بديل للفوطه الزفره

[WalidAdel]

طبعا كل واحد مننا عنده ملمع تابلوه و فوطه بيلمع بيها التابلوه دا
المهم بعد مايخلص تلميع التابلوه بالاسبراي المخصوص ممكن يستخدم الفوطه هيا هيا في تلميع العربيه من بره و هاتبقي كويسه اوي انا من ساعة ماكتشفت الموضوع ده بطلت اطلع الفوطه الزفره خالص و الاهم انها هاتبقي ناعمه علي الصاج و بتخالي العربيه بتلمع و الزجاج بيتلمع برده كويس
انا قولت اقول الموضوع حتي تعم الفائده لاني كنت بلاحظ هنا في المنتدي موضوعات علي الفوطه الزفره و كده بس دي اسهل و عن تجربه بس المهم الفوطه بعد ماتستعملها علي الصاج ماترجعش تستعملها في التابلوه تاني و لما تحس انها بطلت تلمع العربيه بعد مثلا شهر من الاستعمال اليومي ممكن تغسلها كويس و ترجع تستعملها للتبلوه مره و بعدين للصاج بعد كده و هكذا
و ياريت اللي يجرب الموضوع يقول هل نجحت معاه ولا لأ

[abdo_general]

هجربها ان شاء الله ياباشا

بس قولي بقي ايه احسن منظف للطبلوه اشتريه ؟؟

[aymansaad]

شكرا على المعلومة وحجرب

[tananybasha]

thank you sir

[ahmed_khalil]

هجربها ان شاء الله ياباشا

بس قولي بقي ايه احسن منظف للطبلوه اشتريه ؟؟

armor all

[د.محمود صلاح]

أفضل اخليها متسخة من الخارج عشان العين هههههه

شكرا للمعلومة وجار التجربة

[HanyHanyHany]

مشكووووووووووووووووووووور

[Honda_lover]

طبعا كل واحد مننا عنده ملمع تابلوه و فوطه بيلمع بيها التابلوه دا
المهم بعد مايخلص تلميع التابلوه بالاسبراي المخصوص ممكن يستخدم الفوطه هيا هيا في تلميع العربيه من بره و هاتبقي كويسه اوي انا من ساعة ماكتشفت الموضوع ده بطلت اطلع الفوطه الزفره خالص و الاهم انها هاتبقي ناعمه علي الصاج و بتخالي العربيه بتلمع و الزجاج بيتلمع برده كويس
انا قولت اقول الموضوع حتي تعم الفائده لاني كنت بلاحظ هنا في المنتدي موضوعات علي الفوطه الزفره و كده بس دي اسهل و عن تجربه بس المهم الفوطه بعد ماتستعملها علي الصاج ماترجعش تستعملها في التابلوه تاني و لما تحس انها بطلت تلمع العربيه بعد مثلا شهر من الاستعمال اليومي ممكن تغسلها كويس و ترجع تستعملها للتبلوه مره و بعدين للصاج بعد كده و هكذا
و ياريت اللي يجرب الموضوع يقول هل نجحت معاه ولا لأ

مع احترامي لكلام حضرتك دي أكبر غلط علي الدهان انت كده بتحط الملمع بتاع البلاستيك علي الصاج وعند تعرضه للشمس والحرارة لفترة طويلة هتجرب البوهية وده عن تجربة لأنك كده بتعمل علي زيادة حرارة الصاج بوضع الملمع عليه انا معاك انو منظره جميل وشديد اللمعان بس الأضرار بتاعتو أكتر من ايجابياته
* الأفضل انك لما تيجي تغسل العربية وتنضفها كويس انك تحط عليها واكس ملمع وده بيكون متعادل ومخصوص للصاج وبالتالي مش هيمتص الحرارة واضافة علي كده انه لما يلم تراب بفوطة نظيفة جدا تمسحو هيرجع يلمع تاني زي متكون غاسل العربية ومدته علي العربية شهر تقريبا يعني كده انت هتحمي البوهية بتاعتك وفي نفس الوقت هتقلل عدد الغسلات يعني لو هتغسل كل اسبوع كده انت هتغسل كل شهر وده افضل للعربية عشان المية والبرومة وكده العمر الافتراضي لصاج العربية يكون أكبر ولك مني كل احترام وتقدير.

[Honda_lover]

بس قولي بقي ايه احسن منظف للطبلوه اشتريه ؟؟

بالنسبة لأفضل حاجة تلمع بيها الطبلوه هي الفازلين ايوة الفازلين الطبي اللي بتباع في الصيدليات عشان الملمع مع تعرضه للشمس والحرارة بيشقق الطبلوه عكس الفازلين فهو مادة متعادلة وبيعمل علي ترطيب الطبلوه والشمس متأثرش فيه

[Dr_AHMAD]

بالنسبة لأفضل حاجة تلمع بيها الطبلوه هي الفازلين ايوة الفازلين الطبي اللي بتباع في الصيدليات عشان الملمع مع تعرضه للشمس والحرارة بيشقق الطبلوه عكس الفازلين فهو مادة متعادلة وبيعمل علي ترطيب الطبلوه والشمس متأثرش فيه

بالنسبة للفازلين انا جربت ادهن خدش بالفازلين علشان الصدا بس لما فرد على الصاج مسحتو بفوطة والمفاجأة اني حسيت انو خلا الصاج متلمع وشكلو حلو
والسؤال هو يفرق ايه الفازلين الطبي عن الواكس؟

[sameh127]

تابلوه العربيات الحديثة الصنع مصنوع من مادة البولي كربونات المغطية لمادة البولي بروبيلين المكونة لجسم التابلوه.لغرض تلاشي التشقق و خفة الوزن المساعد علي توفير الوقود و حماية جسم الركاب في حالة حدوث حادث جسيم و ارتطام الركاب بالتابلوه فيعمل علي امتصاص الصدمة و منع كسر العظام وتقليل كمية الإرتجاج في المخ قدر الإمكان و في اسواء الأحوال يتعرض التابلوه للكسر لقطع بلاستيكية مكسية بالمطاط وناعمة الحواف قبل كسر كل عظام الركاب الأماميين او إحداث قطع في الجلد بسبب حدة الحواف وتقليل كمية وشدة الكدمات بواسطة مرونة سطح التابلوه"بولي كربونات تشبه السيليكون في المرونة و المطاطية"
العربيات القديمة كان التابلوه فيها مصنوع من مادة الحديد او الخشب بكاقة انواعه او البلاستيك او الجلد الصناعي و القليل منه كان من الجلد الطبيعي ككساء علشان كده تابلوهات زمان كان شهير عنها التشقق بسبب تعرضها لأشعة الشمس و بالأخص اشعة جاما "المشئول الأساسي للتشقق وبهتان اللون" وارتفاع حرارة التابلوه بسبب تعرضه للأشعة تحت الحمراء من الشمس وتختلف مدة الإحتفاظ بسخونة التابلوه على حسب مادة التابلوه.
المادة المكونة لطلاء السيارة هي بولي اكريلات"اكريليك"او الدوكو او البودرة المنصهرة +اضافات اخرى. هذه المواد لها قدرة عالية على الإحتفاظ باللون و مقاومة التشقق"عند التعرض للشمس" ومقاومة الخدش البسيط و حماية الصاج من الصدأ.
الشئ الوحيد اللي بيخليها تكرمش و تجرب ،انك تغسل جسم العربية في الظل بالبنزينة و بعد كده تروح تركن العربية في الشمس المباشرة و تسيبها تنشف. الصاج بيسخن جامد مع التعرض للشمس و البوية سطحها السفلي متمدد بسبب السخونة. وسطحها العلوي الخارجي لها بارد جدا علشان المية مغطياه و مبرداه وتأخذ حرارته و تتبخروتتركه بارد فينكمش السطح الخارجي للبويه"و في نفس الوقت السطح السفلي متمدد فيزيد الكرمشة للبوية" وبعد كده اشعة الشمس تهدأ اخر النهار وتترك البوية تبرد محتفظة بالتشوه و الكرمشة اللى حصلت فيها وتبقي البوية علي هذا الشكل دائما الي ان تشيلها و تطلي الصاج مرة اخرى.

حل كل ده ان بعد غسيل جسم العربية في البنزينة تأكد من مسح المية من على كل الصاج المغطي للعربية جيدا وتبقى ناشفة.بعد كده اركنها في الشمس زي ما انت عاوز.
بهتان لون الدوكو بسبب اشعة جاما اللي في ضوءالشمس الحارق"ظهر-عصر" وليس الضوء العادي"فجر-صبح-مغرب"
وحله انك تركنها في مكان به ضوء ليس مباشر او انك تغطيها.

[د.محمود صلاح]

وتوجد ايضا مساحة اتربة متزفرة منها فيها لها ممسكة يد وفرشتها مشرشبة تفريبا تمنها 20 ج

شبه دى بس لها يد

[HRH_Sameh]

شكرا sameh127
ع المعلومات القيمة
وعاشت الاسامي :)

[auto5truck]

شكراً للمعلومة دى يا باشا

[WalidAdel]

شكرا لكل الردو
و عموما الفوطه دي انا بستخدمها بقالي اسبوع و كويسه و مخليه العربيه بتلمع شكر خاص للاستاذ Sameh127