زيت الباور

[أبو آسر]

السلام عليكم
كنت عايز أزود زيت الباور عشان لقيته ناقص شوية
روحت بنزينة موبيل قلتلهم عايز زيت باور
ادوني ازازة بس مكتوب عليه زيت ناقل الحركة الأوتوماتيكي !!
قلتلهم بس ده زيت فتيس مش باور
قالولي هو ده زيت الباور
المهم أنا مقتنعتش ومجبتوش
فبعد شوية دعبسة على النت توصلت إلى إن معظم الناس بتشتري زيت الفتيس ده على أساس إنه زيت الباور وإن ده مش هو الصح بس مش عارف هل هو غلط ولا لأ لكن هو على الأقل مش الصح وخلاف الأولى يعني وإن في زيت باور مخصص للباور بيبقى مكتوب على علبته من برة Power Steering Fluid
مكدبتش خبر وروحت نفس البنزينة بس دخلت على المارت اللي فيها فلقيت فعلا إزازة لونها أصفر ومكتوب عليها Power Steering Fluid with stop leak ومصنوع في USA فاشتريتها بحوالي خمسين جنيه وزودت بيها الزيت ولقيت لونه أزرق شفاف
ودي صورتها من تصويري

[amr.elsayed]

هو كان ايه سبب نقصان الزيت يابو بودى هل كان عندك تسريب والا حاجة
و فيه علامتين max و min المفروض الزيت بيكون بين العلامتين
هو الزيت اللى كان موجود فى القربة كان لونه ايه ؟؟؟

[gebreel]

انا اللي اعرفه ان زيت الباور لونه احمر و لو الزيت بين الmin و الmax فده عادي و مفيش قلق مش لازم يبقى على الmax و الاضمن بعد كدة انك تبقى تشتري لو شاكك في حاجة زيوت توتال او تتصل تسأل في التوكيل

[أبو آسر]

هو كان ايه سبب نقصان الزيت يابو بودى هل كان عندك تسريب والا حاجة
و فيه علامتين max و min المفروض الزيت بيكون بين العلامتين
هو الزيت اللى كان موجود فى القربة كان لونه ايه ؟؟؟

مظنش فيه تسريب ولا حاجة بس العربية بقالها 3 سنين فأظن انه ينقص شوية بعد كل المدة دي طبيعي يعني والله أعلم
هو فعلا بين العلامتين منزلش عن MIN بس هو فوق علامة MIN علطول وأنا بحبه يبقى على الMAX
ومشفتش الزيت اللي في القربة عشان القربة مقفولة بسدادة لونها اسود كده ومخرمة عشان لما أزود الزيت ينزل

انا اللي اعرفه ان زيت الباور لونه احمر و لو الزيت بين الmin و الmax فده عادي و مفيش قلق مش لازم يبقى على الmax و الاضمن بعد كدة انك تبقى تشتري لو شاكك في حاجة زيوت توتال او تتصل تسأل في التوكيل

هو فعلا مش لازم يكون على الماكس طالما منزلش عن الmin بس الوسواس بأه تعمله ايه
بس أنا رأيي إن زيت الباور اللي أنا جبته ده أأمن من إني أزود بزيت فتيس خاصة انه امريكي يعني مش متصنع تحت السلم

[jojooo]

عايز اضيف حاجة هو غير انة زيت للبور هو with stop leak يعني مانع لللتسرب يعني لو حد عندة تسريب في علبة الدركسيون تغير ولسية مثلا ممكن يكون المنتج دة حل بلنسبة لة ولو ممكن من صاحب الموضوع مكان الشراء بلتحديد وشكرا

[أبو آسر]

عايز اضيف حاجة هو غير انة زيت للبور هو with stop leak يعني مانع لللتسرب يعني لو حد عندة تسريب في علبة الدركسيون تغير ولسية مثلا ممكن يكون المنتج دة حل بلنسبة لة ولو ممكن من صاحب الموضوع مكان الشراء بلتحديد وشكرا

أنا جبته من بنزينة موبيل اللي قبل موقف العاشر آخر شارع جسر السويس بعد نزلة كوبري المطار مباشرة على اليمين لو هتيجي من جوزيف تيتو وتطلع الكوبري اللي بيطلعك على طريق الإسماعيلية ومدينة العبور

https://maps.google.com.eg/maps?q=mobil&hl=ar&ll=30.142733,31.403711&spn=0.010076,0.021136&sll=30.139672,31.398969&sspn=0.010076,0.021136&t=m&radius=0.76&hq=mobil&z=16