القول الفصل في تزيت/تشحيم العفشه

[hgaber]

السلام عليكم ورحمة الله وبركاته
كل عام و انتم بخير
في ناس بتقترح استخدام اسبراي dw40
للعفشه بس انا حاسس انه ممكن يبوظ الدنيا.
في ناس بتقول رش dw40 و بعدين اغسل مطرحه و بعدين رش شحم ابيض.
رائيكم ايه في العك دا؟

[أسامه الحسيني]

Wd-40
بيستخدم لازاله الصداء والتزييت
ممكن يستخدم لنظافة الاماكن دى وبعد كدا حط شحم esso (أقتراح )

[A.Saad]

شحم ابيض وبس
ال wd هينشف الجلب

[hgaber]

طب منين اجيب الشحم الابيض؟

[A.Saad]

white grease
البنزينات فيها
توكيل فالفولين بينزله

[hgaber]

شباب الخلاصة :

رحت على محطة البنزين و غسلت الشاسيه بالميه و الصابون غسله محترمه.
و في نفس المحطه كان في Fit&Fix دخلت ربطت العفشة و شحمت بشحم ابيض فالفولين و النتيجه عشرة على عشرة.
شكرا على الاقتراحات .

ملحوظة:
سعر الشحم الابيض اسبراي 40 جنيه
سعر غسيل الشاسيه 15 جنيه
سعر تربيط العفشة 20 جنيه

[hazem ali]

السلام عليكم


هل غسيل الشاسيه بالميه والجاز فيه ضرر على اجزاء الشاسية ؟

وبالنسبة للشحم الابيض اول مرة اسمع عنه ايه فايدته ؟ وبيترش ازاي والعربية مرفوعه على البستم ولا ايه ؟ وبيترش على ايه بالظبط في العربية ؟

[sonaeg]

وبيترش على ايه بالظبط في العربية ؟

+11111

[BLOODY_STONE]

سبراي الشحم الابيض احسن حاجة للعفشة

[تامر راغب]

إمبارح غسلت العربية من تحت ومن جوة ورشيت سبراى شحم أبيض
على المساعدين والكبالن والجلب .. بس مش عارف ليه حاسس انه
جه على التيل لأنى حسيت الفرامل بعدها شوية مش ماسكة نفسها
لكن برضه حسيت بشوية نعومة فى الحودات والمطبات

[hgaber]

الشحم الابيض بيترش على اي حاجه كاوتش جلب قواعد رولمان بلي الميزان .... او اي اجزاء متحركه و طبعا بعيد عن التيل

[hgaber]

اه و على فكرة الجاز غلط على العفشه علشان بينشف الاجزاء الكاوتش

[تامر راغب]

تماااام ....
...... شكرا جزيلا

[hazem ali]

شكرا
بارك الله فيك

[محاسب صعيدى]

رجاء من الاخواة اسم الشحم الابيض وصورته كمان علشان الواحد يعرف هيشترى اية وصناعته اية