افضل الاطارات ....بس سعرها مناسب

[wlelw2003]

السلام عليكم ورحمة الله وبركاته
ايه انواع الاطارات الكويسة في مصر بس يكون سهرها مناسب لملاكي مقاس 13 و سعرها كام من اهل الخبرة
و شكرا للجميع

[احمد المصرى]

كل واحد هيقولك رايه الشخصى عن تجربته بس انا شخصيا محترم البريدج استون

[medo980]

طبعاٌ احسن نوع هو الميشلان و البريدجستون والكونتنينتال ومقاس 13 فى الأنواع دى من 275 الى 325 وانا عن نفسى لسه مغير طقم كامل ماركة كومهو كانت الفرده ب190 جنيه بالترصيص والتركيب هو يعتبر كويس وبينزل فى الشيفروليه الأوبترا وهو صناعته كورى

[samirayad]

أنا بأحترم الكومهو
نظرا لتجربتى معه على مدار 8 سنوات
لأن تمنه معقول ومعملش معايا مشاكل

[badreldin]

انا عاوز اركب بريدجستون بس مش عارف اجيبه منين . هل فيه توكيل ناحيه المهندسين او المعادى ؟؟؟

[zocor742]

اكيد افضل الانواع الميشلان الفرنساوى وبعدية البريدجستون يبانى او المانى مش متزكر تقدر تقول عاليهم التوب
وبعد كدة فى انواع كتير فيها حاجات محترمة بردو واسعار اقل من النوعين دول
مثلا عندك الجوديير , الكونتنتال , البريدجستون الاندلوسى , البيرلى , الكومهو, النانكينج .التويو,.....................وانواع كتير بس دول اللى متزكرهم
عن تجربة فى عربيتى الكومهو جميل ومش غالى وركبت بعدية النانكينج من شهرين كدة لحد الان عاجبنى ومريحنى ومشتكتش منة
وعن تجربة مع اصدقائى وبعض الاقارب
الميشلان الفرنساوى التوب , البريدجستون رائع جدا بس مش الاندلوسى لأن بينهم فرق واضح فى الخامة والاداءوالسعر, الكومهو سعرة رائع وعجلة محترمة يعتمد عاليها ,التويو عجلة معفنة ومن اى دوسة فرامل عنيفة لازم الكاوتش يصرخ,البريلى جميل ومحترم

يارب اكون قدرت افيدك
بالنسبة لحضرتك المقاس عندك 13 يعنى لو جبت الميشلان او البريدجستون الاصلى هترتاح جدا وهيعجبك اوى هو سعرة غالى بس بالنسبة للمقاس بتاعك مش هيعدى ال350ج للفردة دة بالكتير اما لو كان المقاس عندك كبير 15 او 16 هتفرق معاك فى النوعين دول والمبلغ دة يادوب هيجبلك كومهو بيرللى جوديير والميسلان والبريدجستون على الاقل ابدأ اتكلم من اول 450 وانت طالع 500 ل600 ج

[Akram]

الكومهو و البريللي حلويين جداً

[meeezo333eg]

انا جربت نان كانج و جربت جى تى بس عاجبانى اوى ال جى تى و سعرها تقريبا 225 الى 235 مش فاكر بالظبط و النان كانج بتبقى ارخص 20 جنيه تقريبا

[elwad_crazy]

كانضف واحسن وبيعيش بريدجستون ويشيلان

وبعد كده بفضل الكوموهوا

[msobhy]

عن تجربة
الميشلان ممتاز - ثباته رائع - امتصاص صدمات ممتاز - للأسف صوته عالى نسبيا
قبل كده كنت جربت ال gt وال الكومهو لا وجه للمقارنة بينها وبين الميشلان

[Akram]

كل حاجة بتمنها ....

[samirayad]

كل حاجة بتمنها ....

+1

[michohat]

كنت سئلت قبل كده على الميشلان مقاس 13 ومش لقيت اصلى منه (لقيت تايلاندى) وكلمت التوكيل ( منتراك) قال لى انه مفيش من المقاس ده الا التايلاندى و مش بيجيبوا من المقاس ده تشكيلات كتيرة لان العربيات الجديده معظمها مقاس 14 فلو حد عارف مكان فيه ميشلان مقاس 13 اصلى يا ريت يدلنا

[M.almaghraby]

النكسن ايه رايكو فيه

[aymansaad]

انا حبت ماكسس تايلاند كويس وشغال وسعره 210