أستخدام زيت الفرامل لأزالة الصدأ داخل الردياتير

[ahmedsamy63692]

الأصدقاء الأعزاء أفيدونى بخبراتكم و علمكم
هل وضع زيت الفرامل مع المياه الخضراء داخل الردياتير ونظام التبريد بالسيارة مفيد؟
انا ارى على حدود علمى الضيقة الفوائد التالية
(1) يزيل الصدأ
(2) يعمل على ليونة الخراطيم الكاوتش و بالتالى هيحافظ على ليونة طرمبة المياه
هل هذا عملياً صحيح ام لا افيدونا افادكم الله . وشكراً

[mohamed76]

ما اعتقدش ان ليها فايدة لان الزيت هيتنوه مفصول عن المياه فوق غى اعلى جزء عند الردياتير او القربة
و كمان مياه الردياتير فيها اضافات لمنع الصدأ و المحافظة على مكونات دورة التبريد

[sab3aawy]

لا اعتقد
زيت الفرامل مادة شرهة كيميائيا وطول بقائها علي اي جزء معدني معرض للهواء بيخليه يصدي
الاساس في التعامل مع الدياتير هو منع الصدأ وليس التسبب فيه وازالته. خليك في موانع الصدأ المكونة من الايثيلين جليمول والماء المقطر . لما بتتحط علي ردياتير نضيف بتقعد انشالا عشرين سنة بدون اي صدأ. نضف الردياتير كويس ثم املءه سايل تبريد مانع للصدأ وخلاص

[ahmed_h_g]

أساسا" زيت الباكم لما يتخلط بمياه بيتحلل وبيفقد خواصه وبيبقى لونه أبيض

[aboomar22]

مره كنت راكب مع سواق تاكسى اسبرانزا قالى لو عايز الريداتير يبقى فى الصيف كويس حط علبة زيت باكم مع مياه الريداتير وامشى بالعربية نصف ساعة ثم فضى المية اللى عليها الزيت واملىء مية نظيفة والميه نازلة هتلاقى معها بلاوى (على حسب تعبيره ) بس هو كده اكيد بيقول على الميه العادية مش مياه التبريد الخضراء

[mahmoud85]

مره كنت راكب مع سواق تاكسى اسبرانزا قالى لو عايز الريداتير يبقى فى الصيف كويس حط علبة زيت باكم مع مياه الريداتير وامشى بالعربية نصف ساعة ثم فضى المية اللى عليها الزيت واملىء مية نظيفة والميه نازلة هتلاقى معها بلاوى (على حسب تعبيره ) بس هو كده اكيد بيقول على الميه العادية مش مياه التبريد الخضراء

فعلا في ناس بتقول ككده

[angel_man100]

انا فيه واحد بقى خبره الصراحه قالى عايز تنضف الريداتير صح حط شويه ملح ليمون فى الريداتير ودور العربيه حوالى نصف ساعه وبعد فضى المياه وشوف اللى نازل شكله ايه

[loverless]

كل فترة (مثلا سنة أو سنتين) روح على اي بنزينة واغسل الرادياتير هو وقربة المياه وحط ميه خضراء من ماركة محترمة ومشهورة ... واعمل الكلام دا كل فترة طالما عربيتك مش حديثة تكلفة الموضوع دا في حدود 30 ج بدون سعر المية

[A.Saad]

اللى قالك كدة
تحط علبة ربع كيلو فى راسه علشان تنضف

[ahmedarblog]

يا جماعة زيت الفرامل له خواص كيميائية كاوية وممكن يضر دورة التبريد وبالذات الخراطيم واﻻجزاء البلاستيكة والمعدنية مما يؤدي الي تفكك وانفصال اجزاء صغيرة تحت تاثير الضغط والحرارة وتتسبب في انسداد مجاري ضيقة لدورة التبريد

[akmm]

الكل اختلف ...... ولكن تنظيف دوره التبرييد ازاى شىء يكون متجرب ولايضر العربيه وعلمى او منطقى ........