استفسار : عن زيت الباور القول الفصل ابيض ولا احمر ؟

[alkawther60]

السلام عليكم ورحمة الله وبركاته

كان عندي استفسار وحيرة واقع فيها

عندي ماتريكس مانيوال 2006 لسة شاريها من فترة قريبة وعاملة 97000 كيلو

وعندي زيت الباور القربة بتاعته على min والزيت اللي فيها تقريبا لونه احمر

تمام مرضتش ازوده وقولت هغيره كله وخلاص باني اصفيه كامل واسحب اللي في القربة وكده

بس ياترى ايه الطريقة الصحيحة عشان افضي كامل الزيت كله واحط زيت جديد ( زيت الباور)


والحيرة الكبيرة بقى ايه افضل نوع زيت
هل هو الاحمر ولا
gunk اللي علبته صفراء وتقريبا لونه ابيض

اايييييييييييييييه افضل زيييييييييييييت باااااااااااااور

اه بالمرة كمان

افضل زيت فرامل (باكم) -------- تقريبا سمعت ate sl dot 4 ابو علبة زرقا ولا فيه افضل منه

وايه افضل زيت فتيس مانيوال وبيتغير ولا بيتزود ولا ايه نظامه

وهل فيه زيوت تانية بتتغير وايه افضل نوع مياه ريداتير

صراحة عايزة اعمل صيانة بس على نضيف اوي عشان العربية لسة شاريها ؟؟؟؟؟؟؟؟؟؟

[saddam]

صديقي المواطن
اللي حضرتك سمعته صحيح فعلا فمتشتتش نفسك وهاتهم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[alkawther60]

ايوه فهمت انا ايه يعني

زيييييييييييييت الباااااور النظيف لونه ايه واسمه ايه


يجماعة الخير افتوني في امري هو الموضوع صعب اوي كده

[akmm]

ايوه فهمت انا ايه يعني

زيييييييييييييت الباااااور النظيف لونه ايه واسمه ايه


يجماعة الخير افتوني في امري هو الموضوع صعب اوي كده

مبروك العربيه ..... واستاذ صدام اجابك بالفعل ان الانواع اللى ذكرتها لزيت الباور والباكم هى افضلهم واذيد افضل ماء ملون للرادياتير هو ماء موبيل الاخضر وهو جركن 4 لتر بمبلغ تقريبا 85 جنيه .... اما طريقه تفضيه واعاده ملىء زيت الباور فممكن حد من الاخوه الاعضاء مالكى نفس الموديل يجاوبك وكذلك بالنسبه لزيت الفتيس المانيوال لها او تتصل بالرقم المختصر بتاع وولف وهم يقولوا لك ويتم تغييره بمعرفتهم ... ومره تانيه مبروك السياره .

[alkawther60]

تسلموا يا شباب عالردود انا بس كنت متخوف لان فيه ناس قالت الزيت الابيض للباور الكهربا مش العادي فده بس اللي كان مخوفني شوية

ومعلش هرخم شوية وازيد استفسار عن ممكان كويس يغسل الريداتير كويس قبل اما احط فيه ميه من الغالية دي هي الميه الموجودة فيه حاليا مبتنقصش الحمد لله

[ALshahba]

اهلا بيك

اولا الباور:
افضل لون لزيت الباور هو الزيت الشفاف من نوع gunk

ثانيا الفرامل:
يفضل ان تقرأ ماهو مكتوب علي غطاء تانك زيت الفرامل وستجد النوع المناسب سواء كان DOT3 او كان DOT4 كل نظام ماستر وله الزيت المفضل من قبل المصمم لكي يتلائم مع قوة الفرامل والخراطيم وتيل الفرامل

ثالثا الريداتير:
يفضل ان ينظم بطريقه بسيطه جدا وهي عن طريق اضافة "فلش" يباع فى محطات البنزين مخصص للريداتيرات (يختلف تماما عن "فلش" المخصص لزيت الموتور) ويتم اضافته من اربة الماء الي الريداتير ويتم تشغيل المحرك مدة لا تقل عن 15 دقيقه حتي يتم تقليب المنظف ثم يطفأ المحرك وتنتظر حتي يبرد تماما ثم تقوم بانزال الماء كاملا من الفتحة السفليه للريداتير (الحنفيه) وتكرر هذه العمليه 3 مرات
ثم يضاف الماء المعالج (اخضر-احمر) كاملا بدون اضافة اي ماء عادي

بالتوفيق

[alkawther60]

تسلم يا باشا والف شكر ع الرد

[ALshahba]

تسلم يا باشا والف شكر ع الرد

الله يبارك فيك
تحت امرك