Tweet
العربية عملتها معايا!
العربية عملتها معايا 
وانا ماشي ببص علي العدادات الاقيلكو امبير الحرارة علي 130
ادعك في عيني وابص كويس يمكن بيتهيألي
اكيد بيتهيألي
لا فعلا 130 ومعدية الخط الاحمر بكتييييييير
طيب مفيش لمبة نورت في التابلوه(كانت بتسخن مننا قبل كده بس كان فيها alarm بيطلع )
المهم ركنت علي جنب والاقيلكم الافيز بتاع خرطوم الرادياتير مصدي وحالته صعبة ومش ماسك الخرطوم كويس
المهم زودت ميه وسألت علي ورشة رادياتير طلع فيه ورشة جنبي وحكيتله القصة فك الرادياتير وغسله غسلة كويسة واشتريتله كام افيز جداد وغير خرطوم كان متشقق وركب يا عم وحاسبته
مفيش كيلو وانا قصاد معهد الاورام الاقيلكو العربية بترجرح جامد ودخان من الكبوت اديت اشارة يمين وواحدة واحدة وطبعا اللي ورايا مش راحمني كلاكسات وانوار
فتحت الكبوت واذا بالافيز الجديد اللي الاخ مركبه مش متقرط عليه كويس والخرطوم فاكك ومفيش ولا نقطة ميه في الرادياتير
ربنا رزقني بميكانيكي جابلي ميه وقرط علي الافيز كويس وندور ما بتلقطش
فك الاسبراتير واذا بالابلاتين والكوندسر محروقين وغيرهم والحمد لله اشتغلت تمام
بيني وبينكم قلت ده وش سلندر بس ربنا ستر الحمد لله
الدروس اللي انا شخصيا استفدتها من الموضوع ده
1-راجع علي الصنايعي كويس ممكن حركة استسهال زي عدم التقريط علي الافيز تسببلك مشاكل انت في غني عنها.
2-لازم يبقي فيه شنطة عدة في العربية(مفاتيح انجليزي-مفتاح عادة وصليبة-شريط لحام-سلك كهربا الخ).
3-الميه والميه ثم المياه:
للاسف كنت في مشوار قبليها وكنت مفضي الشنطة اللي ورا وشلت ازايز الميه والعدة.gif "Majd(4)")
4- اعمل حسابك لازم يكون معاك فلوس في اي مشوار انت نازله خصوصا لو نازل بالعربية بالليل.
5-لازم تحط نمر الميكانيكية اللي بتتعامل معاهم علي موبايلك حتي لو في مكان بعيد ممكن تسأله تتصرف ازاي.
6-برضه يكون معاك نمر تليفونات شركات انقاذ عربيات ممكن تعملها معاك في حتة مقطوعة لا قدر الله.
7-لازم يكون معاك كشاف في العربية .
8-في الاخر قول الحمد لله علي اي طاريء يحصلك وقدر الله وماشاء فعل.
اتمني الاعضاء يستفيدوا من المشكلة اللي حصلتلي دي والوقاية خير من العلاج وربنا يستر طريقنا وطريقكم ويكفينا شر الاعطال.
وانا ماشي ببص علي العدادات الاقيلكو امبير الحرارة علي 130
ادعك في عيني وابص كويس يمكن بيتهيألي
اكيد بيتهيألي
لا فعلا 130 ومعدية الخط الاحمر بكتييييييير
طيب مفيش لمبة نورت في التابلوه(كانت بتسخن مننا قبل كده بس كان فيها alarm بيطلع )
المهم ركنت علي جنب والاقيلكم الافيز بتاع خرطوم الرادياتير مصدي وحالته صعبة ومش ماسك الخرطوم كويس
المهم زودت ميه وسألت علي ورشة رادياتير طلع فيه ورشة جنبي وحكيتله القصة فك الرادياتير وغسله غسلة كويسة واشتريتله كام افيز جداد وغير خرطوم كان متشقق وركب يا عم وحاسبته
مفيش كيلو وانا قصاد معهد الاورام الاقيلكو العربية بترجرح جامد ودخان من الكبوت اديت اشارة يمين وواحدة واحدة وطبعا اللي ورايا مش راحمني كلاكسات وانوار
فتحت الكبوت واذا بالافيز الجديد اللي الاخ مركبه مش متقرط عليه كويس والخرطوم فاكك ومفيش ولا نقطة ميه في الرادياتير
ربنا رزقني بميكانيكي جابلي ميه وقرط علي الافيز كويس وندور ما بتلقطش
فك الاسبراتير واذا بالابلاتين والكوندسر محروقين وغيرهم والحمد لله اشتغلت تمام
بيني وبينكم قلت ده وش سلندر بس ربنا ستر الحمد لله
الدروس اللي انا شخصيا استفدتها من الموضوع ده
1-راجع علي الصنايعي كويس ممكن حركة استسهال زي عدم التقريط علي الافيز تسببلك مشاكل انت في غني عنها.
2-لازم يبقي فيه شنطة عدة في العربية(مفاتيح انجليزي-مفتاح عادة وصليبة-شريط لحام-سلك كهربا الخ).
3-الميه والميه ثم المياه:
للاسف كنت في مشوار قبليها وكنت مفضي الشنطة اللي ورا وشلت ازايز الميه والعدة
4- اعمل حسابك لازم يكون معاك فلوس في اي مشوار انت نازله خصوصا لو نازل بالعربية بالليل.
5-لازم تحط نمر الميكانيكية اللي بتتعامل معاهم علي موبايلك حتي لو في مكان بعيد ممكن تسأله تتصرف ازاي.
6-برضه يكون معاك نمر تليفونات شركات انقاذ عربيات ممكن تعملها معاك في حتة مقطوعة لا قدر الله.
7-لازم يكون معاك كشاف في العربية .
8-في الاخر قول الحمد لله علي اي طاريء يحصلك وقدر الله وماشاء فعل.
اتمني الاعضاء يستفيدوا من المشكلة اللي حصلتلي دي والوقاية خير من العلاج وربنا يستر طريقنا وطريقكم ويكفينا شر الاعطال.
Comment