نيتروجين الاطارات

[ibr]

[fot1]
السلام عليكم جمعا مفيش حد يقدر يقولى ايه حكاية نيتروجين الاطارات و فين الناس الى بتعمل الموضوع ده فى اسكندرية او القاهرة و ايه فايدة النيتروجين ده
[/fot1]

[mohamed1979]

النيتروجين يا باشا عباره عن غاز خامل اى لا يتأثر بأرتفاع او انخفاض درجه الحراره و بالتالى مش حتروج تظبط الكاوتش كل شويه
وعلشان كده اتجه كثير من الناس لأستبدال الهواء العادى بالنيتروجين لانه بخلى عفشه العريبيه ناعمه اكثر من الهواء العادى
و يوجد كثير من الأماكن فى القاهره و الأسكندريه بتعمل نيتروجين
فى القاهرة / مدينه نصر بنزينه كالتكس عباس العقاد مركز بريدجيستون
بنزينه وطنيه عند مسجد السلام قبل سوق السيارات
طريق مصر اسكندريه الصحراوى عند واحه عمر يوجد مركز نيتروجين
فى الأسكندريه مركز بريدجسيتون على الكورنيس بسموحه (مش فاكر بالظبط فين بس معلومه من واحد صاحبى اسكندرانى)

[gebreel]

ضيف ليه في القاهرة مركزين الاول و ده كان سيادة العقيد هو اللي قالي عليه و ان شاء الله هعدي عليه النهاردة و اعملو لو كان فاتح على الساعة 10 ان شاء الله و اسمو ارابكوم ز ده عند سيتي ستارز تلف اليوترن اللي قدام الشبراوي في اول يمين و تمشي مع الطريق هيلف بيك لف معاه هتلاقيه على اليمين
الثاني عند انبي عمارات الشرطة اخر شارع ابراهيم ابو النجا امتداد عباس العقاد
الفردة تعمل 5 جنيه تقريبا

[emann]

وياريت لو حد عملها فى سوهاج او اسيوط او الاقصر

[samcar]

النيتروجين يا باشا عباره عن غاز خامل اى لا يتأثر بأرتفاع او انخفاض درجه الحراره و بالتالى مش حتروج تظبط الكاوتش كل شويه
وعلشان كده اتجه كثير من الناس لأستبدال الهواء العادى بالنيتروجين لانه بخلى عفشه العريبيه ناعمه اكثر من الهواء العادى
و يوجد كثير من الأماكن فى القاهره و الأسكندريه بتعمل نيتروجين
فى القاهرة / مدينه نصر بنزينه كالتكس عباس العقاد مركز بريدجيستون
بنزينه وطنيه عند مسجد السلام قبل سوق السيارات
طريق مصر اسكندريه الصحراوى عند واحه عمر يوجد مركز نيتروجين
فى الأسكندريه مركز بريدجسيتون على الكورنيس بسموحه (مش فاكر بالظبط فين بس معلومه من واحد صاحبى اسكندرانى)

طيب ما الهوا العادى اربع اخماسه نيتروجين - الخمس اللى ناقص ده هو اللى حيعمل الفرق ؟؟؟

[Ahmed Selim]

الموضوع قُتل بحثاً...........و النيتروجين مش كل الناس بتحس بتغغير معاه.

اللى حابب يجرب يجرب......اللى مش مصدق ميجربش.

[MoOoD]

-بص عن تجربه مش بيفرق بطريقه ملحوظه مع العفشه
-بس هوه أفضل للإطارات من وجهه نظرى لأن الإطار مع السير به وسخونه الأسفلت الهواء العادى بيتمدد وبيزيد الضغط داخل الإطار((بس معرفشه بنسبه قد ايه))
-ثانياً لو انت من النوع إلى مش كل شويه عاوز يكشف على ضغط الإطار .يبقى النيتروجين أفضل.
-هتلاقى المنتدى فيه أكتر من موضوع عن النيتروجين بس انت دور عليهم . المناقشات فيهم مهمه.
-المهم حافظ على ضغط الإطار كما يوصى كتاب التشغيل للعربيه.
-مالكش دعوه ببليه فى نصايحه بالضغط خالص.
-ضغط الإطارات مكتوب على القايم ناحيه السواق , أو غطاء تنك البنزين.
-سعر تغير إلى النيتروجين 5 جنيه للفرده الواحده...يوجد عرض لحاملى إستيكر نايل موتورز "فى قسم العروض "