ايه معنى الكلام ده ؟؟؟

[ma2sood]

معلش يا جماعه كان عندي سؤال مهم اوي بالنسبه ليا عشان لما رحت للميكانيكي سمعته بيقول الكلام ده لزبون ومكنتش فاهم اي حاجه
ايه هيأتياش الدركسيون والركب و شمعدان العجل
واستخدامتها واماكنها في العربيه بس ياريت شرح مفصل لو سمحتوا
ومعلش بقى هتعبكوا معايا

[alhourriah]

متابع باهتمام

[sab3aawy]

1- اتياش الديريكسيون ، كلمة جمع مفردها تيش ، وكلمة تيش هى الكلمة المتدوالة فى اوساط الفنيين فى مصر للتعبير عما نسميه بالفصحى (شداد) او بالانجليزى connecting rod او tension rod ، وهما ذراعين من المعدن كل واحد منها موجود فى احدى نهايتى علبة الديريكسيون ويكون مسئولا عن ربط العلبة بالعجلة الموجوده على ناحيته ونقل الحركة من علبة الديريكسيون الى العجلة وبالتالى التحكم فى الانحراف بالسيارة يمينا او يسارا ، يعنى فيه تيش يمين وتيش شمال، وتيش الديريكسيون هو القطعة التى يتم من خلالها ظبط الزوايا حيث انه يكون مركبا من قطعتين احداهما مربوطة داخل الاخرى بقلاووظ ، من خلال لف احدى القطعتين بمفتاح الربط يقصر طول التيش او يزيد بسبب حركة احدى القطعتين بالنسبة للأخرى من خلال القلاووظ ، وهو ما يستخدم لضبط زوايا السيارة

2- شمعدان العجل: العجلات الأمامية (والخلفية ايضا) تكون مركبة على قطعة معدنية شكلها يذكرنى الى حد ما بالأخطبوط أو بخلية الأميبا بسبب تعدد الزوائد الخارجة منها، هذة القطعة المعدنية تعمل كقاعدة تثبيت بليه العجلة (البلية او الرولمان بلى هى قطعة تستخدم لتثبيت عضو دوار على عضو ثابيت وتكون مكونة من غويشة خارجية وغويشة داخلية بينهما مجموعة من كرات الصلب مسموح لها بالدوران بين الغويشتين ، تدور الغويشة الداخلية مع العضو الدوار المثبت فيها وتبقى الغويشة خارجية ثابتة مع العضو الثابت المثبتة فيه وتدور الكرات بينهما بسرعة نسبية مما ينفى وجود اى احتكاك بين اجزائها او بينها وبين كلا العضوين الدوار والثابتة وبالتالى ينفى حدوث تآكل فى نقطة التثبيت، وهى تستخدم فى معظم تطبيقات تثبيت العجلات والمحركات الكهربية وصناديق التروس...الخ)، تكون العجلة مثبتة بواسطة البليه على هذة القاعدة الاخطبوطية ، وهى بدورها التى يتم ربط كل قطع التعليق (العفشة ) فيها لكى تصل العجلة بالسيارة ، فيما معناه انها تكو مربوطة بالمساعدين والسوستة من خلال طرفها العلوى، وتكون مرتبطة بالمقص(قضيب ضبط توجيه السيارة) من خلال زائدة جانبية، وتكون مرتبطة بتيش الدريركسيون من خلال زائدة اخرى، ويتم تركيب طنايير الفرامل وتيل الفرامل عليها ،وفى بعص التصميمات يمكن ات تكون مرتبطة بميزان السيارة(قضيب منع الانقلاب) وفى تصميمات اخرى يكون الميزان مرتبط بالمقص، هذة الكتلة المعدنية الأخطبوطية تسمى الشمعدان، غير ان بعض الصنايعية يطلق الأسم عليها ومعها المساعد والسوستة والبطاحة (وفى هذة الحالة يكون بيرسم على ان يبيع لك او يشترى لك من عند تاجر معرفة المجموعة كاملة استيراد، وهو ما لا انصح به)

2- الركب: مسمى يختلف من سيارة لسيارة بحسب تصميمها لكن كل صنايعى دائما ما يجد له (ركب ) ما فى كل سيارة يقوم باصاحلاها، احيانا هى قطعة من الصاج تربط المدافع(قضيبين الشاسيه ) بقنطرة السيارة(قطعة من الشاسيه تمثل الواجهة الأمامية العرضية للشاسيه)، واحيانا هى قطع ربط الميزان واحيانا هى نقط تثبيت شدادات العفشة لو كانت السياةر مزودة بهذة الشدادات

[alhourriah]

حتفضل الأستاذ دايما يا سبعاوي....
مبروك على جمال الموقع ... ربنا يوفقك

[ultrasoft]

تسلم يا ابو السباع .. استاااااااااذ

[ma2sood]

الف شكر يا استاذ سبعاوي

[Moh.Fahmy]

ايوه كده عود الي امجادك سبعاوي باشا و الابداعات بتاعت زمان دي


محمد فهمي

[tananybasha]

تسلم يا خالد باشا
و البقاء لله

[د.محمود صلاح]

الف شكر باشمهندس خالد على المعونة

[aymansaad]

تسلم يا باشمهندس

[N.a.j.d]

تسلم ياباشا والبقاء لله

[Sameh]

بشمهندس خالد ماشاء الله على التألق ، بجد شرح مفيد جدا وكل كلمة بحساب

[ابو حسين]

تسلم ياباشا
والبقاء لله

[Honda_lover]

تسلم ياباشا