الغيارالعكسى من التانى للاول

[semsem_inside]

السلام عليكم
أنا لى كام تعليق على الموضوع أتمنى حد يوضحهم لنا:
- ايه المشكلة أساسا فى الغيار العكسى سواء من تانى لأول أو غيره طالما ان سرعة العربية مناسبة للغيار الجديد .. يعنى مثلا لو ماشى على 30 وبعدين لقيت مطب وحش جدا واضطريت اهدى لغاية سرعة أقل من 10 ايه المشكلة انى ادى العربية الغيار الأول فى الحالة دى .. وايه الضرر على الفتيس
- النسبة للعربيات اللى اسى سى بتاعها عالى ممكن تطلع من السكون على التانى ( أنا شفت عربية 8200 سى سى بتطلع بسهولة على الثالث كمان !!) والعكس فى العربيات اللى السى سى بتاعها قليل بتحتاج انك حتى لو العربية مش واقفة ولكن ماشية بسرعة قليلة (أقل من 15 مثلا ) ان تديها الغيار الأول غير كدة تلاقى الموتور بيسقف والعربية بتترجرج لو حاولت تمشى على التانى

علشان كدة يا ريت حد من الاعضاء ذوى الخبرة يوضحلنا النقطة دى :
- هل فعلا غلط الغيار العكسى من التانى للأول والعربية ماشية .. بس بشرط ان السرعة زى ما قلنا مناسبة للأول - يعنى مش أكبر من 15 - 20 ؟
- وهل الحركة على الأول مسافة كبيرة غلط زى ما ناس كتير بتقول .. برضه بشرط ان مش هنحرق على الغيار يعنى ار بى ام قليل ؟

وأخيرا أنا آسف على الاطالة

[Ahmed Galal]

السلام عليكم
أنا لى كام تعليق على الموضوع أتمنى حد يوضحهم لنا:
- ايه المشكلة أساسا فى الغيار العكسى سواء من تانى لأول أو غيره طالما ان سرعة العربية مناسبة للغيار الجديد .. يعنى مثلا لو ماشى على 30 وبعدين لقيت مطب وحش جدا واضطريت اهدى لغاية سرعة أقل من 10 ايه المشكلة انى ادى العربية الغيار الأول فى الحالة دى .. وايه الضرر على الفتيس
- النسبة للعربيات اللى اسى سى بتاعها عالى ممكن تطلع من السكون على التانى ( أنا شفت عربية 8200 سى سى بتطلع بسهولة على الثالث كمان !!) والعكس فى العربيات اللى السى سى بتاعها قليل بتحتاج انك حتى لو العربية مش واقفة ولكن ماشية بسرعة قليلة (أقل من 15 مثلا ) ان تديها الغيار الأول غير كدة تلاقى الموتور بيسقف والعربية بتترجرج لو حاولت تمشى على التانى

علشان كدة يا ريت حد من الاعضاء ذوى الخبرة يوضحلنا النقطة دى :
- هل فعلا غلط الغيار العكسى من التانى للأول والعربية ماشية .. بس بشرط ان السرعة زى ما قلنا مناسبة للأول - يعنى مش أكبر من 15 - 20 ؟
- وهل الحركة على الأول مسافة كبيرة غلط زى ما ناس كتير بتقول .. برضه بشرط ان مش هنحرق على الغيار يعنى ار بى ام قليل ؟

وأخيرا أنا آسف على الاطالة

بعد الفتايس هايبقا فيها معوقة بسيطة للنزول للاول و العربية ماشية لان الغرض من الاول تحريك العربية و المشى عليه كتير مش كويس فانت لو هاتقابل مطب زى ما بتقول هاتكون قربت تقف و دايس فرامل كمان و هاتعديه بنسبة كبيرة و العربية ممورة وواخدة سرعتها فمش محتاج الاول
اما موضوع السى سى هوا مش بس السعة اللترية اللى هتخليك تطلع على التانى كمان عزم الموتور و حالته و هوا دلالة على قوة المكنة و كفائة نظام التعشيق و مش حاجة تتعمل على طول يعنى و تطلع على التانى و التالت حتى لو معاك عربية تستحمل الكلام ده و الله اعلم

[semsem_inside]

أنا مش مختلف مع حضرتك ان فعلا العربية هتعدى المطب وهى ممورة
بس الفكرة بعد ما العجل الأمامى يعدى المطب وهتبتدى تزود تانى من سرعتك لو منزلتش للأول وحاولت ابدئ بالتانى بلاقى العربية تترجرج ولازم تسايسها بالدبرياج وبرضه لما أعمل كده أسمع صوت تسقيف جامد فى الموتور لأن سرعة العربية أصبحت مش مناسة للتانى
ومن ناحية تانية مش منطقى انى أقف تماما عند كل مطب علشان ادى الأول
أنا بعمل ايه : قبل المطب بمسافة بمور العربية أو أدوس دبرياج للآخر لغاية ما العجلتين الأماميين يعدوا المطب بعدها بروح مدى العربية الأول واكمل .. بس مش عارف هل ده غلط على الفتيس ولا لأه !!

[migo9898]

شكرا للافادة

[Ahmed Galal]

أنا مش مختلف مع حضرتك ان فعلا العربية هتعدى المطب وهى ممورة
بس الفكرة بعد ما العجل الأمامى يعدى المطب وهتبتدى تزود تانى من سرعتك لو منزلتش للأول وحاولت ابدئ بالتانى بلاقى العربية تترجرج ولازم تسايسها بالدبرياج وبرضه لما أعمل كده أسمع صوت تسقيف جامد فى الموتور لأن سرعة العربية أصبحت مش مناسة للتانى
ومن ناحية تانية مش منطقى انى أقف تماما عند كل مطب علشان ادى الأول
أنا بعمل ايه : قبل المطب بمسافة بمور العربية أو أدوس دبرياج للآخر لغاية ما العجلتين الأماميين يعدوا المطب بعدها بروح مدى العربية الأول واكمل .. بس مش عارف هل ده غلط على الفتيس ولا لأه !!

لا عادى ما فيش مشكلة ان شاء الله اللى يبوظ الفتيس هوا عدم الاهتمام بتغيير الزيت و النقل العنيف غير كده ما تقلقش

[Ahmed.Fahmy]

شوفوا يا شباب العربيات الاوتوماتيك بتنقل لوحدها على حسب السرعه وهى بتنفل من التانى للاول اقل من سرعه 30 لوحدها يعنى عادى
ولو مش عاوز العربيه تسقف سيبها على التانى وماتدوسش بنزين ولا دبرياج وهى هتمشى مسافه صغيره وتظبط نفسها وبعدين دووووس يا مان

[MOK3336]

بص أنا بعمل كده
لما بيقابلني مطب من بعيد بدوس دبرياج و فرامل لحد العربية ما تهدي و تاخد المطب براحتها خالص و مش مهم بقي انا علي الثالث أو الثاني لأن ي دايس أساسا دبرياج
وبعد ما العجلتين ايلي قدام ما يعدوا بدي العربية الثاني و أدوس بنزين خفيف وخلاص أمشي عادي

مش عارف دي بقي طريقة صح ولا لأ ( عشان انا عندي عقده لازم و انا بدوس فرامل لازم أدوس دبرياج حتي لو ممور - مش عارف لية .. تقريباً أتعدوت علي كده )

[ahmdmagdy]

بص أنا بعمل كده
لما بيقابلني مطب من بعيد بدوس دبرياج و فرامل لحد العربية ما تهدي و تاخد المطب براحتها خالص و مش مهم بقي انا علي الثالث أو الثاني لأن ي دايس أساسا دبرياج
وبعد ما العجلتين ايلي قدام ما يعدوا بدي العربية الثاني و أدوس بنزين خفيف وخلاص أمشي عادي

مش عارف دي بقي طريقة صح ولا لأ ( عشان انا عندي عقده لازم و انا بدوس فرامل لازم أدوس دبرياج حتي لو ممور - مش عارف لية .. تقريباً أتعدوت علي كده )

انا بعمل زيك بس الفرق انا بدوس فرامل من غير دبرياج بدوس دبرياج في حاله واحده بس لو حسيت العربيه بتكركر و هتوقف

[MOK3336]

طيب هل دوست الدبرياج دي فيها مشكله ولا عادى ؟؟؟

[ahmdmagdy]

طيب هل دوست الدبرياج دي فيها مشكله ولا عادى ؟؟؟

الاسطوانه عمرها الافتراضي بيقل بتدوس الدبرياج بس في نقل الغيار او تلحق العربيه بالدبرياج لو حسيت انها هتقف منك

[wlelw2003]

شكرا لكم يا شباب