Tweet
هل الفيات تمبرا تمثل مشكلة فى القيادة لشخص مبتدئ فى السواقة نظرا لحجمها الكبير وارتفاعها من الخلف -- ارجو الافادة
-
-
أهلا بالاخ الفاضل
التمبرا فعلا قد لا تكون مناسبة لشخص مبتدئ في القيادة أنا شاريها من حوالي 8 شهور و كنت قبل كده باسوق 125 و المشكلة الرئيسية هي في ارتفاع شنطتها الخلفية لانها تعوق الرؤية قليلا عند الرجوع للخلف و كنت بأضطر لفك حزام الامان و أنظر من الشباك و أنا بأرجع لورا كما عرضها كبير شويتين و بحتاج لحرص في الشوارع الضيقة و في نقطة ثانية مقدمة السيارة منخفضة علشان الايروديناميكس و لما بتوقف
ممكن متشوفش المقدمة كويس فتريح على عربية قدامك لهذا يستحسن ان توقف قبل السيارة التي أمامك بمسافة كافية .
كل ده ماكانش في ال 125 لانها صندوقية و شبه مسطحة و ليست انسيابية و مائلة لقدام زي العربيات الحديثة لكن بعد فترة الواحد بيتعود على قيادتها لكن أنا بقالي 19 سنة بأسوق لهذا لم أخذ فترة طويلة للتأقلم مع فروق تصميم السيارة .
بس العربية ممتازة لو كنت بتفكر تشتريها و اذا كنت مبتدئ حاول تسوقها الاول في حتت فاضية ( مش عارف فين لان كل الطرق بقت زحمة ) لكن ممكن الاول تسوقها يوم الجمعة الصبح بدري أو في ساحة فاضية لانتظار السيارت شوية بشوية لحد ما تتعود على كيفية الرجوع للخلف و الفرملة مع شنطتها المرتفعة و مقدمتها المنخفضة -
شكرا لمرورك على موضوعي وشكرا لمعلوماتك القيمة خاصة انها من شخص خاض التجربة وانا فعلا كنت ناوى اشترى تمبرا بس فعلا هى لا تناسبنى كمبتدئ خاصة لما الواحد بيجيب عربية بيبقى مستعجل على الممارسةComment
Comment