سؤال في أسلوب تغيير مياه الردياتير في محطة بنزين

[A_H_M_A_D]

انا روحت محطة موبيل ابن سندر عشان اغير مية الردياتير , العربية كان فيها ميه عاديه و كنت عايز احطلها مية تبريد موبيل

السؤال اللي عندي ان العامل هناك بعد ماخلص عمليه التنضيف وكل الميه القديمة نزلت بالصدا اللي كان موجود بعد حوالي 10 دقايق من توصيل الردياتير بجهاز التنضيف في دورة مفتوحة كانت الميه الداخله بتنزل تاني على الارض بعد ماتمر بدورة التبريد , في خلال المرحلة دي كان الموتور شغال

بعد كده وقف الموتور و نضف بالهواء عشان يزيل اي اثر للميه القديمة , وبعدين بدأ يحط من الميه الجديده الملونه , لكن و الموتور واقف ومش شغال , ولما سألته هو مش لازم يدور العربيه قالي لأ لأن الدورة جوه فاضيه , ومابدأش يدور تاني غير بعد ماالردياتير اتملى تماما هو والقربه , فدور و زود شوية ميه صغيرين لما كانت الميه بتنقص مع دوران الموتور

هل اللي عمله ده صح كده ؟ لأني أعرف ان الموتور لازم يفضل داير اثناء وضع الميه ؟ ولا كده ممكن يكون سببلي مشكله بجهله ؟

[mr_vampire]

اعتقد انه كدة عمل الصح ان والعربية فاضية خالص مافيهاش مية مرضاش يدورها لان دورة التبريد فاضية فهتسخن ومش هتلاقي مية تبرد فيحصل مشكلة ... ودور العربية لما حط المية عشان دورة التبريد تشتغل ويزود بقي الناقص....

انا فعلا بفكر اعمل الحوار ده لان فعلا المية القديمة بتنزل بصدي كتير جدا ورواسب كتير ... الليلة ده اتكلفت كام يافندم بعد اذنك ؟؟؟؟؟؟؟؟

[A_H_M_A_D]

اعتقد انه كدة عمل الصح ان والعربية فاضية خالص مافيهاش مية مرضاش يدورها لان دورة التبريد فاضية فهتسخن ومش هتلاقي مية تبرد فيحصل مشكلة ... ودور العربية لما حط المية عشان دورة التبريد تشتغل ويزود بقي الناقص....

انا فعلا بفكر اعمل الحوار ده لان فعلا المية القديمة بتنزل بصدي كتير جدا ورواسب كتير ... الليلة ده اتكلفت كام يافندم بعد اذنك ؟؟؟؟؟؟؟؟

تكلفة التنضيف 20 جنيه , وسعر جركل مياه تبريد موبيل 4 لتر 75 جنيه

بس انا قلقان من وضع الميه و هي بارده داخل المحرك و هو سخن من غير مايدوره , امال ليه احنا دايما لازم ندور الموتور قبل مانزود الميه

[Hussein_Ramdan]

تمام هو دة الصح
بس سؤال للناس الى لسة بتحط مياة من الحنافية فى الردياتير لية يعنى
ماهو الى بيوفرو كل سنة مثلا خمسين جينة تمن جركن مياة خضرا موبيل انظف حاجة
بيدفع بعد كام سنة واضعاف تمن ردياتير جديد ؟؟

[A_H_M_A_D]

تمام هو دة الصح
بس سؤال للناس الى لسة بتحط مياة من الحنافية فى الردياتير لية يعنى
ماهو الى بيوفرو كل سنة مثلا خمسين جينة تمن جركن مياة خضرا موبيل انظف حاجة
بيدفع بعد كام سنة واضعاف تمن ردياتير جديد ؟؟

الحقيقة انا كنت شاري العربيه مستعمله و فيها ميه عادية و مفكرتش اغيرها الا امبارح

[moumen_hs]

هو كدة عمل الصح ببساطة أصلا العربية مش سخنة ولا حاجة هو بيشغل العربية لما بيكون حاطط فيها الخرطوم بالمياة للتنظيف علشان طرمبة المياة تشتغل وتدور المياة فى كل المواسير والعربية هنا بتكون بردة بعدين لما بيخلص بيزود عادى ( العربية بردة ) بيملى لما تاخد العربية وبعدين يشغل علشان المية تتسحب عن طريق الطرمبة وبعدين يزود حتى المقياس فدة الطبيعى مفيش قلقل وياريت حضرتك تحافظ على المياة الخضراء دائما لانها بتحافظ على دورة التبريد فعلا وتحياتى

[A_H_M_A_D]

هو كدة عمل الصح ببساطة أصلا العربية مش سخنة ولا حاجة هو بيشغل العربية لما بيكون حاطط فيها الخرطوم بالمياة للتنظيف علشان طرمبة المياة تشتغل وتدور المياة فى كل المواسير والعربية هنا بتكون بردة بعدين لما بيخلص بيزود عادى ( العربية بردة ) بيملى لما تاخد العربية وبعدين يشغل علشان المية تتسحب عن طريق الطرمبة وبعدين يزود حتى المقياس فدة الطبيعى مفيش قلقل وياريت حضرتك تحافظ على المياة الخضراء دائما لانها بتحافظ على دورة التبريد فعلا وتحياتى

انا بصيت ساعتها على مؤشر الحراره لقيته قبل النص بشويه , يعني تقريبا كان على تلت القرايه , يعني لو النص 90 يبقى هو كان على 60 تقريبا

[khalid_adel]

طب بالمره بقي احسن ميه خضرا ايه عشان اجبها ؟؟ وهل يمكن بعد ما احط ميه خضرا ابقي ازود بميه مقطره لما تنقص شويه ؟؟
انا فعلا عايز اعملها ضروري
ياريت ترشحولي افضل مكان اعملها فيه وشكرا

[eslamsubaru]

تكلفة التنضيف 20 جنيه , وسعر جركل مياه تبريد موبيل 4 لتر 75 جنيه

بس انا قلقان من وضع الميه و هي بارده داخل المحرك و هو سخن من غير مايدوره , امال ليه احنا دايما لازم ندور الموتور قبل مانزود الميه

يا باشا انت بتزود ميه و العربية دايرة مش بتحط ميه من أول و جديد و دورة المياه فاضية ..... طيب لو دورت العربية و هى مفيهاش و لا نقطة ميه متوقع يحصل ايه غير ان العربية هتسخن و الموتور ممكن يحصله حاجة...
اللى عمله الصنايعى هو الصح

[A.Saad]

طب بالمره بقي احسن ميه خضرا ايه عشان اجبها ؟؟ وهل يمكن بعد ما احط ميه خضرا ابقي ازود بميه مقطره لما تنقص شويه ؟؟
انا فعلا عايز اعملها ضروري
ياريت ترشحولي افضل مكان اعملها فيه وشكرا

الاول شوف موتورك عايز ايه

جليكول ايثلين ولا oat
لو الاول
هتلاقى فالفولين وموبيل

وبريستول بس قلقت لتكون مضروبة

[khalid_adel]

انا عندي فعلا ايثلين
بس مش ده عشان التجمد بره مصر ؟؟؟
هنا في مصر العربيه بتسخن جامد ولازم عنايه خاصه بدوره التبريد بالذات
فهل في نوع ميسخنش او ميغليش زي العاديه ؟؟ وانهي افضل للتبريد
وشاكر جدا علي ردك

[أبو آسر]

متابع باهتمام

[A.Saad]

انا عندي فعلا ايثلين
بس مش ده عشان التجمد بره مصر ؟؟؟
هنا في مصر العربيه بتسخن جامد ولازم عنايه خاصه بدوره التبريد بالذات
فهل في نوع ميسخنش او ميغليش زي العاديه ؟؟ وانهي افضل للتبريد
وشاكر جدا علي ردك

استعمله
هو بيساعد على فقد الحرارة لانه بيحملها مع الماء
ودرجه غليانه 197 c فيزود مع زياده ضغط الدورة درجة الغليان علشان تكون ازيد من 100
زيادته عن تركيز 50% مش مستحبه فى الجو الحار

ليك وحشة والله يا خالد