ما الفرق بين الكلتش الأكتيويتور والماستر الخلفي.

[محمد محمد]

السلام عليكم ورحمة الله وبركاته.........
انا كنت سألت قبل كده عن حدوث رجرجة عندي في العربية بعد الغيارات ومحدش رد علي.
المهم انا الفتيس عندي mmt بتاع الكورولا رحت النهاردة التوكيل وقلتلهم علي المشكلة ودخلوا العربية الورشة.
بصيت علي العربية وهي في الورشة وحصل الأتي:
الفني دخل بجهاز في ايده عامل زي الجهاز اللى بيبقي مع كشاف النور اللى بيدخل عليه القرأة بتاعت العدادات ودخل قعد في العربية حوالى ربع ساعة وبعد كده خرج ورفع العربية وربط حاجة في الفتيس من تحت (وده تقريبا الكلتش الأكتيويتور) وبعد كده نزل العربية ودخل قعد في العربية تاني حوالى 10 دقائق.....بعد كده خلص (الموضوع كله خد اقل من نصف ساعة)و مهندس طلع يجرب العربية ......بعد كده بعت للمهندس علشان اللى يفهمني اللى حصل بالظبط....فقال لي انه بيحدث تأكل في الأسطوانة(عايز حد يفهمني بأختصار ايه وظيفتها هي والديسك والدبرياج لأنعدام خبرتي بالمانيوال) كل فترة والفتيس المانيوال العادي بيبقي فيه ماستر امامي وماستر خلفي لكن الmmt مافيهوش ماستر خلفي لكن فيه كلتش اكتيويتور بيبقي بدال الماستر الخلفي والحاجة اللى اتربطط دي(تقريبا يقصد الكلتش الأكتيويتور) بيبقي فيه مسافة بين حاجتين(مش عارف ايه هم مفهمتش منه اوي بس قالى ان فيهم قضيب) هي اللى بتعمل الرجرجة دي والتربيط ده بيخلي بينهم المسفة زيرو.
انا بقي عايز حد يفهمني الليلة دي كلها ايه اللى بيحصل فيها بالظبط ويشرحلي الحاجات اللى ما بين الأقواس.....علشان الواحد يقدر يحكم الفتيس ده معقد في صيانته وتصميمه ولا لأ وايه الفرق ما بينه وبين المانيوال العادي في الصيانة.

[Ahmed Hassan]

احجزلي معاك حد يفهمني انا كمان :)

اخبار الكتالوج ايه؟؟ اكيد هتلاقي في جدول الصيانه الدوريه حاجه بخصوص الموضوع ده

[محمد محمد]

احجزلي معاك حد يفهمني انا كمان :)

اخبار الكتالوج ايه؟؟ اكيد هتلاقي في جدول الصيانه الدوريه حاجه بخصوص الموضوع ده

هو مافيش حاجة في جدول الصيانة الدورية لأن لسة العربية في الضمان والحاجات دي بيعملوها علي حساب الضمان وبتتعمل لما يكون فيه شكوي من الفتيس وحتي التكلفة بعد الضمان لسة متحددتش بس مهندس الصيانة اكدلي انها هتبقي تكلفة بسيطة وده واضح من الشغل اللى اتعمل الموضوع كله مخدش نصف ساعة برمجة وتربيط يعني بالكتير اوي 300جنيه كحد اقصى في الصيانة اللى زي دي.

[Ahmed Hassan]

انا قصدي الجدول اللي في دليل المتستخدم. بيكونوا كاتبين الحاجات اللي بتتعمل على فترات حتى لو كانت حاجه بتتظبط ومش هتتغير

فيه حاجات هتلاقي مكتوب inspect

و حاجات مكتوب replace

[محمد محمد]

طب حد يقولنا الماستر الخلفي في الفتيس المانيوال العادي لازمته ايه .

[Ahmed Hassan]

طب حد يقولنا الماستر الخلفي في الفتيس المانيوال العادي لازمته ايه .

الفتيس المانيوال العادي مفيهوش حاجه اسمها ماستر. الاحتمال الوحيد هوه ماستر الدبرياش (في العربيات اللي الدبرياش فيها على زيت باكم).

[ENG\AHMED]

بالنسبة للماستر الدبرياج

الدبرياج فى منة نوعين لفصل الحركة بين الديسك والاسطوانة
اولا عن طريق سلك واصل من الدواسة
ثانيا الدبرياج الهيدروليك ودة بيستخدم زيت الباكم لنقل الضغط من الدواسة (تقريبا نفس فكرة الفرامل)
الماستر عبار عن مكبس داخل اسطوانة لنقل ضغط الزيت من الدوواسة لفصل الحركة بين الديك والاسطوانة

بالنسبة للديسك والاسطوانة
وظيفتهم نقل الحركة من الموتور للفتيس ومنها للعجل
وبيتم نقل الحركة عن طريق الاحتكاك بين الجسمين , لما الاسطوانة والديسك بيبوظوا بيبقى سطحهم اتاكل ونعم وبقى السطحين بيتزحلقوا على بعض وبالتالى فى فقد كبير فى قدرة الموتور وتلاقى العربية مخنوقة والسحب ضعيف , لفات الموتر تعلى والسحب ضعيف مش مكافئ للفات الموتور , العربية تترعش وتترجرج فى الطلعة

بالنسبة للفتيس ال mmt
بدلوا دواسة الدبرياج ب clutch actuator علشان يقوم بنفس دور الدواسة , بيجيلوا اشارة كهربة يقوم بعملية الفصل (نفس دواسة الدبرياج بس كهربة)

بالنسبة لمشكلة اللى حصلت فانا معرفش التركيب الداخلى علشان افيدك بس لو المهندس يقصد انة بيعوض التاكل فى الديسك والاسطوانة فا من الكلام العربية لسة زيرو فهل لحقت يحصل تاكل للدرجة اللى تستلزم تعويضها ؟ غريبة شوية !!

[محمد محمد]

الفتيس المانيوال العادي مفيهوش حاجه اسمها ماستر. الاحتمال الوحيد هوه ماستر الدبرياش (في العربيات اللي الدبرياش فيها على زيت باكم).

جزاك الله خيرا علي ردك يا استاذ احمد.

بالنسبة للماستر الدبرياج

الدبرياج فى منة نوعين لفصل الحركة بين الديسك والاسطوانة
اولا عن طريق سلك واصل من الدواسة
ثانيا الدبرياج الهيدروليك ودة بيستخدم زيت الباكم لنقل الضغط من الدواسة (تقريبا نفس فكرة الفرامل)
الماستر عبار عن مكبس داخل اسطوانة لنقل ضغط الزيت من الدوواسة لفصل الحركة بين الديك والاسطوانة

بالنسبة للديسك والاسطوانة
وظيفتهم نقل الحركة من الموتور للفتيس ومنها للعجل
وبيتم نقل الحركة عن طريق الاحتكاك بين الجسمين , لما الاسطوانة والديسك بيبوظوا بيبقى سطحهم اتاكل ونعم وبقى السطحين بيتزحلقوا على بعض وبالتالى فى فقد كبير فى قدرة الموتور وتلاقى العربية مخنوقة والسحب ضعيف , لفات الموتر تعلى والسحب ضعيف مش مكافئ للفات الموتور , العربية تترعش وتترجرج فى الطلعة

بالنسبة للفتيس ال mmt
بدلوا دواسة الدبرياج ب clutch actuator علشان يقوم بنفس دور الدواسة , بيجيلوا اشارة كهربة يقوم بعملية الفصل (نفس دواسة الدبرياج بس كهربة)

بالنسبة لمشكلة اللى حصلت فانا معرفش التركيب الداخلى علشان افيدك بس لو المهندس يقصد انة بيعوض التاكل فى الديسك والاسطوانة فا من الكلام العربية لسة زيرو فهل لحقت يحصل تاكل للدرجة اللى تستلزم تعويضها ؟ غريبة شوية !!

جزاك الله خيرا علي هذا الرد الماتع.
هو المهندس بيقولي انه كل فترة بيحصل تأكل في الديسك والأسطوانة او علي وصفه بيبقي فيه (بوش) فتقريبا بيربطوا الكلتش الأكتيويتور وبعد كده بيبرمجوا الجزء اللى اتربط.
وبالنسبة لتركيب الفتيس هو تركيب الفتيس المانيوال بالظبط مع فرق الكلتش بدل الماستر والعربية عاملة دلوقتي 48000ك .
طب بالنسبة للعمر الأفتراضي للأسطوانة والديسك المفروض يقعدوا لغاية كام ك.

[ENG\AHMED]

جزاك الله خيرا علي ردك يا استاذ احمد.

جزاك الله خيرا علي هذا الرد الماتع.
هو المهندس بيقولي انه كل فترة بيحصل تأكل في الديسك والأسطوانة او علي وصفه بيبقي فيه (بوش) فتقريبا بيربطوا الكلتش الأكتيويتور وبعد كده بيبرمجوا الجزء اللى اتربط.
وبالنسبة لتركيب الفتيس هو تركيب الفتيس المانيوال بالظبط مع فرق الكلتش بدل الماستر والعربية عاملة دلوقتي 48000ك .
طب بالنسبة للعمر الأفتراضي للأسطوانة والديسك المفروض يقعدوا لغاية كام ك.

عمر الديسك والاسطوانة فى المقام الاول استخدام , فى ناس بتغير بعد 100000 فى اكتر , فى اقل .. انا قعدوا معيايا فى عربية مازدا 214000 لحد لما بعتها ومكنش فيهم مشاكل , فى اللانوس قعدوا حوالى 250000 او اكتر شوية وغيرتهم مع شغل تانى فابالمرة فك بفك بالرغم ان مكنش فيهم مشاكل وندمت لما غيرتهم لأن الاصلى كان انضف بمراحل بذات البلية اللى غيرتها 3 مرات بعد الموضوع دة والاسطوانة والديسك مرة بعد الموضوع دة :)

اعتقد عربيتك المفروض يبقى العمر اطول لأن هنا كمبيوتر هو المتحكم والموضوع دة بيتم اوتوماتيك يعنى مفيش مجال لسوء استخدام من السواق

[محمد محمد]

شكرا علي ردك يا eng\ahmed وعلي تعبك معايا في الرد وبرده الموضوع ده هايفيد ناس اوبلاوية معاهم الأيزي ترونيك لأنه نفس التصميم تقريبا.
هو الشغل اللى في الفتيس كله هو الكمبيوتر بتاعه وماعرفش هو الفتيس ليه كمبيوتر ليه لوحده ولا تبع كنترول العربية المهم ان الفني(شاب في العشرينات) وصل الجهاز بالعربية وقعد بيه جوة العربية حوالى 20 دقيقة وبعد كده راح رافع العربية وربط في 5 دقائق وبعد كده مسك الجهاز وهو جو العربية قعد حوالى 10 دقائق بعد كده خرج جرب العربية وخلاص علي كده.

[أبو عبدالله]

أبو الوليد اللي بيحصل عندك ده في رايي هو نفس اللي بيحصل في المانوال العادي ساعات لما تعلق رجلك على الدبرياج وانت طالع بالعربيه بتخلي العربيه ترجرج كده
وبما ان الموضوع عندك اتوماتيك في النقل بتاعه فممكن يكون الجهاز اللي بينقل او بمعنى اصح بيضغط على الدبرياج يكون بيحتاج تربيط كل فتره علشان لو حصل زي ما فهمت من كلام الفني اللي انت ناقله
ان المسألة ممكن يكون فيها حاجه زي بوش خفيف من كتر الشغل
فدي بتعمل على تعليق الدبرياج زي المانوال العادي فبيعمل الرجرجه دي

يارب اكون وصلت وجهة نظري في الموضوع

[ENG\AHMED]

شكرا علي ردك يا eng\ahmed وعلي تعبك معايا في الرد وبرده الموضوع ده هايفيد ناس اوبلاوية معاهم الأيزي ترونيك لأنه نفس التصميم تقريبا.
هو الشغل اللى في الفتيس كله هو الكمبيوتر بتاعه وماعرفش هو الفتيس ليه كمبيوتر ليه لوحده ولا تبع كنترول العربية المهم ان الفني(شاب في العشرينات) وصل الجهاز بالعربية وقعد بيه جوة العربية حوالى 20 دقيقة وبعد كده راح رافع العربية وربط في 5 دقائق وبعد كده مسك الجهاز وهو جو العربية قعد حوالى 10 دقائق بعد كده خرج جرب العربية وخلاص علي كده.

مفيش تعب ولا حاجة كلنا اخوات
هو ممكن يكون عمل رجلاش لحاجة او كان فى حاجة سايبة ربطها
عموما خليك متابع الموضوع دة وشوف هيتكرر تانى ولا لأ وبعد اد اية يعنى سجل العيب والعداد وشوف لو حصل تانى هيبقى بعد اد اية

[محمد محمد]

أبو الوليد اللي بيحصل عندك ده في رايي هو نفس اللي بيحصل في المانوال العادي ساعات لما تعلق رجلك على الدبرياج وانت طالع بالعربيه بتخلي العربيه ترجرج كده
وبما ان الموضوع عندك اتوماتيك في النقل بتاعه فممكن يكون الجهاز اللي بينقل او بمعنى اصح بيضغط على الدبرياج يكون بيحتاج تربيط كل فتره علشان لو حصل زي ما فهمت من كلام الفني اللي انت ناقله
ان المسألة ممكن يكون فيها حاجه زي بوش خفيف من كتر الشغل
فدي بتعمل على تعليق الدبرياج زي المانوال العادي فبيعمل الرجرجه دي

يارب اكون وصلت وجهة نظري في الموضوع

فعلا يا ابو عبد الله هو ده اللى حصل بالظبط وبرده في اول مرة عدلت السوفت وير كان شهر 4 اللى فات برده نفس الطريقة برمجة وتربيط كانت العربية عاملة معايا حوالى 19000ك او اقل ....انا اللى يخليني اقلق من اي حاجة اني ماليش خبرة في المانيوال خالص فعشان كده كل حاجة بتحصل بقارنها بنفس العطل في المانيوال.

مفيش تعب ولا حاجة كلنا اخوات
هو ممكن يكون عمل رجلاش لحاجة او كان فى حاجة سايبة ربطها
عموما خليك متابع الموضوع دة وشوف هيتكرر تانى ولا لأ وبعد اد اية يعنى سجل العيب والعداد وشوف لو حصل تانى هيبقى بعد اد اية

ربنا يحفظك وجزاك الله خيرا علي ردودك.

[Ahmad Shawky]

اعتقد انو مبيعملش حاجه اصلا لانو برضو مسك الجهاز ده معايا واعد جوه وغالبا معملش حاجه لانو مش فاهمين اصلا

[محمد محمد]

اعتقد انو مبيعملش حاجه اصلا لانو برضو مسك الجهاز ده معايا واعد جوه وغالبا معملش حاجه لانو مش فاهمين اصلا

طب هو عندك رفع العربية وربط الفتيس من تحت.