ازاي اغسل الموتور بالجاز؟

[dr_raveheart84]

كنت عايز اعرف ازاي الموتور بيتغسل بالجاز
مع العلم ان العربيه موديل قديم 95

[aymansaad]

طبعا فىالبنزينة

[N.a.j.d]

بتوع البانزين هما اللى بغسلو

[ramy_gamal]

الجاز مش كويس مع الخراطيم الكاوتش يبقى ميه بس احسن او الفوم

[Viper911]

على فكرة أنا جربت كل حاجة و مش لاقي أحسن من الجاز
و أحسن طريقة بعد الغسيل بالجاز خليه يغسل الموتور بالمية و الصابون أو الفوم و ده بيشيل أثر الجاز و بيخليه بيلمع جدا

[بحري]

مهم جدا عند الغسيل بالجاز وضع عازل بلاستيك للأجزاء الكهربية المكشوفة مثل الدينامو والاسبراتير حتى لا تتلف
والغسيل بالجاز بيكون بوضع زجاجة بها جاز مائلة وفتحها جزئيا أمام تيار هواء مندفع من كومبريسور وتوزيع الرذاذ على الأجزاء المختلفة وبعد كده دفع الهواء بالكومبريسور إلى هذه الأجزاء من أجل تنظيف بقايا الجاز والشحوم والأتربة
بعد كده بتحتاج تدور العربية شوية وتسيبها تسخن لغاية لما الجاز كله يسخن ويطير وطبعا تكون فاتح الكبوت عشان البخار ده لما بيدخل جوه العربية بيقلب ريحتها
الغسيل بالماء فقط خطر جدا خصوصا بالنسبة للسيارات الحديثة
عن نفسي أفضل الفوم والهواء المندفع وفي أضيق الحدود أستعمل الجاز

وللعلم غسل الموتور مش بيكون بغرض تلميعه وإنه يكون شبه الفابريكا وإنما بيكون بهدف إزالة الأتربة والشحوم اللي ممكن تسخن الموتور وتضعف عملية التبريد
إنما على مسألة اللمعان وكده فانسى تماما لأن مجرد المشي في الشارع الطبيعي إنه بيخلي أي حاجة عرضه للأتربة فما بالك العربية وما بالك لو مكان مغلق جزئيا زي الكبوت ومفيهوش فرصة إن التراب يطير من حتة تانية

[A7MED_PHARMA]

الفكره انك عاوز ضغط هوا ..عشان يرش الجاز
وده كش هتلاقي الا في البنزينه ..أو عند بتوع تغيير الزيت

[drmahmoud123]

بص انا عملت حركة جديدة
جبت blower جهاز الهواء اللي بنضف بيه الكمبيوتر والاجهزه الكهربائية وجبت زجاجة بلاسيتك واحد ليتر وحطيت فيها جاز وقفلت الغطا بتاعها وخرمته عدة خروم بمسمار وقلبت الزجاجة وهي امام ماسورة البلاور وغسلت بيها الماتور جيدا ثم بالماء لازالة الجاز والنتيجة تماما مثل البنزينة الفرق ضغط الهواء غي البلور اقل من جهاز البنزينة

[خالد]

بص انا عملت حركة جديدة
جبت blower جهاز الهواء اللي بنضف بيه الكمبيوتر والاجهزه الكهربائية وجبت زجاجة بلاسيتك واحد ليتر وحطيت فيها جاز وقفلت الغطا بتاعها وخرمته عدة خروم بمسمار وقلبت الزجاجة وهي امام ماسورة البلاور وغسلت بيها الماتور جيدا ثم بالماء لازالة الجاز والنتيجة تماما مثل البنزينة الفرق ضغط الهواء غي البلور اقل من جهاز البنزينة

صح كده
الله ينور ياباشا

[hanashoo]

بص يا باشا هو بما ان عربيتك كاربراتير يبقى مفيش مشكله من غسيله بالميه خصوصا ان الجاز بياكل فى الخراطيم مع مرور الوقت مع ضرورة تغطية البطاريه و الاسبراتير طبعا
لكن يظل افضل واامن شئ هو الفوم خصوخا لو كانت العريبه انجكشن

[د.محمود صلاح]

الجاز والهواء فى البنزينة , أو بالفوم كما ذكر الإخوة

[juba8]

انا بغسلها عند بتاع الزيت

[tamerkazaz]

افضل حاجة من وجهة نظرى تحاول بفرشة زي فرشة الدهانات وتغسل بيها العربية على جسم الموتور دون الحاجة لغسل الخراطيم لان الجاز بيسبب التأكل لكل ما هو مصنوع من الجلد حتى الاطارات تكون حزر وميجيش عليها جاز وبعدين تنشف بفوطة او تسخن العربية والجاز هيطير وبالنسبة للخراطيم لو عليها زيوت او خلافة يفضل فوطة نظيفة وتمسح الخراطيم برفق ودة احسن من المية لان المية بتبوظ الاجزاء المتحركة المكشوفة فى الموتور ودة افضل ما عندى

[خالد]

افضل حاجة من وجهة نظرى تحاول بفرشة زي فرشة الدهانات وتغسل بيها العربية على جسم الموتور دون الحاجة لغسل الخراطيم لان الجاز بيسبب التأكل لكل ما هو مصنوع من الجلد حتى الاطارات تكون حزر وميجيش عليها جاز وبعدين تنشف بفوطة او تسخن العربية والجاز هيطير وبالنسبة للخراطيم لو عليها زيوت او خلافة يفضل فوطة نظيفة وتمسح الخراطيم برفق ودة احسن من المية لان المية بتبوظ الاجزاء المتحركة المكشوفة فى الموتور ودة افضل ما عندى

فكرة هايلة حكاية الفرشاة دى
هاأجربها وشوف النتيجة

[Lion_Heart]

بص انا عملت حركة جديدة
جبت blower جهاز الهواء اللي بنضف بيه الكمبيوتر والاجهزه الكهربائية وجبت زجاجة بلاسيتك واحد ليتر وحطيت فيها جاز وقفلت الغطا بتاعها وخرمته عدة خروم بمسمار وقلبت الزجاجة وهي امام ماسورة البلاور وغسلت بيها الماتور جيدا ثم بالماء لازالة الجاز والنتيجة تماما مثل البنزينة الفرق ضغط الهواء غي البلور اقل من جهاز البنزينة

افضل حاجة من وجهة نظرى تحاول بفرشة زي فرشة الدهانات وتغسل بيها العربية على جسم الموتور دون الحاجة لغسل الخراطيم لان الجاز بيسبب التأكل لكل ما هو مصنوع من الجلد حتى الاطارات تكون حزر وميجيش عليها جاز وبعدين تنشف بفوطة او تسخن العربية والجاز هيطير وبالنسبة للخراطيم لو عليها زيوت او خلافة يفضل فوطة نظيفة وتمسح الخراطيم برفق ودة احسن من المية لان المية بتبوظ الاجزاء المتحركة المكشوفة فى الموتور ودة افضل ما عندى

حلوة الطرق دى الله ينور