مارايكم فى المياة الخضراء هل فعلا بتزيل الصدا

[lada2010]

احيانا بيكون فى صدا فى الردياتير وخصوصا مع العربيات العادى مش الكهرباء هو المياة الخضراء بتزيل الصدا فعلا ولا كلام

[Mohamed_Ibiza]

اه طبعا المياة الخضراء للردياتير وظيفها هي منع الصدا وتاكل الردياتير

انا عن نفسي بحط مياه عادية من الحنفية

بس ممكن كل 4 شهور ولا حاجة اجيبلي ازازة مياة خضراء ب 5 جنيه وبعمل زي دورة تنضيف كده للردياتير

[lilDeMoN]

tab hall fe 7aga 3'alat law esta7'demt el maya el 7'adra de 3la toul ya3ny sry ya gama3a asl ana mobtade2 w mosh fahem :)

[ibrahimsaad]

الميه الخضراء مش بتزيل الصدأ لو موجود لكن هى بتمنع الصدأ قبل تواجده

فهى للوقايه وليست العلاج

اما لازاله الصدأ ففيه ماده تانيه مش فاكرها لتنظيف الصدأ الموجود واسالته

[sherif_84]

أنا عن نفسى بستعمل مياه من الحنفية وبغسل الردياتير كل شهرين عشان الصدا انما الميه الخضرا مابحطهاش الا كل سنة مثلا مرة

[shoudy2005]

مفروض كل عربيه تحط ميه خضراء علشان ليها وظيفتين الأولى درجة غليانها عالية علشان كده مبتنقصش تانى حاجه هى عمرها ما بتكون صدأ لكن عى مش علاج للصدأ علاج الصدأ حاجتين الأولى سائل رابيدو لأزالة الصدأ او ممكن تحط ازازة خل فى دورة التبريد و بعد كده تغسلها بميه و تملاها ميه خضراء

[waled369]

الميه الخضراء مش بتزيل الصدأ بس لو الراديتير جديد فهي لا تكون صدأ أما لإزالة الصدأ ففيه مادة تانية زي الميه الخضرا بس لونها أحمر دي أحمر و مش عارف اذا كانت موجودة بمصر و لا لأ .

[hoza]

طب انا بزود مياة او بغيرلها مية كل اد ايه؟؟؟؟

[waled369]

كل ماتنقص الميه لازم تزودها يعني يوميا لازم تكشف عليها و تشوف اذا محتاجة و لا لأ .