علبة الباور بتجيب زيت

[zikoofire]

السلام عليكم
ياجماعة انا معايا عربيتى لانوس موديل 2005
الحقيقة انا زهقت من المصاريف كفاااااااااااااية بقى كفاااااااااااية
يلا الحمدلله على كل حال
المهم لقيت الموكيت اللى تحت الدواسة غرقاااات زيت
ولما روحت لواحد عفشجى قالى ان علبة الباور فيها اولسيهات ضاربة ولازم تتغير عشان بتنز زيت
وطبعا انا محتاج اغيرها الاول قبل ماغسل العربية عشان هيا من جوا دلوقتى بقت زبالة وخصوصا الدواسة اللى بقت ترعة زيت
المهم قالى ان الاولسيه هايتكلف تقريبا 45 -50 وهو لسة مش عارف
وبيقولى ان حل وتركيب علبة الباور ممكن يتكلف بتاع 150 جنيه
ياجماعة ياريت تفيدونى لان الموضوع دا بكرة انشاء الله
مستنى ردكم

[Shiref_mohamed]

الأويلسيل بتاع الأسكترة تمنه 10 جنيه
فك الأسكترة بتاعت اللانوس هو الى مقرف شويه بس برضه المصنعيه هتكون في حدود 40 - 50 جنيه بالكتير ده يوم مايكون الميكانيكي استاذ

واضح كده ان الميكانيكي ده مزنوق في 200 جنيه وعاوز ياخدهم منك

[elwad_crazy]

والله يا جماعه انا بقراء الاسعار اللى الاعضاء بيكتبوها بستغرب اوي

تمن الاويلسيل ده من 7 : 10 جنيه
والمصنعيه من 30 الى 40 ده بكتير اوى كمان
وربنا يكرمك وقول الحمدلله بدل متقول انا زهقت من المصاريف
مهما صرفت فى ناس بتصرف اكتر

[تامر.محمد]

تقريبا حسب الميكانيكي
انا فيه ميكانيكي خد مني في القصة دي زائد تركيب اويل سيل تاني في الفتيس عشان كان فيه رشح زيت

مية و خمسين جنيه
:(

[Shiref_mohamed]

تقريبا حسب الميكانيكي
انا فيه ميكانيكي خد مني في القصة دي زائد تركيب اويل سيل تاني في الفتيس عشان كان فيه رشح زيت

مية و خمسين جنيه
:(

الموضوع حسب الجزار الى بيشتغل في الجثه ..........
انا اول ما جبت العربية واحد كان عاوز ياخد مني 75 جنيه في فك وتركيب الموبينه وتغيير تيل فرامل امامى
للأسف زي ما قلت الصنايعي بيبقى مزنوق في مبلغ 100 ولا 200 جنيه يروح مصطاد زبون سوقع يحللهم منه
وحسبي الله ونعم الوكيل

[nasroo]

بس بيتهيئلي دي اسعار زمان هو طبعاً الاولسيه مش 40 ولا المصنعية 150 بس برضه مش 10 جنيه و50جنيه

[Shiref_mohamed]

بس بيتهيئلي دي اسعار زمان هو طبعاً الاولسيه مش 40 ولا المصنعية 150 بس برضه مش 10 جنيه و50جنيه

لا يا محمد مش اسعار زمان ولا حاجه ...
الأويلسيل عمره بأي حال من الأحوال ما هيعدي 10 جنيه ....
اما المصنعيه انا شايف ان 50 جنيه معقول جداُ عليها وبرضه مش اكتر من كده مع انها مقرفه في حلها
ده الميكانيكي بياخد مصنعية من 250 إلى 300 جنيه في طقم الشمبر يعني بيحل موتور وبيفككه حته حته وقصة كبيرة وكل ده بـ 300 جنيه يبقى ازاى ياخد 150 جنيه في تركيب اويلسيل الأسكاترة .

[ahmedhilmy]

سؤال بمناسبة الموضوع ده انا كان علي الدواسة بتعتي نفس الرشح بس قديم زو جف بس احيانا بحس انه مندي كده و يبل اديه لراجع علي زيت الباور الاقي العلبة مليانه و كل زي الفل اقلق و لا ايه؟