتى دى ؟ ارجو منكم المساعدة وشكرا .

[bee]

يا باشا انت كده عندك دورة الراديوتور مش مقفولة

حط مياه عادية بس مقطرة من بتاعت التكييف مفيهاش أملاح
لان حرام تزود بمياه غالية
وفي الجو الحر ده طبيعي تنقص معاك