زيت الفرامل بيتغير ؟

[Silent Storm]

السلام عليكم ورحمة الله وبركاته

رينو كليو 2005
1400 سي سي
16 صباب
مانوال
99 الف كيلو

ماغيرتش زيت الفرامل قبل كده.. ومفيش شكوي من الفرامل عدا اني بحس انها تقلت شوية عن الاول
الزيت لونة بني غامق إلى اسود
مفيش نقصان في الزيت

كنت ناوي اغيره النهارده بما ان اليوزر مانوال بيقول ان تغيير الزيت كل 60 الف كيلو او كل 4 سنوات ايهما اقرب
لكن قريت موضوع على النت قلقني جدا
بيقول ماينفعش اغير زيت الفرامل لو عدي عليه فتره طويلة

نبذة سريعه عن زيت الفرامل والغلطة دايما اللي بنقع فيها من نسيان تغيرة او استعماله فترة تزيد عن ثلاث سنوات بدون تغيير اللي بيعمل كده خلاص مينفعش يغيره بقه فجأه للاسف علشان احتمال {بقول احتمال مش اكيد } ان كل ماهو مطاط من جلد كباسات للماستر الرئيسي والماستر الفرعيه واللي قعدت فترة طويلة بزيت قديم مليان رطوبة {ميه} نتيجة تكثفها علي جدران الانابيب الفرامل في معظم الاوقات
المطاط ده بينفش ويبوظ ويهرب ويتهري كمان لو حطيت له زيت جديد طالما انت عرضت المطاط ده لفترة طويلة جدا لزيت تالف وفاقد لخواصه او جزء كبير من خواصه واللي مش مقتنع يفتح الكوباية ويحاول يبص علي طبقة ترسبات زي الطين كده في احرف القاع {فقد الزيت لخواصه} فده اعتبروه تحذير لكل اللي عايز يغير زيت فرامل بعد مرور فترة طويلة جدا جداااااااااااااااااااااا علي اخرمرة اتغير فيها {3 سنوات فيما فوق} '

فهل ده صحيح ؟؟؟


---------

السؤال التاني
اشتريت زيت delphi lockheed 205 super DOT4 صناعه انجليزي
ودي صورته

https://www.dropbox.com/s/xqvcvdy2vkw5iz1/%D9%A2%D9%A0%D9%A1%D9%A7%D9%A0%D9%A1%D9%A0%D9%A9_%D9%A1%D9%A7%D9%A5%D9%A2%D9%A4%D9%A1.jpg?dl=0

معرفش هل هو مناسب لعربيتي ولا لا ؟
مانوال العربية بيقول زيت دوت 4 و ضعيف اللزوجه على البارد (على الاقصى 750 ملم 2/ ثانية لدرجة حرارة 40 درجه)

---------

السؤال الثالث
ماخدتش بالي ان تاريخ انتهاء صلاحية الزيت 9/2017
ينفع استخدمه ولا لا ؟

[rotanamasoud]

هو فى اشاعه ان تغيير الزيت بيضرب جلد الماستر انا مش مقتنع بيها
لاكن لازم زيت الفرامل يتغير تقريبا كل سنتين
اهم حاجه الكتالوج

dot4 التزم بيه اما النوع فى بيندكس وفى موبيل او الديلفى المهم يكون معتمد واصلى وبعد كده تستمر بنفس النوع
عايز تغيره بنفسك حتجيب سرنجه وتشفط كل اللى فى الخزان ولو تعرف تخلع الخزان وتغسله وتنشفه بسشوار تبقى فارس
حتملى الخزان بالنوع الجديد والافضل يكون معاك مساعد
حتجيب بيبه 8 (مفتاح8)او شوف عربيتك رقم مفتحها كام وتفتح بالف الفرامل اللى جنب العجله وزميلك يفضل يضغط ويسيب لحد ما ينزل زيت نقى مع مراعه ان لازم الخزان بتاع الباكم يفضل مليان يتزود باستمرار عشان متخدش هوا
بعد نزول الزيت النضيف تحضر ايدك على القفل ولحظه زميلك يضغط ضغطه مستمره تقفل عليه وهو مضغوط وتغسل العجله والاماكن الى وصلها الزيت بالماء وتكرر على ال3 عجلات الفاضلين ومبروك تم تجديد زيت دوره الفرامل

[Colin Chapman]

هو فى اشاعه ان تغيير الزيت بيضرب جلد الماستر انا مش مقتنع بيها
لاكن لازم زيت الفرامل يتغير تقريبا كل سنتين
اهم حاجه الكتالوج

dot4 التزم بيه اما النوع فى بيندكس وفى موبيل او الديلفى المهم يكون معتمد واصلى وبعد كده تستمر بنفس النوع
عايز تغيره بنفسك حتجيب سرنجه وتشفط كل اللى فى الخزان ولو تعرف تخلع الخزان وتغسله وتنشفه بسشوار تبقى فارس
حتملى الخزان بالنوع الجديد والافضل يكون معاك مساعد
حتجيب بيبه 8 (مفتاح8)او شوف عربيتك رقم مفتحها كام وتفتح بالف الفرامل اللى جنب العجله وزميلك يفضل يضغط ويسيب لحد ما ينزل زيت نقى مع مراعه ان لازم الخزان بتاع الباكم يفضل مليان يتزود باستمرار عشان متخدش هوا
بعد نزول الزيت النضيف تحضر ايدك على القفل ولحظه زميلك يضغط ضغطه مستمره تقفل عليه وهو مضغوط وتغسل العجله والاماكن الى وصلها الزيت بالماء وتكرر على ال3 عجلات الفاضلين ومبروك تم تجديد زيت دوره الفرامل

بيضرب جلد الماستر فعلا لو استعملت زيت بمواصفات او خواص مختلفة عن اللى كان فيها ديه حقيقة !!

[rotanamasoud]

بيضرب جلد الماستر فعلا لو استعملت زيت بمواصفات او خواص مختلفة عن اللى كان فيها ديه حقيقة !!

عمليا قمت بتغيير الزيت 3 مرات فى عربيات مختلفه ولم يضرب جلد الماستر

[Colin Chapman]

عمليا قمت بتغيير الزيت 3 مرات فى عربيات مختلفه ولم يضرب جلد الماستر

الحمد الله

[tasaka]

السلام عليكم ورحمة الله وبركاته

رينو كليو 2005
1400 سي سي
16 صباب
مانوال
99 الف كيلو

ماغيرتش زيت الفرامل قبل كده.. ومفيش شكوي من الفرامل عدا اني بحس انها تقلت شوية عن الاول
الزيت لونة بني غامق إلى اسود
مفيش نقصان في الزيت

تغير اللون طبيعى مع مرور الوقت .. عند الصول الى اللون الغامق جدا .. ده دلاله على وجوب النغيير

تغير اللون بيكون بسبب الاتى :
1- تكون الملوثات فى الزيت طبيعى بمرور الوقت .. ده طبيعى

2- بمرور الوقت يمتص الزيت الرطوبه من الجو ( حتى فى حاله دوره فرامل سليمه و محكمه تماما 100% ) و ده طبيعى جدا جدا .. زيوت ال Dot مصممه بحيث نحتفظ بالرطوبه ممتزجه بالزيت ( ليست منفصله ) .. بمعنى ابسط ذائبه فى الزيت

الماء ( الرطوبه ) درجه غليانه اقل كثيرا من درجه غليان سائل الفرامل .. فعند ارتفاع درجات الحراره للماء نتيجه الاستعمال يتحول الماء ( الرطوبه ) الى بخار و يحدث للماء ظاهره ال Flash Boiling .. هذا يؤثر على سائل الفرامل و يغير لونه

3- خراطيم الفرامل يبدأ المطاط فى التداعى ( التأكل ) مع مرور الوقت طبيعيا ( بعد وقت طويل جدا جدا جدا ) مما يسبب تغير اللون ايضا نتيجه اختلاط المطاط بالزيت .. ده طبيعى مع مرور الوقت

4- عند وجود الرطوبه ( الماء ) مختلطه بسائل الفرامل و حدوث التحول الى بخار .. ده بينتج عنه جيوب هوائيه و دى بتتفاعل مع ماده مواسير الفرامل و يحدث corrosion و يسبب تكون الملوثات داخل الدوره و بالتالى تغير لون سائل الفرامل

5- الارتفاع الطبيعى للحراره اثناء استخدام الفرامل يؤدى الى ارتفاع درجه حراره سائل الفرامل و احداث تغيرات كيميائيه لسائل الفرامل تؤدى الى تغير لونه

كنت ناوي اغيره النهارده بما ان اليوزر مانوال بيقول ان تغيير الزيت كل 60 الف كيلو او كل 4 سنوات ايهما اقرب
لكن قريت موضوع على النت قلقني جدا
بيقول ماينفعش اغير زيت الفرامل لو عدي عليه فتره طويلة

فهل ده صحيح ؟؟؟

اعتقد المانيوال عندك كان بيتكلم على الزيوت بصفه عامه .. و ليس زيت الفرامل ؟؟؟؟ .. تمام ؟؟؟؟

لان زيت الفرامل بيتغير كل سنتين بالكتير .. و لو فى مكان رطب جدا جدا .. يتغير على فترات اقل من كده كمان

زيت الفرامل بيتأثر بشده بالماء .. و يجب تغييره عند وجود نسبه حوالى 3.5 % رطوبه داخل الدوره .. الرطوبه معدل امتاصها طبيعيا حوالى 2% فى السنه ( حتى فى حاله دوره فرامل سليمه و محكمه تماما 100% ) و ده طبيعى جدا جدا

الامتصاص ده بيتم من خلال مسام الخراطيم المطاط او عند فتح غطا علبه الفرامل



يجب ملاحظه ان خراطيم الفرامل و مواسير دوره الفرامل مصممه لكى تقاوم هذه التأثيرات لفترات طويله جدا

تغير اللون الى الاسود او الغامق جدا .. دلاله على ان المستخدم قام بتعدى الفتره المناسبه للزيت بفتره كبيره

اعتقد انه يجب عليك القبام بتغيير الزيت الان لانه فقد خواصه و للاسباب التى ساوضحها لاحقا

السؤال التاني
اشتريت زيت delphi lockheed 205 super DOT4 صناعه انجليزي
ودي صورته

https://www.dropbox.com/s/xqvcvdy2vkw5iz1/%D9%A2%D9%A0%D9%A1%D9%A7%D9%A0%D9%A1%D9%A0%D9%A9_%D9%A1%D9%A7%D9%A5%D9%A2%D9%A4%D9%A1.jpg?dl=0

معرفش هل هو مناسب لعربيتي ولا لا ؟
مانوال العربية بيقول زيت دوت 4 و ضعيف اللزوجه على البارد (على الاقصى 750 ملم 2/ ثانية لدرجة حرارة 40 درجه)

تقصد عند درجه حراره - 40 مئويه موش + 40 مئويه

لو هى دى المواصفه هندك .. يبقى ده هو الزيت المناسب Super DOT 4 او DOT 4 Plus .. و الرقم المذكور 750 بيعبر عن حد اللزوجه Viscosity Limit عند -40 درجه مئويه

الفكره ان دى زيوت منخفضه اللزوجه .. و بتكون من متطلبات الصانع للسياره لو السياره فىها جهاز التحكم الاليكترونى فى الثبات ( الاتزان ) ESP لسرعه استجابتها للمؤثرات .. و ايضا للاستخدام الامثل لل ABS .. و كمان درجه غليانها اعلى من زيوت ال DOT 4 .. و قد تحتوى على كميه اضافات اكبر او افضل ( لكن غير متأكد من النقطه دى )

انت كده لازم تستعمل زيوت Super DOT 4 او DOT 4 Plus bk لان الكتالوج محددها بوضوح ( يعنى لا تستعمل زيوت DOT 4 عاديه )

السؤال الثالث
ماخدتش بالي ان تاريخ انتهاء صلاحية الزيت 9/2017
ينفع استخدمه ولا لا ؟

معنديش فكره .. بس ده اعتقد رقم يبين مده التخزين قبل فتح العلبه .. موش المده المسموحه قبل اكتمال استعمال الزيت بعد وضعه فى السياره و مرور سنتين

طبعا الافضل لو لقيت حاجه مدتها ابعد شويه

[tasaka]

اعتقد انه يجب عليك القبام بتغيير الزيت الان لانه فقد خواصه و للاسباب التى ساوضحها لاحقا

مكونات سائل الفرامل نوع ال DOT هى كالتالى :

1- A lubricant ماده تزييت للحفاظ على سهوله الحركه لاجزاء الدوره المختلفه .. و دى نسبتها من 20% الى 40%

2- A solvent diluent و ده هو اللى بيحدد درجه الغليان و اللزوجه .. و ده هو المكون الرئيسى .. و ده مسبته من 50% الى 80%

3- A modifier-coupler و ده بيحدد نسبه الانتفاش Swelling للاويلسيلات و المطاط فى الدوره

4- Inhibitors دى اضافات لمنع الاكسده و التآكل



و طبعا مع مرور الوقت تستهلك تلك الاضافات و المكونات مما يؤدى تعرض اجزاء دوره الفرامل للتلف

[Colin Chapman]

tasaka
تسلم يديك يا افندم وشكرا لمجهودك الجبار ومشاركاتك الممتازة
tasaka

[tasaka]

شكرا يا استاذ كولن

طبعا المجهود الواضح فى المنتدى .. هو الكم الكبير من المعلومات التى تقوم انت باضافتها بصفه مستمره

تحياتى و اعزازى

[Silent Storm]

هو فى اشاعه ان تغيير الزيت بيضرب جلد الماستر انا مش مقتنع بيها
لاكن لازم زيت الفرامل يتغير تقريبا كل سنتين
اهم حاجه الكتالوج

dot4 التزم بيه اما النوع فى بيندكس وفى موبيل او الديلفى المهم يكون معتمد واصلى وبعد كده تستمر بنفس النوع
عايز تغيره بنفسك حتجيب سرنجه وتشفط كل اللى فى الخزان ولو تعرف تخلع الخزان وتغسله وتنشفه بسشوار تبقى فارس
حتملى الخزان بالنوع الجديد والافضل يكون معاك مساعد
حتجيب بيبه 8 (مفتاح8)او شوف عربيتك رقم مفتحها كام وتفتح بالف الفرامل اللى جنب العجله وزميلك يفضل يضغط ويسيب لحد ما ينزل زيت نقى مع مراعه ان لازم الخزان بتاع الباكم يفضل مليان يتزود باستمرار عشان متخدش هوا
بعد نزول الزيت النضيف تحضر ايدك على القفل ولحظه زميلك يضغط ضغطه مستمره تقفل عليه وهو مضغوط وتغسل العجله والاماكن الى وصلها الزيت بالماء وتكرر على ال3 عجلات الفاضلين ومبروك تم تجديد زيت دوره الفرامل

تماااااااام تسسلم يا غالي
انا فعلاً مقلق من النقطة دي علشان قطع غيار العربية دي نادرة

[Silent Storm]

بيضرب جلد الماستر فعلا لو استعملت زيت بمواصفات او خواص مختلفة عن اللى كان فيها ديه حقيقة !!

معرفش في المواصفات الا حكاية الدوت3 الودوت4 :d
معرفش اذا كان فيه مواصفات تانية

[Silent Storm]

tasaka
متشكر جدا جدا جدا لمشاركة حضرتك الثرية ^_^

تغير اللون طبيعى مع مرور الوقت .. عند الصول الى اللون الغامق جدا .. ده دلاله على وجوب النغيير

تغير اللون بيكون بسبب الاتى :
1- تكون الملوثات فى الزيت طبيعى بمرور الوقت .. ده طبيعى

2- بمرور الوقت يمتص الزيت الرطوبه من الجو ( حتى فى حاله دوره فرامل سليمه و محكمه تماما 100% ) و ده طبيعى جدا جدا .. زيوت ال Dot مصممه بحيث نحتفظ بالرطوبه ممتزجه بالزيت ( ليست منفصله ) .. بمعنى ابسط ذائبه فى الزيت

الماء ( الرطوبه ) درجه غليانه اقل كثيرا من درجه غليان سائل الفرامل .. فعند ارتفاع درجات الحراره للماء نتيجه الاستعمال يتحول الماء ( الرطوبه ) الى بخار و يحدث للماء ظاهره ال Flash Boiling .. هذا يؤثر على سائل الفرامل و يغير لونه

3- خراطيم الفرامل يبدأ المطاط فى التداعى ( التأكل ) مع مرور الوقت طبيعيا ( بعد وقت طويل جدا جدا جدا ) مما يسبب تغير اللون ايضا نتيجه اختلاط المطاط بالزيت .. ده طبيعى مع مرور الوقت

4- عند وجود الرطوبه ( الماء ) مختلطه بسائل الفرامل و حدوث التحول الى بخار .. ده بينتج عنه جيوب هوائيه و دى بتتفاعل مع ماده مواسير الفرامل و يحدث corrosion و يسبب تكون الملوثات داخل الدوره و بالتالى تغير لون سائل الفرامل

5- الارتفاع الطبيعى للحراره اثناء استخدام الفرامل يؤدى الى ارتفاع درجه حراره سائل الفرامل و احداث تغيرات كيميائيه لسائل الفرامل تؤدى الى تغير لونه

طيب هل ممكن الأسباب دي تؤدي إلى تقل خفيف في دوسة الفرامل ؟

فعلا زي ما حضرتك قلت
درجة غليان الزيت الدلفي اللي معايا 252 درجه مؤوية, وعند الرطوبة (typical wet boiling point) تساوي 156 درجة مؤوية
ومكتوب ان مواصفات الزيت
DELPHI Lockheed super 205 motor brake fluid exceeds FMVSS 116 DOT 3 & 4
specification and current specification SAE J1703 & J1704 ISO 4925 (3&4)
typical dry boiling 252 C
typical wet boiling 156 C
صراحة اول سطرين دول زي الطلاسم :D

اعتقد المانيوال عندك كان بيتكلم على الزيوت بصفه عامه .. و ليس زيت الفرامل ؟؟؟؟ .. تمام ؟؟؟؟

لان زيت الفرامل بيتغير كل سنتين بالكتير .. و لو فى مكان رطب جدا جدا .. يتغير على فترات اقل من كده كمان

زيت الفرامل بيتأثر بشده بالماء .. و يجب تغييره عند وجود نسبه حوالى 3.5 % رطوبه داخل الدوره .. الرطوبه معدل امتاصها طبيعيا حوالى 2% فى السنه ( حتى فى حاله دوره فرامل سليمه و محكمه تماما 100% ) و ده طبيعى جدا جدا

الامتصاص ده بيتم من خلال مسام الخراطيم المطاط او عند فتح غطا علبه الفرامل



يجب ملاحظه ان خراطيم الفرامل و مواسير دوره الفرامل مصممه لكى تقاوم هذه التأثيرات لفترات طويله جدا

تغير اللون الى الاسود او الغامق جدا .. دلاله على ان المستخدم قام بتعدى الفتره المناسبه للزيت بفتره كبيره

٢٠١٧٠١١٣_١٣٢٠١٢.jpg

يمكن قاصدين زيوت elf المعتمده عندهم

اعتقد انه يجب عليك القبام بتغيير الزيت الان لانه فقد خواصه و للاسباب التى ساوضحها لاحقا

طيب مافيش داعي للقلق :D ؟
ممكن حضرتك ترشحلي زيت كويس ؟

تقصد عند درجه حراره - 40 مئويه موش + 40 مئويه

كلام حضرتك مزبوط سالب 40

لو هى دى المواصفه هندك .. يبقى ده هو الزيت المناسب Super DOT 4 او DOT 4 Plus .. و الرقم المذكور 750 بيعبر عن حد اللزوجه Viscosity Limit عند -40 درجه مئويه

صراحه اول مره اعرف ان فيه فرق بين الdot4 و الdot4 plus

الفكره ان دى زيوت منخفضه اللزوجه .. و بتكون من متطلبات الصانع للسياره لو السياره فىها جهاز التحكم الاليكترونى فى الثبات ( الاتزان ) ESP لسرعه استجابتها للمؤثرات .. و ايضا للاستخدام الامثل لل ABS .. و كمان درجه غليانها اعلى من زيوت ال DOT 4 .. و قد تحتوى على كميه اضافات اكبر او افضل ( لكن غير متأكد من النقطه دى )

انت كده لازم تستعمل زيوت Super DOT 4 او DOT 4 Plus bk لان الكتالوج محددها بوضوح ( يعنى لا تستعمل زيوت DOT 4 عاديه )

تماااااااااااااام متشكر جداً للمعلومة الممتازة دي

معنديش فكره .. بس ده اعتقد رقم يبين مده التخزين قبل فتح العلبه .. موش المده المسموحه قبل اكتمال استعمال الزيت بعد وضعه فى السياره و مرور سنتين

طبعا الافضل لو لقيت حاجه مدتها ابعد شويه

وقفوا الاستيراد والتواريخ كلها قديمة :(

[Silent Storm]

مكونات سائل الفرامل نوع ال DOT هى كالتالى :

1- A lubricant ماده تزييت للحفاظ على سهوله الحركه لاجزاء الدوره المختلفه .. و دى نسبتها من 20% الى 40%

2- A solvent diluent و ده هو اللى بيحدد درجه الغليان و اللزوجه .. و ده هو المكون الرئيسى .. و ده مسبته من 50% الى 80%

3- A modifier-coupler و ده بيحدد نسبه الانتفاش Swelling للاويلسيلات و المطاط فى الدوره

4- Inhibitors دى اضافات لمنع الاكسده و التآكل



و طبعا مع مرور الوقت تستهلك تلك الاضافات و المكونات مما يؤدى تعرض اجزاء دوره الفرامل للتلف

تماااااااااااام وضحت ^___^
هو الخوف كله اني اغيره والفرامل تخرب

[tasaka]

تماااااااااااام وضحت ^___^
هو الخوف كله اني اغيره والفرامل تخرب

لا اعتقد .. الامر متروك ليك

دلوقتى ده احتمال .. لكن لما تسيبها كام سنه كمان يبقى اكيد موش احتمال

و كمان بتعرض نفسك للخطر مع فرامل ضعيفه نسبيا

و بعدين هى اخرها ايه .. حتغير جلد مساتر عجل ؟؟ ده اصلا لو حصل عطل

ده اختيارك اولا و اخيرا ..

[tasaka]

tasaka
طيب هل ممكن الأسباب دي تؤدي إلى تقل خفيف في دوسة الفرامل ؟

لو فيه رطوبه فى الدوره زياده .. الاحساس بيكون ان دوسه الفرامل اسفنجيه ده بسبب الهواء ( البخار ) فى الدوره بينظغط مع دوسه الفرامل ( موش ثابته فى مكانها بقوه )

اما تقل الفرامل .. حد من الزملاء يجاوب لك عليه

علا زي ما حضرتك قلت
درجة غليان الزيت الدلفي اللي معايا 252 درجه مؤوية, وعند الرطوبة (typical wet boiling point) تساوي 156 درجة مؤوية
ومكتوب ان مواصفات الزيت
DELPHI Lockheed super 205 motor brake fluid exceeds FMVSS 116 DOT 3 & 4
specification and current specification SAE J1703 & J1704 ISO 4925 (3&4)
typical dry boiling 252 C
typical wet boiling 156 C
صراحة اول سطرين دول زي الطلاسم :D



يمكن قاصدين زيوت elf المعتمده عندهم

انا موش شايف ان 252 دى رقم كبير المفروض يكون اكبر من كده للسوبر على ما اعتقد .. ده رقم دوت 4 عادى موش سوبر ؟؟

هل انت متأكد ان الزيت ده Super DOT 4 .. ام ان الاسم خادع لانه كتب Super 205 موش Super DOT .. شوف الداتا شيت بتاعه الزيت لازم يكتب انه سوبر دوت 4

صراحه اول مره اعرف ان فيه فرق بين الdot4 و الdot4 plus

فعلا المذكور 60 الف كم او 4 سنين لزيت الفرامل .. غريبه بالنسبه لى شويه ؟؟؟؟؟؟؟

المذكور فى صوره الكتالوج DOT 4 بس .. موش مذكور كلمه Super

هل مذكور Super DOT 4 فى الكتالوج ؟؟ .. و هل رقم ال 750 ده كان فى الكتالوج بتاع العربيه ؟؟ ام لا ؟؟

طيب مافيش داعي للقلق :D ؟
ممكن حضرتك ترشحلي زيت كويس ؟

المهندس احمد عبد الفتاح رشح زيت استرالى اسمه بندكس تقريبا .. و فيه موبيل كويس .. و الافضل على الاطلاق هو ATE المانى بس معرفش موجود فى مصر ام لا

كل الزيوت دى دوت 4 .. لكن لو كتالوجك طالب سوبر 4 يبقى لازم تدور فى النوع ده