نقص زيت الباور

[shur3000]

زيت الباور عندى نقص حاجة بسطية هو كان عند النص من سنة حاليا قل عن النص شوية وريتها للعفشجى بتاعى وهو ثقة قالى هات زيت باور وزود.

والدريكسيون مابيعملش معايا اى صوت او تقل اللهم الا احيانا فى الملفات لا بكسر جامد بس صوت كرركرة بس مش دايما .

المهم فى ميكانيكة شاافها قالى اويل سيل علبة الدركسيون عايز يتغير وورانى فى الكبوت من تحت الدركسيون حاجةزى زيت ناشف او كدة مع العلم ان الموضوع دة مش عاملى اى مشكلة.

لازم اغير ولا استنى وكبر

[akmm]

متابع ولكن روح للميكانيكى بتاعك وخليه يشوف الزيت الناشف ده وسببه ايه هل تسريب وان كان كده يعالجه وبعدين تزود زيت الباور ....................

[beshomilan]

نفس استفسارى برضه
عندى زيت الباور ناقص..الميكانيكى قاللى هات زيت وزود وبس كده
قاللى هات العلبه الامريكى اللى ب 20 وبس كده
مع ان فكاتالوج العربيه كاتبين انه لازم شل atf ii وفيه atf فى السوق من 1 ل 4 وبتاعى لازم 2
فمش عارف كده اى حاجه وخلاص ولا ايه

[nagy wassef]

ممكن سؤال بس؟ هو الزيت ده بيتغيير كل قد ايه؟ هو و زيت الفتيس؟

[shur3000]

اللى اعرفة زيت الفتيس كل 40 الف وانا غيرتة وعمل فرق وراحة فى النقلات انما الباور والفرامل اعتقد كل 20 الف مع ان كل الميكانيكية مابيربضوش يغيروا ويقلك زود
المهم حل المشكلة اية رغم انى ما عنديش مشاكل من الموضوع دة

[amer_el7op]

كده فعلا بدايه تلف اويل سيل علبة الدركسيون

[nagy wassef]

اغسل و امشى اسبوع ولا 10 ايام و ارفع و شوف

[ABO MALEK]

انا عندى نفس المشكلة بكل اسف ومعنديش زيت بينقط على الدواسة انما الإسكاترة بترشح زيت من صامولة كبيرة مكانها تحت سيرفو الفرامل (اللى بيتقلوا ويخفوا منها الدركسيون)وقالى لازم تتغير او أزود زيت....هى مش بتنقص كتير انما فى النهاية فيها مشكلة وانا جبت زيت باور من محطة وطنية 900 مللى بــ 35 بلبل وبزود منها لحد ما أشترى اسكاترة استيراد لما سئلت عليها لقتها عاملة400 : 300 حسب شطارة الفصال ده غير الصنايعى اللى معايا ومش يتبان عيوبها الا لما تركب.
والله انا زهقت من الجديد كله ونفسى اركب 2107 واللــــــــــــــــــــــــــــــــــــــــــــــ ـــه.

[Khaled Lanos]

عيب أويل سيل سكاتر عايز يتغير سعره في حدود 10 جنيه ولا حاجة..أنا رأيي غيره بالمرة أحسن ما يبوظ لك علبة الدريكسيون ولا حاجة لو الزيت نزل لاقدر الله.

[tarek_2005]

غير اويل سيل الاسكاترا

[shur3000]

طب التغير غلبة وهياخد وقت والمصنعية كام

[Khaled Lanos]

طب التغير غلبة وهياخد وقت والمصنعية كام

هو من ناحية غلبة اه فهو غلبة بصراحة انا اعرف ناس غيرتو بنفسها في 3 ساعات

المصنعية هتبقى في حدود 30-50 جنيه حسب الصنايعي وانت وشطارتك في الفصال

[shur3000]

جبت الاويل سيل ب10 وزيت موبيل ب35 ورحت للعفشجى وخد 90 منه للة كدة غالى بس هو الصراحة مات