تزويد مياه الريداتير

[lidosasa]

السلام عليكم
حصل إختلاف فى وجهات النظر بينى وبين أحد أعضاء المنتدى حول المياه الخضرا أو الزرقا فى الريداتير فى حالة نقصها من التبخر وليس التسريب .
أنا قلت لازم تتزود بمياه مقطرة مش خضرا أو زرقا عشان نسبة تركيز المواد الكيماوية اللى فى المياه متزدتش ويحصل تأكل لخراطيم دورة التبريد والريداتير نتيجة زيادة المواد الكيمائية لآن اللى بيتبخر هى المياه وتبقى المواد الكيمائية
وهو كان رأيه إننا لازم نزود مياه من نفس النوع سواء زرقا أو خضرا لآن المواد الكيمائية بتتكسر نتيجة التبخر ولازم نعوضها عشان ميحصلش صدأ فى دورة التبريد والريداتير
أرجو من خبراء المنتدى إفادتنا بخصوص هذا الموضوع

[dr.hazem]

التزويد بميه مقطره
التغيير بميه ملونه...

وطبعا التفسير حضرتك ذكرته مسبقا...


بالمناسبه
الميه المقطره لوحدها كافيه اصلا من غير ميه خضرا لان الميه الخضرا هي مانع للتجمد اكتر منها مبرده

ميزة الميه الخضرا ان عند اي تسريب بتترك ماركر او علامه تعلم مكان التسريب....
تحياتي

[Amr Axel]

مقدرش اقولك الاصح و مش هردد كلام و خلاص بدون تفسير
لكن في حالة ملئ دورة التبريد بيكون تلت ارباع الدورة مية ريداتير و الباقي مية مقطرة
لكن معتقدش هتفرق الموضوع ده ذهب له فريقين ناس بتقول مية ريداتير و ناس بتقول مية مقطرة انا عن نفسي ع حسب ساعات كنت بزود مية مقطرة و ساعات مية ريداتير لأن كل اللي بزوده ع مدار شهور ميجيش حاجة في دورة تبريد فيها 3-4 لتر
و مية الريداتير المفروض فيها مية مقطرة بس مش معني ده ان مية مقطرة بس تتحط لوحدها لازم مية ريداتير لأن مية الريداتير بتحتوي ع مادة الايثيلين جيليكول غير باقي الاضافات زي مانع الصدأ و مواد اخري بنسب معينة الصبغة اللي بتفيد في حالة التسريب و ده كله غير متوافر في المية المقطرة لوحدها
لكن في جميع الحالات لازم يكون فيه مية ريداتير في الاصل و هي مش هتلحق تركيزها يخف او يزيد طالما بتغيرها بشكل دوري كل سنتين او مع كل دخلة صيف بالاضافة ان المية مش هتنقص الا كل فترة قد تصل لـ5 شهور حسب القيادة و بنسبة بسيطة فالتركيز مش هيتأثر من التزويد سواء بديه او بديه

[dr.hazem]

مقدرش اقولك الاصح و مش هردد كلام و خلاص بدون تفسير
لكن في حالة ملئ دورة التبريد بيكون تلت ارباع الدورة مية ريداتير و الباقي مية مقطرة
لكن معتقدش هتفرق الموضوع ده ذهب له فريقين ناس بتقول مية ريداتير و ناس بتقول مية مقطرة انا عن نفسي ع حسب ساعات كنت بزود مية مقطرة و ساعات مية ريداتير لأن كل اللي بزوده ع مدار شهور ميجيش حاجة في دورة تبريد فيها 3-4 لتر
و مية الريداتير المفروض فيها مية مقطرة بس مش معني ده ان مية مقطرة بس تتحط لوحدها لازم مية ريداتير لأن مية الريداتير بتحتوي ع مادة الايثيلين جيليكول غير باقي الاضافات زي مانع الصدأ و مواد اخري بنسب معينة الصبغة اللي بتفيد في حالة التسريب و ده كله غير متوافر في المية المقطرة لوحدها
لكن في جميع الحالات لازم يكون فيه مية ريداتير في الاصل و هي مش هتلحق تركيزها يخف او يزيد طالما بتغيرها بشكل دوري كل سنتين او مع كل دخلة صيف بالاضافة ان المية مش هتنقص الا كل فترة قد تصل لـ5 شهور حسب القيادة و بنسبة بسيطة فالتركيز مش هيتأثر من التزويد سواء بديه او بديه

اسمحلي طبعا اختلف معاك يا صديقي كالعاده
مبدئيا علميا التركيز لما بتزود ميه مقطره بيفضل زي مهوا بغض النظر عن ان الواحد بيغيرها ولا مبيغيرهاش احنا بنتكلم عالعلم...
اما عن الميه الخضرا فمفيش فيها مواد فعاله غير الايثيلين جلايكول وهو مانع للتجمد ورافع لدرجة الغليان
مفيهاش مانع صدا ولا اي حاجه
الصدأ بييجي نتيجة تفاعل الحراره والميه اللي فيها املاح....

الميه المقطره في لادنا تقوم بنفس الاداء في حين عندي في الاردن لازم انتي فريز لان درجة الحرارة بتوصل هنا تحت الصفر وشفت بعيني الميه الخضرا وهي سايله في عز البرد....


تحياتي