استفسار بخصوص اضافه مياه الردياتير؟

[hmada9009_99]

انا معايا اوبترا وكل ما اعمل صيانه الفني بيكشف على المياه وبعد كده يزودها وهي واقفه مش دايره والعربيه بتبقى دافيه مش سخنه اوي واما اشتكيت ومسكت في خناقه يقولي عادي مش هيحصل حاجه دولت حبه مياه زي ربع لتر كده او اقل مش هيأثره واما جبت المهندس اللي هناك قالي عادي بس انت متعملهاش احنا بس اللي بنعملها تحت ظروف معينه احنا عارفينها طبعا وقالي اما تبقى القربه فاضيه ساعتها ندور العربيه اما في حالتك القربه مياه عندك مليانه انا بعد كده قولتلهم محدش يفتح غطا القربه نهائي

السؤال بقى هل شويه دولت اثره على العربيه خصوصا انه سحبها كويس ودرجه حراره مظبوطه ؟
ياريت حد يفيدني ولكم جزيل الشكر

[dr.hazem]

القربه طالما فعلا فيها ميه والتزويد حاجة بسيطة والعربية مش سخنه كلها ظروف عادي

Sent from my LT18i using Forum Runner

[dr.hazem]

لقربه طالما فعلا فيها ميه والتزويد حاجة بسيطة والعربية مش سخنه كلها ظروف عاديه للتزويد ومفيش منها مشاكل ان شاء الله ده بحسب معرفتي...
تحياتي

Sent from my LT18i using Forum Runner

[medomorgan]

عادي بس يارت متكررش لانها ممكن تجيب جوان السلندر لو الكمية كبيرة

[ehabouf]

طالما في القربة يبقى تزود زي مانت عايز وفي اي وقت حتى لو القربة فاضية على الأخر لأن ببساطة الرادياتير مابيسحبش مايه من القربة الا والعربية دايرة فالنتيجة واحدة سواء زودت القربة والعربية دايرة او واقفة

[هيثم الدسوقى]

طالما العربية دافية بس يبقى مفيش مشكلة لكن لو اعلى من ال60 يبقى لاء لازم تستنى لما الحرارة تنزل وتضيف كميات صغيرة على فترات عشان يحصل تبادل حرارى قبل ما الدورة تتحرك

ويستحسن طبعا العربية تكون باردة وبلاش مخاطرة من غير ضرورة

[akmm]

جميل ... ولكن فعلا يستحسن إستكمال الماء والعربيه بارده ... او دافيه مع التشغيل لها اثناء التزود بالماء .