زيت الفرامل dot3 &dot4 وأيهما أنسب

[a_mohamedsamir]

السادة الأعضاء الكرام
السلام عليكم
ممكن حد يوضح لنا الفرق بين زيت الفرامل dot3 و dot4
وأيهما أفضل للانوس 2
وهل تغيير زيت الفرامل يستوجب تغيير زيت بلية الدبرياج
ولكم جزيل الشكر

[svneleven]

الفرق بين 3 و 4 هو درجة الغليان و اللزوجة. يعني 4 درجة غليانه أعلي من 3 و لزوجته أعلي. طب ايه الفايده؟ طبعا لما حضرتك بتستعمل الفرامل بتتولد حرارة جامدة و بالتالي بتتنقل للزيت و لو الحرارة ديه عالية ممكن تخلي الزيت يغلي و بالتالي يبتدي يكون فقاقيع هوا داخل خطوط الفرامل و بالتالي بيخلي الفرامل ضعيفة جدا و كأنك محتاج تاخد هوا من الفرامل.
فلو حضرتك العربية مكتوب علي خزان الفرامل DOT4 و أنت استعملت 3 ده معناه أن الزيت مش هيتحمل الحرارة اللي فرامل عربيتك بتولدها و هيعمل مشكلة. لكن مش هيضر لو مكتوب 3 و انت استعملت 4.
طبعا ممنوع حضرتك تخلط 3 ب 4 عشان ممكن ده يسبب تأكل في المواسير و الخراطيم بتاعة الزيت.
حاجة كمان فيه درجتين غليان للزيت Wet boiling point و Dry boiling point.
Dry لو حضرتك لسه جايب زيت جديد.
WET مع الاستعمال الزيت بيجمع رطوبة من الجو و الخراطيم و بالتالي درجة غليانه بتقل و يبتدي يعمل فقاقيع في منظومة الفرامل عشان كده تلاقي ناس كل شوية تحس أن الفرامل ضعيفة و تاخد هوا عند الميكانيكي و بعد كده تشتغل شوية و تضعف تاني تاخد هوا تاني و في الحالة ديه المفروض تغير زيت الفرامل بالكامل.
DOT 5 بقي موضوع تاني لأنه مش بيتأثر بالرطوبة عشان داخل سيليكون في تكوينه و بالتالي درجة غليانه تقريبا ثابته لكن لازم منظومة الفرامل تكون مصممة أنها تشتغل بيه. يعني لو عربيتك DOT3 أو 4 ما ينفعش تستعمل 5.
أتمني أكون أفدت حضرتك.

[VERNAGINI]

ايه زيت بلية الدبرياج ده؟؟ تقصد زيت الدبرياج!!!

[matrixo07]

ايه زيت بلية الدبرياج ده؟؟ تقصد زيت الدبرياج!!!

زيت بلية الدبرياج قصده زيت الفتيس .

[a_mohamedsamir]

الفرق بين 3 و 4 هو درجة الغليان و اللزوجة. يعني 4 درجة غليانه أعلي من 3 و لزوجته أعلي. طب ايه الفايده؟ طبعا لما حضرتك بتستعمل الفرامل بتتولد حرارة جامدة و بالتالي بتتنقل للزيت و لو الحرارة ديه عالية ممكن تخلي الزيت يغلي و بالتالي يبتدي يكون فقاقيع هوا داخل خطوط الفرامل و بالتالي بيخلي الفرامل ضعيفة جدا و كأنك محتاج تاخد هوا من الفرامل.
فلو حضرتك العربية مكتوب علي خزان الفرامل dot4 و أنت استعملت 3 ده معناه أن الزيت مش هيتحمل الحرارة اللي فرامل عربيتك بتولدها و هيعمل مشكلة. لكن مش هيضر لو مكتوب 3 و انت استعملت 4.
طبعا ممنوع حضرتك تخلط 3 ب 4 عشان ممكن ده يسبب تأكل في المواسير و الخراطيم بتاعة الزيت.
حاجة كمان فيه درجتين غليان للزيت wet boiling point و dry boiling point.
Dry لو حضرتك لسه جايب زيت جديد.
Wet مع الاستعمال الزيت بيجمع رطوبة من الجو و الخراطيم و بالتالي درجة غليانه بتقل و يبتدي يعمل فقاقيع في منظومة الفرامل عشان كده تلاقي ناس كل شوية تحس أن الفرامل ضعيفة و تاخد هوا عند الميكانيكي و بعد كده تشتغل شوية و تضعف تاني تاخد هوا تاني و في الحالة ديه المفروض تغير زيت الفرامل بالكامل.
Dot 5 بقي موضوع تاني لأنه مش بيتأثر بالرطوبة عشان داخل سيليكون في تكوينه و بالتالي درجة غليانه تقريبا ثابته لكن لازم منظومة الفرامل تكون مصممة أنها تشتغل بيه. يعني لو عربيتك dot3 أو 4 ما ينفعش تستعمل 5.
أتمني أكون أفدت حضرتك.

متشكر جدا جدا على المعلومات القيمه دى

أكيد طبعا استفدت منها

[a_mohamedsamir]

ايه زيت بلية الدبرياج ده؟؟ تقصد زيت الدبرياج!!!

متأسف جدا فعلا أقصد زيت الدبرياج

[a_mohamedsamir]

زيت بلية الدبرياج قصده زيت الفتيس .

لا انا فعلا أقصد زيت الدبرياج مش الفتيس

[svneleven]

يا باشا انت تؤمر.

[MMamdouh]

زيت الفرامل و الدبرياج فى الدايو مشترك بين الدورتين

MMamdouh

[svneleven]

و الهيونداي كمان. كان معايه جيتز و كان زيت الدبرياج هو هو زيت الفرامل. أنا أصلا أظن العربيات كلها كده.

[MMamdouh]

اللادا ليها خزنة منفصلة للدبرياج

MMamdouh