مياه الريداتير فى الجيتا 2009

[amrsabet]

استقسار لاصحاب الجيتا
انا عربيتيى خليجى مو 2009 كنت براجع على مياه الريداتير فى القربة و لقيتها عند حد min المهم عملت حاجه مش عارف غلط ولا صح اشتريت لتر مياه حمرا من موبيل و زودت المياه بيها و لما سالت واحد صحبى قالى غلط لان الجيتا ليها مياه مخصوصة عشنها بتباع عند اشرف الشهابى فى شارع دمشق عاملة زى الزيت

هل كده فى مشكلة ممكن تحصل للعربية بالرغم انى زودت شوية تقريبا ربع لتر من موبيل الحمرا

ارجو الافادة لانى قلقان وهل لازم اغير المياه دى كل اد ايه لان العربية ماشية 40 الف و لحد دلوقتى مغيرتش المياه خالص

شكرا

[Recaro]

هيا مش بتتغير طبعا على 40 ألف انما بتتزود بنفس النوع ومينفعش تخلط سائل التبريد الأصلى بأى نوع تانى، مكتوب تحذير على ضهر العلبه الأصليه من الموضوع ده، اعتقد ده سببه ان سائل التبريد بتاع الفولكس شبه زيتى عشان يحافظ على الاجزاء المتحركه فأى اضافه قد لا تتجانس معاه ويبقى عندنا مادتين مش بيختلطوا تماما.

[amrsabet]

طب الحل ايه فى اللى اتا عملته

[exact]

الكلام المفيد

حضرتك ماينفعش تخلط نوعين ميه على بعض... يعني ما ينفعش تضيف احمر على اخضر مثلا

ثانيا لا يتم تزويد سائل التبريد بسائل تبريد الا في حال حدوث تسريب وعدا ذلك يتم تزويدها بالماء النقي فقط

[Recaro]

طب الحل ايه فى اللى انا عملته

اعتقد الكميه اللى حضرتك ضفتها من min ل max مش هتسبب مشاكل أصلا ولا هتحس بحاجه والأهم تعرف سبب النقصان ايه، لكن لو موسوس فضيها وحطلها السائل بتاعها ..

[amrsabet]

ممكن حد يفدنى السائل الاصلى بكام

[Ayman amoun]

لو حد حب يزود مياه يشترى ميه مقطارة يزودها عادى بس يزود بيها لو العربيه عوزة ميه اصلا يعنى اقل من الماكسمام و هيا تقريبا بتعوز تزود كل 10,000 كم و هتلحظوا الموضوع ده فى الصيف و مع القرص على العربيه لكن فى الشتا اعتقد مش هتقل لان العربيات دى شتوى :) بتحب الجو البرد و هتلاقى السيارة مرياحة معاك اوى . شكرا