استفسارعن الأبواب الشفط

[Ralliart]

مع احترامي لكل من مرسيدس و بي ام دبليو و اودي.موضوع الأبواب الشفط ده ،اول ناس في العالم ابتكروه كان الأميريكان وفي عربيات موديل 90 والماركات اللي فيها الخاصية دي هي:
Lincoln Town Car
Ford Crown Victoria
Cadillac sts-Cadillac cts
وعايز اقول لكم كمان ان مش بس الأبواب الأربعة هي اللي شفط،ده باب الشنطة اللي ورا كمان شفط يعني حضرتك توارب باب الشنطة و هو يقفل لوحده.
الأمريكي لايعلى على صالونه و كمالياته و رفاهيته و محركاته اللي فيها احصنة بالزفة.
بس عيب النظام ده في كل العربيات انه مابيستحملش الرزع وبيتلف علي الفور و في ناس لما بيبوظ منها الجهاز ده بتخلي الباب يقفل بدون تدخل هذا النظام الكهربى.
وطبعا مش حقدر الحق اقول لكل من ركب او خرج من العربية او للناس اللى بتغسل العربية في البنزينة "اقفل الباب بشويش و هو حيكمل قفل لوحده"

فعلاً الامريكاني لا يعلى عليه في الراحه لدرجة ان الواحد ممكن ينام وهو سايق وتحس انك راكب سفينه كبيره وقاعد على مرتبة سرير وجمبك تلاجه وعايش حياتك
بس الميزه هنا ان الالمان حتى لو مش سابقين بالموضوع ده عندهم حتة الدقه المتناهيه والمتانه اللي تخلي النظام ده يعيش لفترات طويله
بس في الامريكي للأسف ابتكارات جامده بس سينسورز في كل حته وكل شويه حاجه تبوظ !!

[د.محمود صلاح]

الإتجاه الامريكي بعد سنين من العربيات الفارهه , للعربيات الصغيرة

[hatem11112000]

كل الاحترام والتقدير للاخوة الزملاء اللى علقوا على الموضوع بس احب اضيف معلومة ان اول من اخترع الباب الشفط هى المرسيدس ونزل مع نزول الشبح سنة 1992 ومش فى كل الموديلات لان فى شبحات مفيهاش شفط ولاحتى طارة كهربا اما الامريكى نزل فيه الشفط شنطة فقط فى اللنكون 1995 اما الفكتوريا اوالميكورى لم ينزل بها شفط حتى يومنا هذا وانا بقول الكلام دة عن تجربة
بالنسبة لطريقة عملة فهى ان فى ماتور فى الشنطة لة خمس فتحات متصلة بخمس ليات للابواب والشنطة تعمل بمجرد وصول الباب الى حد معين من الغلق لان النظام اسمه door closure assist ويمكن فصلة من علبة الفيوزات كمان لو انت ماشى والباب مش مقفول كويس بمجرد ما العربية تتهز شوية وانت ماشى حساس الشفط بيلقط الباب على طول
طبعا الشفط موجود فى اللكزس والبى ام

[ultrasoft]

الناس دى هتعمل ايه بعد كده .. ملهومش حدود يقفوا عندها

[Sameh]

معلومات جميلة وجديدة بجد

[gomangy]

مشكوووووور والله يعطيك الف عافيه

[sameh127]

النظام اسمه soft close door و موجود في العربيات اللي قلتها و مش متعدلة و وواردة من الولايات المتحدة و بتشمل قفل الأبواب الأربعة و الشنطة. انا سقت العربيات دي و كان النظام ده موجود فيها و العزل و التوصيلات الكهربائية باينة انها فابريكة 100% لم تلمسها يد من قبل و مكن الشنطة و الابواب ومسامير الربط عليها شمع الفابريكة مؤكدا عدم فكها او تركيبها الا بواسطة المصنع فقط.
وبرده قلت ان مع احترامي للمرسيدس و البي ام دبليو عايز اقول كلمة
اول عربية اوتوماتيك في العالم كانت امريكية
اول عربية باور ستيرينج في العالم كانت امريكية
اول عربية زجاج كهرباء في العالم كانت امريكية
اول عربية كراسي كهرباء في العالم كانت امريكية
اول عربية مكيفة في العالم كانت امريكية
اول محرك ثمانية سلندر في العالم كان امريكي
اول محرك حقن وقود في العالم كان امريكي
اول اسرع عربية برمائية في العالم كانت امريكية
اول عربية موتور مستعرض وجر امامي في العالم كانت فرنسية
اول عربية نستطيع التحكم في ارتفاعها عن الأرض كانت فرنسية
اول عربية صنعت في العالم كانت المانية
اول عربية اقتصادية في استهلاك الوقود في العالم كانت ايطالية
اخف وزن عربية في العالم كانت يابانية

[hosar]

انا اول مرة اسمع عن الموضوع ده , و شكرا على الفيديو

و الاوبشن ده بصراحة اساسيات مش كماليات , و ربنا يخلي لنا الجمارك و ياخد اللى فى بالى

+111111111111

[hosar]

النظام اسمه soft close door و موجود في العربيات اللي قلتها و مش متعدلة و وواردة من الولايات المتحدة و بتشمل قفل الأبواب الأربعة و الشنطة. انا سقت العربيات دي و كان النظام ده موجود فيها و العزل و التوصيلات الكهربائية باينة انها فابريكة 100% لم تلمسها يد من قبل و مكن الشنطة و الابواب ومسامير الربط عليها شمع الفابريكة مؤكدا عدم فكها او تركيبها الا بواسطة المصنع فقط.
وبرده قلت ان مع احترامي للمرسيدس و البي ام دبليو عايز اقول كلمة
اول عربية اوتوماتيك في العالم كانت امريكية
اول عربية باور ستيرينج في العالم كانت امريكية
اول عربية زجاج كهرباء في العالم كانت امريكية
اول عربية كراسي كهرباء في العالم كانت امريكية
اول عربية مكيفة في العالم كانت امريكية
اول محرك ثمانية سلندر في العالم كان امريكي
اول محرك حقن وقود في العالم كان امريكي
اول اسرع عربية برمائية في العالم كانت امريكية
اول عربية موتور مستعرض وجر امامي في العالم كانت فرنسية
اول عربية نستطيع التحكم في ارتفاعها عن الأرض كانت فرنسية
اول عربية صنعت في العالم كانت المانية
اول عربية اقتصادية في استهلاك الوقود في العالم كانت ايطالية
اخف وزن عربية في العالم كانت يابانية

الف شكر للمعلومات القيمة جدا