الطريقه الصحيحه لغسيل عربيتك

[bassemali]

يا بشمهندس متخليش في نفسك حاجه
أطلع ع الصحراوي وقدام أي محطة بنزين وإديها غسيل يا معلم وشمر وأعمل كل اللي أنت عايزه

[اسلام المصرى]

شكرا

جزاك الله خيرا يا أوسكار :)
شكرا جزيلا على موضوعك المفيد و مجهودك :)
الله ينور.

[sokasoon]

شكراااا على النصائح ولاكن انا قبل ما امشى بالسيارة بدور العربية وبجيب فوطة واطير

التراب الناعم اللى عليها لان مش عندى هواء مضغوط اشيلو بيه ولو استنيت الاسبوع

علشان اغسلها فى بنزينة العربية هتبقا مغمورة تراب نظرااا للاتربة اللى فى الجو

ياترى هناك حل اخر مافيش حاجة غير الفوطة ممكن اشيل بيها التراب من غير ما يبوظ الدهان

[zeyad1810]

يوم الجمعه قبل الصلاه بتصحى بدري عشان تغسل عربيتك و بتكون واقف في الشارع في حالك يقوم يعدي جنبك واحد معرفه أو من الجيران وأنت تغسل العربيه ويقولك يا راجل تنظيف السيارة بعشرة جنيه في اي بنزينه على ايه التعب ، تقوم انت زي الباشا تودي العربيه هناك و لو تعرف اللي هيحصل فيها كنت سبتها بواسختها احسن
والسبب أن الذين يقومون بتنظيف السيارات في الورش والمحطات ومن خلال ملاحظاتي المتكررة وتجاربي العديدة يشوهون وجه طلاء السيارة بشكل يلفت النظر لأنهم يقومون بالمسح على الطلاء وعليه ذرات التراب التي تخدش الطلاء بالإضافة إلى عدم اهتمامهم بتنظيف قطع القماش أو الفوطه او الجلد الذي يقومون بالتمسيح بالإضافة إلى استخدامهم أردى أنواع الشامبو للغسيل فأنت ترى السيارة وهي نظيفة ولكن ليست بدرجة النظافة المطلوبة ولعلمك فأنت تخسر ما لا يقل عن 2% إن لم يكن أكثر من لمعان السيارة في كل مرة تقوم بها
في التنظيف الخارجي لعدد من العوامل ذكرتها سابقاً ألخصها فيما يلي :

1 : عدم أهلية من يقوم بالغسل
2 : تمسيح السياره وعليها ذرات الغبار
3 : وساخة قطع القماش او الفوطة التي يتم بها التمسيح

أخي صاحب السيارة :

إليك هذه النصائح يجب أن تتقيد بها عند تنظيف السيارة لتمتع ناظريك ببريق لونها الجميل بعد كل تنظيف ، فإن لم تستطع فعلها بنفسك فوض من يقوم بتنظيف سيارتك بالتقيد بها حتى ولو زادت الأجرة وهي :

1 : انفخ السيارة من الداخل والخارج بالهواء القوي لإزالة الغبار والأتربة عن السيارة.
2 : اغسل السيارة بالماء النقي ( ولا تسرف أن الله لا يحب المسرفين ) وفيه أجهزة مضخات في السوق لهذا الغرض وهي قوية الدفع بالماء المخلوط بالهواء وممكن جالون واحد ماء يغسل السيارة كلها.
3 : أغسل السيارة بقطعة إسفنج بالشامبو المخصص وأحسن شامبو جربته هو الشامبو (المخصص لغسيل السجاد ).
4 : أغسل آثار الشامبو بالماء النقي ودعها حتى تجف قليلاً.
5 : امسح السيارة بفوطة أو قطعة جلد ( نظيفة جداً ) بعد تليينها بالماء.
6 : امسح السيارة من الداخل بفوطة نظيفة جداً وكلما اتسخت الفوطة أغسلها وكرر العملية .
7 : نظف أبواب السيارة من الداخل ( والكفرات من الخارج ) وأستخدم لذلك مادة تلميع للجلد او الموبيليا .
8 : استخدم منظف الزجاج لتلميع الزجاج من الداخل والخارج والمرايا .
9 : نظف فرش أرضيات السيارة من بقايا الغبار بعيداً عن السيارة أو أغسلها بالماء في حال تطلب الأمر ذلك .
بعد ذلك رش داخل السيارة قليلاً من المعطر او الكولونيا وأقفل أبواب السيارة قليلاً من الوقت حتى تتغير رائحة جو السيارة الداخلي .
بعد ذلك ستستمتع بقيادة السيارة وهي في قمة لمعانها منتشياً رائحتها الزكية وكأنك في غابة من الورود والزهور .

اية الحلاوة دى اللة ينور

[Ahmed Samy]

يااااااااه
فكرتني بأيام زمان
كنت كل يوم جمعة أفتح الجراج و أطلع العربية و أغسلها و أحمي (جاك) الكلب الجميل بتاعي .
و الله أحلى أيام وأبويا كان يتفرج عليا من البلكونة و يقوللي : تحت الرفرف , ورا شوية , انجز يا دكتور .
و كنت لما انشفها , يقوللي ألف مبروك , ياللا قدامك اسبوع يادوب تلحق توسخها تاني فيه

الله يرحمك يا أبويا يا حبيبي

[ASD peugeot]

شكرا ليك
بس يا ريت تكتب اسم الشامبو و ليه قطعه اسفنج بدل قطعه قماش و ايه اسم منظف الزجاج

[tmz9111]

جزاك الله خيرا

[sss]

جزاكم الله خيرا

[Noha.M]

يا سلام على النضااااااااااافة :)

بجد نفسي اعمل كدة انا كمان :(

ربنا يتوب علينا من اصحاااااب الفوووطة الصفراا و الفوووطة اللى فيها جاز :(

[abo_lamar]

معاك حق - بس الصراحة الواحد أستحالة ينزل ينضف العربية بنفسة - شكلها هيبقى بايخ

ليه يا عم ايه المشكلة محدش ليه عندنا حاجة

[egyptianmafia]

DO NOT WASH YOUR CAR WITH DISH SOAP (FAIRY, ETC.....)

you will make your paint not shiny anymore and ruin the color!!!!!!!!!!

[HeMa_LanCeR]

انا باردو علي قد ما بغسل العربيه في ابنزينه
مش بحس انها نضيفه غير لما انضفها بنفسي
وعلي فكره انا بستخدم شامبو شعر عادي
وبغسل بيه الفرش بتاع الكراسي وكمان العربيه نفسها وبصراحه بيكون ممتاز

[barbekano]

طيب يا باشمهندس اوسكار معلش فى استفسار ... انا ربنا كرمنى بعربيه مستعملة
وفيها موضوع الخرابيش الناتجه من ذرات الرمل اللى انت قولت عليها .. ومش عارف هيكون ايه حل الموضوع ده !!!

[A.Saad]

انا باردو علي قد ما بغسل العربيه في ابنزينه
مش بحس انها نضيفه غير لما انضفها بنفسي
وعلي فكره انا بستخدم شامبو شعر عادي
وبغسل بيه الفرش بتاع الكراسي وكمان العربيه نفسها وبصراحه بيكون ممتاز

[glint]
الافضل تغسل بشامبو اطفال
او شامبو غسيل سيارات
ممكن تجرب نوع زى رابيدو
مش غالى وكويس

الشامبو العادى بيأثر على الدهان
[/glint]

[eslam_wega]

طيب يا جماعة بالنسبة للغسيل العربية من تحت يعنى العفشة وكدا بيكون ازى يعنى اية الصح فى الموضوع دة ؟
وعندنا كل يوم الصبح البواب بيغسل العربية بشوية مياة وفوطة ويفضل يدعك هل دة صح ولا لازم الاول يشيل الاتربة ؟