عايز اتعلم قيادة المانيوال.

[محمد محمد]

السلام عليكم ورحمة الله وبركاته...............
انا من ساعة ما اتعلمت قيادة سيارات وانا بتعلم علي اوتوماتيك ونفسي حد يعلمني اسوق مانيوال وازاي اسوق من غير مشاااكل.
وجزاكم الله خيرا.

[N.a.j.d]

لازم تتعلم عملي ياباشا

[MOK3336]

زى ما قال اخونا astradti
لازم حضرتك تتعلم عملي الموضوع سهل جدا و سواقه المنوال ممتع 100 مرة من سواقه الأتوماتيك بس نصيحة أتعلم علي عربية لادا عشان تحس بالنقلات عشان تتعلم أحسن و ربنا يوفقك

[محمد محمد]

لازم تتعلم عملي ياباشا

زى ما قال اخونا astradti
لازم حضرتك تتعلم عملي الموضوع سهل جدا و سواقه المنوال ممتع 100 مرة من سواقه الأتوماتيك بس نصيحة أتعلم علي عربية لادا عشان تحس بالنقلات عشان تتعلم أحسن و ربنا يوفقك

جزاكم الله خيرا علي الردود.

[N.a.j.d]

ربنا يوفقك ياباشا
ايوا المانيول بتحس بمتعه السواقه اكتر اما الاتو ممكن تنام وانتا سايق هههه
شفلك حد من صحابك عنده عربيه مانيول وخدلك لفه كل يوم هوا سهل مش صعب

[mr_sameh]

لازم عملي

[محمد محمد]

ربنا يوفقك ياباشا
ايوا المانيول بتحس بمتعه السواقه اكتر اما الاتو ممكن تنام وانتا سايق هههه
شفلك حد من صحابك عنده عربيه مانيول وخدلك لفه كل يوم هوا سهل مش صعب

هو الmmt عندي يعتبر مانيوال بس من غير دواسة دبرياج وهي دي المشكلة عندي اني عايز اعرف استخدم الدبرياج من غير ما اضر العربية اللى انا هجربها.

[maka]

هو الmmt عندي يعتبر مانيوال بس من غير دواسة دبرياج وهي دي المشكلة عندي اني عايز اعرف استخدم الدبرياج من غير ما اضر العربية اللى انا هجربها.

طلما حضرتك بتعرف تسوق وبتعرف نقلات يبقى فضلك حاجة واحدة وهى النقل بالدبرياج

ودى سهلة جدا بس لازم تتعلم تواز رجلك عند بداية التحرك

وممكن تروح اى مدرسة حصة واحدة بس وهتتعلمها

[N.a.j.d]

ممكن

[Eng.Geo]

هي الفكرة بسيطة بس لازم عملي بس هقولك علي شوية حاجات مهمة
في البداية وانت طالع بتدوس دبرياج علي الاخر وتجيب الاول وانت دايس دبرياج اوعي تسيبه بسرعه عشان ماتفصلش وبعد ماتجيب الاول حط رجلك علي البنزين واعمل ميزان الكفتين بتوعه هما البنزين والدبرياج يعني وانت بتنزل سم بالبنزين تكون بترفع سم بالدبرياج وكل ده بالتقدير مش بالضبط بس كل ماتقرب من الصح كل ما تطلع معاك افضل
عايزين نغير : كل ما ال rbm ييجي علي 3 دوس دبرياج وانقل للي بعده وسيب دبرياج بالراحة عشان ماتنتش ودوس بنزين علي خفيف
طاب عايزين نقلل في النقلات :
الاول 0/20
التاني20/40
التالت40/60
الرابع60/80
الخامس80/220
يعني لو انت علي الرابع وهديت لغايت 30 يبقي تجيب التاني وهكذا
لقيت نفسك في زحمة يبقي هتفرمل كتير وسرعتك هتبقي بطيئة وعشان ماتفصلش بتدوس دبرياج للاخر كل ما بتقل ل 1000 rbm
وكل ده بالاحساس بيبقي تمام يعني مسالة وقت

[محمد محمد]

يعني لو انت علي الرابع وهديت لغايت 30 يبقي تجيب التاني وهكذا
لقيت نفسك في زحمة يبقي هتفرمل كتير وسرعتك هتبقي بطيئة وعشان ماتفصلش بتدوس دبرياج للاخر كل ما بتقل ل 1000 rbm
وكل ده بالاحساس بيبقي تمام يعني مسالة وقت

جزاك الله خيرا ومعلش هاتعبك معايا شوية.
الكلام اللى انا واضع تحته خط يعني انا مثلا في الزحمة ببقي ماشي علي الأول لما اجي ادوس فرامل ادوس دبرياج مع الفرامل علشان العربية ما تبطلش ؟
لما اجي انقل من الرابع للثاني الفتيس هايعدي علي الغيار التالت هيبقي فيه مشكلة ولا حاجة؟
لو انا مثلا ماشي علي الخامس وجيت افرمل بدوس دبرياج مع الفرامل واجيب الفتيس علي الوضع n او المسمي بالمور ولو انا مثلا ماشي علي سرعة 100 يعني الغيار الخامس ولما فرملت رحت ممور الفتيس وسرعة العربية بقت 60 مثلا لما اجي ادوس بنزين تاني اجيب الفتيس علي التالت عادي ولا هيبقي فيه مشكلة.
واسف علي تعبك.

[Eng.Geo]

جزاك الله خيرا ومعلش هاتعبك معايا شوية.
الكلام اللى انا واضع تحته خط يعني انا مثلا في الزحمة ببقي ماشي علي الأول لما اجي ادوس فرامل ادوس دبرياج مع الفرامل علشان العربية ما تبطلش ؟
ايوة بدوس دبرياج مع الفرامل عشان ملتبطلش بس مش مثلا انت ماشي علي 30 وهتفرمل عشان تقف تقوم دايس علي الدبرياج مع الفرامل علي طول ....الكلام ده مش صح بس في ناس بتعمله كتير وكل تاثيره هيبقي علي الاسوانه بتاعة الدبرياج هتتاكل اسرع بس هي عمرها الافتراضي الطبيعي بيبقي تقريبا 80 الف كم ومع دوس الدبرياج كتير ممكن توصل ل 30 الف كم
الصح انك تدوس فرامل عادي جدا ولما توصل عدد لفات الموتور ل 1000 rbm دوس دبرياج عشان ماتبطلش
لما اجي انقل من الرابع للثاني الفتيس هايعدي علي الغيار التالت هيبقي فيه مشكلة ولا حاجة؟انت مش هاتجيب التالت خالص وانت علي الرابع وعايز توصل للتاني هات التاني عادي جدا من غير ماتجيب التالت
لو انا مثلا ماشي علي الخامس وجيت افرمل بدوس دبرياج مع الفرامل واجيب الفتيس علي الوضع n او المسمي بالمور تمام
ولو انا مثلا ماشي علي سرعة 100 يعني الغيار الخامس ولما فرملت رحت ممور الفتيس وسرعة العربية بقت 60 مثلا لما اجي ادوس بنزين تاني اجيب الفتيس علي التالت عادي ولا هيبقي فيه مشكلة. انت هتدوس دبرياج وتجيب الافضل الرابع وتسيب دبرياج بالراحة مع سنة بنزين
انا قلت رابع ليه مش تالت...لانك لو جبت التالت هيكون عدد لفات الومتور عالي لانك في اخر الغيار ...علي فكرة اخر الغيار مش 60 هي ممكن توصل ل 110 في العربيات المالوفة بس من بعد ال70 بيعتبر حرق علي الغيار بيتعب الموتور ويستهلك بنزين اعلي بكتير
يبقي الرابع افضل لانك بتكون في اوله وعدد اللفات اقل ومريح الموتور
انما في حالة ممكن تجيب فيها التالت علي 60 وهي مطلع الكوبري عشان لو جبت الراع هيكون العزم اقل مع المطلع فهيكون حمل علي الموتور والسحب هيقل فالحل انك بتجيب التالتوتثبت رجلك شوية علي 70 لغاية اما تيجي نازل الكوبري وتسيب بنزين عشان تدوس فرامل خفيف عشان السرعة هتزيد في النزلة
واسف علي تعبك.

مفيش تعب انت تأمر

[abo_lamar]

ممكن تروح مركز لتعليم السواقة وبيكون طبعا على عربيات مانيوال

[Dr Zezo]

اخي الحبيب ابو الوليد

تحتاج فقط الي سيارة مانيوال و عيش حياتك في شوارع العبور الفسيحة

و كما اري انك ملم بالاساسيات للقيادة المانيوال تحتاج فقط للتجربة بنفسك و اذا واجهتك مشكلة تستطيع الاستفسار عنها ...

[محمد محمد]

مفيش تعب انت تأمر

جزاك الله خير بدعيلك من قلبي.

ممكن تروح مركز لتعليم السواقة وبيكون طبعا على عربيات مانيوال

اخي الحبيب ابو الوليد

تحتاج فقط الي سيارة مانيوال و عيش حياتك في شوارع العبور الفسيحة

و كما اري انك ملم بالاساسيات للقيادة المانيوال تحتاج فقط للتجربة بنفسك و اذا واجهتك مشكلة تستطيع الاستفسار عنها ...

جزاكم الله خيرا ان شاء الله هتكون دي الخطوة الجاية .