استفسار: زيت الفرامل + زيت الفتيس

[strikebaby]

السلام عليكم ورحمه الله وبركاته

1- كنت بسأل على زيت الفرامل هو المفروض بيتغير كل كام كيلو ؟؟

احسن نوع ايه؟؟


2- هو زيت الفتيس بيتغير و لا بيتزود !!! اصل انا لما روحت اكشف عليه الراجل فى البنزينه قالى لا دة بيتزود بس؟؟؟؟؟

انا عربيتى جوليت موديل 2000 ....... واسف على الاطاله

[kareem_eg]

اللي اعرفه زيت الفرامل لازم يتغير كل سنتين عشان هو شره للماء ..يعني بيمتص الرطوبة و يقل كفاءته
انا استعملت وولف و كويس الحمد لله .. بس لسة من 200 كيلو بس
بالنسبة لزيت الفتيس انا نسيت كل قد ايه . تقريبا كان 30 الف (بس برضو استني راي الشباب عشان انا مش متاكد) . بس اكيد لازم يتغير بعد فترة .. و كذا عضو كان نصحني ب شل

و بلاش تغير اي زيت من الاسطوانة اللي في البنزينة لانهم بيقولو ان بيبقي فيها بواقي زيوت و زيوت محروقة ... حضرتك اشتري علبة الزيت و روح اديها للراجل و قولو غير الزيت .. صحيح لو حضرتك حتغير من وولف هما بيغيروه في المركز و سعر العبوة يشمل التغيير

[Silent~Dream]

زيت الفرامل كل سنتين عشان بيبدا يفقد خواصه بعدها و زيت الفتيس كل 50-70 الف كيلو

[a_mohamedsamir]

أنا أعرف ان زيت الفتيس مش بيتغير
إذا نقص بيتزود
لكن الفرامل مش عارف

[zerox2010]

؟؟؟؟؟؟؟؟؟؟؟؟؟؟

[MMamdouh]

زيت الفرامل بيتغيل كل سنتين او 30 الف... استعمل زيت DOT4 و الدورة بتاخد حوالى نص لتر

زيت الفتيس حسب الكتالوج مش بيتغير لكن التجربة العملية اثبتت ان تغيير زيت الفتيس كل 50 الف بيحسن من اداء الفتيس كتير... الفتيس بياخد 1.8 لتر زيت W90

MMamdouh

[strikebaby]

زيت الفرامل بيتغيل كل سنتين او 30 الف... استعمل زيت dot4 و الدورة بتاخد حوالى نص لتر

زيت الفتيس حسب الكتالوج مش بيتغير لكن التجربة العملية اثبتت ان تغيير زيت الفتيس كل 50 الف بيحسن من اداء الفتيس كتير... الفتيس بياخد 1.8 لتر زيت w90

mmamdouh

شكرا جدا على ردك واهتمامك

بس سؤال هو نوع الزيت dot4 بس !!!! يعنى لما اروح اشتريه اقوله الاسم دة بس ولا فى منه انواع ؟؟؟

[Silent~Dream]

شكرا جدا على ردك واهتمامك

بس سؤال هو نوع الزيت dot4 بس !!!! يعنى لما اروح اشتريه اقوله الاسم دة بس ولا فى منه انواع ؟؟؟

هات موبيل Dot 4 هو تقريبا افضل نوع حاليا

[MMamdouh]

dot 4 دى درجة الزيت مش نوعة... احسن حاجة فى السوق الزيت نوع ATE



MMamdouh

[strikebaby]

هات موبيل dot 4 هو تقريبا افضل نوع حاليا

dot 4 دى درجة الزيت مش نوعة... احسن حاجة فى السوق الزيت نوع ate



mmamdouh

شكرا يا جماعه على الردود و التوضيح بس كدة انا احترت
ate ولا موبيل ؟؟؟؟؟؟؟