قيادة العربية بدون دبرياج

[alhourriah]

السلام عليكم ورحمة الله

في صديق ليه سألني إذا كان ممكن أفصل حركة الفتيس بدون ما أدوس دبرياج ... هل ده ممكن...

في الحقيقة آه ده ممكن بس يحتاج شوية انتباه وممارسة وما يتعملش ده إلا في الحالات الضرورية.
إزاي ؟؟؟ أنا حأقولكم...

غحنا كلنا طبعاً واحنا سايقين العربية بننتبه انه قبل ما تركب أي غيار بنبتدي نسمع صوت ضوجان الموتور.. دي الخطوة الأولى اللي لازم نسمعها.. بعد كده بدل ما أدوس الدبرياج أرفع رجلي خالص من على البنزين وأصبر شوية حتى الموتور يبتدي يهدى وأروح مركب الغيار اللي عاوزه بس على مرحلتين.. المرحلة الأولى الفتيس يبقى محايد (neutral) والمرحلة التانية أركب الغيار اللي أنا عاوزه.
أنا آسف جداً إذا ما عرفتش أشرح الموضوع أكثر. بس زي ما حكيت هو الموضوع عاوز شوية انتباه في أولها. وده هو الميدأ...

[ahmed_h_g]

الموضوع ده مضر جدا" جدا" للفتيس
لكن حركه شديده .... شكرا" عالافاده

[د.محمود صلاح]

ممكن تستخدمها فى الطوارئ لو سلك الدبرياج فصل , لحد ما تروح لميكانيكى

[abdo_general]

هي علي قد ما الناس بتقول انها مضرة
بس مفيدة فيحالات الطواريء اكيد هتسعفك اوي

بس هي ان الواحد يتعلمها عاوزة حذر اصلا

[Mody_Benz]

هيا كويسة بس ممكن الحركة ديه تكسر تروس الجير بوكس وتتلفها

[Ahmed Nouh]

استعملها فى الطوارئ فقط لأن عواقبها غير مضمونه , لكن هى فعلا تنفع طول ما انت بعيد عن الغيار الاول ممكن متستعملش الدبرياج

لما توصل لنص الغيار ( متحرقش على النقله ) مور العربيه ودى هتيجى معاك سهل , وبعدين برفق حاول تدخل العصايه فى الغيار الجديد ولو سمعت صوت زعقه يبقى دوس بنزين سنه وسيب وجرب تاانى لحد ما العربيه تاخد النقله بدون اصوات

لو حصل وسلك الدبرياج قطع منك ومضطر تقف يبقى هتقف لحد ما العربيه تبطل على الاول وبعدين تدورها بالمارش وهى معشقه علشان تدور تانى وتكمل مشى , طبعا السواقه دى مش هتنفع فى زحمه دى بس لو على طريق سفر لحد ما توصل لمكان حد يقطرك منه

[M!NA]

راجع الموضوع ده....

http://www.nilemotors.net/Nile/29203-a.html