إلغاء حساس زيت الباور - و تجربة جديدة

[M!NA]

من فترة... و كل ما بفتح الكبوت بلاقي زيت بيتسرب من حساس الزيت بتاع باور الديريكسيون... اللي بيركب فيه فيشة بتدي indication لما زيت باور الديريكسيون ينقص...

الزيت كان مغرق الحوض و مبهدل منظره... غير أني كنت دايما شايل معايا احتياطي زيت باور عشان لو نقص أزوده...

سألت على الحساس ده في الهيئة العربية للتصنيع AAV لقيته ب315 جنيه... و سألت الخبراء... قالولي عاجلا أو آجلا هيضرب زيت... و هتحتاج تغيره تاني...

سألت عنه في الاستيراد و العربيات اللي جاية انصاص... مالقيتوش... و لما لقيته ... نصحني الناس الخبراء أني ماجيبهوش عشان عمره الافتراضي ممكن يكون قرب ينتهي

طيب الحل ايه؟؟؟

رحت عند مركز الخدمة اللي بتعامل معاه دايما... و قالولي من الآخر لو عايز تريح دماغك... طببه (يعني سد مكانه بطبة) و الغي عمل الحساس...

و اقتنعت بالحل ... و فعلا خلعنا ماسورة زيت الباور اللي راكب فيها الحساس و وديناها عند الخراط... اللي عمل قلوظة للخرم اللي كان راكب فيه حساس الزيت و تم سد مكانه بمسمار (بعد لف المسمار بمعجون لضمان عدم تسريب الزيت نهائيا)

كما تم تنظيف حوض الموتور و ازالة كل آثار الزيت المترسب...

التكلفة: 10 جنيه (تمن قلوظة الماسورة و المسمار اللي ركب)
النتيجة: أكثر من ممتازة... الحوض نضيف... و الزيت زي ما هو... مابينقصش... و الديريكسيون ناعم (عشان الزيت بخيره) و طبعا دا يحافظ على عمر طرمبة الباور....
المحصلة النهائية: قضيت على المشكلة نهائيا... و مش هحتاج لقطعة الغيار ديه أبدا.... و بكدا أكون وفرت تمنها في مقابل الاستغناء عن option مش ضروري...

و الى اللقاء مع تجربة تانية من التجارب الموفرة ...

[Adham]

اية هوة الاوبشن اللي مش ضروري يا مينا

يعني قصدي اية فايدة الحساس دة و اية الاوبشن اللي بيقدمة

بصراحه انا ابتديت اقلق من الحاجات اللي انت بتلغيها

يعني انت من ساعه ما جبت العربية من شهرين عمال تلغي فيها حاجات

الاول كلاتشات الكرونة ( علشان الميكانيكي قاللك انهم لغوها في الشيروكي الجديد)

و بعدين فحم علبة البيئة و عملت مكانة ماسورة مخرمة حسب فتوى بتاع الشكمانات

و دلوقتي حساس الباور

بجد انا ابتديت اقلق من السكة بتاعه "ديحاجات مالهاش لازمة الغيها "

انت كدة بعد سنتين حاتبقى لاغي كل شيء في العربية, ممكن تلاقيها بقت بيزك قوي, و ممكن تسبب مشكلة كبيرة من الغاء حاجات,

الحاجات دي لو مالهاش لازمة كان المصنع وفر تكلفتها و ماحطهاش من الاول

[M!NA]

ازيك يا أدهم باشا :)
بص يا سيدي... الحساس ده بيقيس ضغط زيت باور الديريكسيون... يعني فايدته أنه يديك indication عن حالة طرمبة الباور ... و اللي أنت أصلا بتعرف حالتها من خلال الصوت اللي بيحصل وقت ما تعمل steering و كمان بيعرفك لو زيت الباور ناقص... و ده حاجة أنا براجعها بانتظام و هو أساسا عمره ما بينقص...

و بالنسبة لفحم علبة البيئة و عمل مصفاه بداله... فده منتشر جدا و مش بس في الجيب... و من المعروف أن الموضوع ده بيزود قوة سحب العربية و يقلل استهلاك البنزين... (بس بيأثر سلبا على البيئة اللي هي كدا كدا متنيلة بنيلة)

أما بالنسبة لكلاتشات الكرونة... فهي فعلا ملغية في الجراند بداية من موديلات 99 و في الشيروكي من أول الليبرتي...
و أي كرونة هتجيبها استيراد حتى لو لموديل 1997 بتنزل حرة...

ماتقلقش... الأمور كلها تحت السيطرة... :)
و مركز الخدمة اللي بتعامل معاهم ناس فاهمين جدا جدا... و كلامهم بلاقيه متطابق مع كلام ناس خبراء في forums بتاعت جيب... و كمان بكون سألت كويس أوي ناس بقالها سنين في المجال ده...

تقدر تقول أني بلغي الحاجات الإستهلاكية و عمرها قصير و غالية و في نفس الوقت... ممكن أستغنى عنها

الحاجات ديه لما بحكيها للناس الأساتذة أوي في الشيروكي... بلاقيهم بيكملوا الكلام قبل ما أقوله... يعني الحاجات ديه محفوظة و مجربة و مضمونة...

[ehab4367]

فى مقال كامل عن الموضوع دة فى جورنال الاهرام للسيارات بتاريخ13\2
مع الشكر

[M!NA]

فى مقال كامل عن الموضوع دة فى جورنال الاهرام للسيارات بتاريخ13\2
مع الشكر

مقال عن ايه بالظبط؟ عن حساس زيت الباور و تجربة الغاؤه؟

يا ريت لو حضرتك تصور المقال ده و ترفع صورته عالموقع...

[Ahmed Hassan]

طيب يا مينا انت متأكد ان الحساس ده وظيفته التحذير من نقص الزيت فقط؟ََ!

يعني مش ممكن يكون بيتحكم في ضغط الزيت على السرعات العاليه علشان يتقل الدريكسيون؟!! يا ريت تتأكد من الموضوع ده.

[M!NA]

طيب يا مينا انت متأكد ان الحساس ده وظيفته التحذير من نقص الزيت فقط؟ََ!

يعني مش ممكن يكون بيتحكم في ضغط الزيت على السرعات العاليه علشان يتقل الدريكسيون؟!! يا ريت تتأكد من الموضوع ده.

ضغط الزيت على السرعات العالية بييجي من سرعة دوران البلية اللي متصلة بطرمبة الباور (لأن كله على نفس السير)

الحساس ده عبارة عن صامولة بتتربط في الماسورة اللي خارجة من طرمبة الباورالصامولة ديه بيكون فيها مقاس ضغط بيقرا ضغط الزيت و لو فيه حاجة مش طبيعية (انخفاض زايد عن المعقول) بيديك تحذير في التابلوه "check gauges"

هو مشكلته الوحيدة أنه بيضرب زيت دايما... عمره مش طويل...
فأفضل حل أنك تطببه... و تراجع على الزيت بنفسك كل فترة...

[Ahmed Hassan]

ضغط الزيت على السرعات العالية بييجي من سرعة دوران البلية اللي متصلة بطرمبة الباور (لأن كله على نفس السير)

كده كده الطرمبه شغاله حسب سرعه الموتور.. بس ممكن التحكم في كميه الزيت للي رايحه لنظام التوجيه هيه اللي بيتم التحكم فيها علشان الدريكسيون يتقل و يخف. عموما جرب شوغ فيه تغيير على السرعات العاليه و لا كل شيىء زي ما هوه

[M!NA]

كده كده الطرمبه شغاله حسب سرعه الموتور.. بس ممكن التحكم في كميه الزيت للي رايحه لنظام التوجيه هيه اللي بيتم التحكم فيها علشان الدريكسيون يتقل و يخف. عموما جرب شوغ فيه تغيير على السرعات العاليه و لا كل شيىء زي ما هوه

مفيش أدنى فرق..