الي عايز يعرف عن ال abs

[ramyar]

في الاول حبيت اقلكم اني كان عندي خلفيه بسيطه عن ال abs ولما استلمت بيرسونتي مكنتش عارف الabs بيشتغل ازاي لغايه ما الاخوه الكرام ساعدوني وقالولي
المهم انا جربته زي ما قالولي علي ارض فيها رمل وبسرعه 65 كم المهم حسيت اني في بلاد العجائب الحمد لله
ومن ساعتها وانا عمال ابحث عن الموضوع ده لغايه ما لقيت شويه المعلومات دي قلت اشارككم المعرفه

نتكلم معكم اليوم عن الفرامل الغير قابله للانزلاق او غير قابله للاغلاق

Abs
و المقصود من هذا النظام هو تلاشي ملاحظات العلماء المتخصصين في الديناميكا و الميكانيكا من عدة دراسات في الامن و السلامة من حيث ان ضرب الفرامل مرة وحده يسبب انزلاق كبير الاطار وياخذ وقت كبير حتى تقف السيارة في الوقت المحدد مما يسفر عن وقوع كوارث كثيره من خلال زحف السيارة بضع انشات من الارض
وتاتي الفكرة بان تكون هناك ضربات للفرامل متكررة متتابعة

وهذا يستحيل على الانسان ان يفعله في وقت الطوارئ حيث يكون بديهيا يضرب الفرامل مرة واحدة و باقصى قوة لدية لانه على يقين ان هذا هو الحل الامثل ولكن الديناميكا ليس هو الحل الامثل بطبع بل ترك فترات قصيره جدا تعطي مفعول اكبر وتوقف اشد للفرامل
وهذه هي الفكرة العامة للفرامل
ABS

يا تري في ايه في الجهاز الــــABS

يوجد حساس سرعات +مضخة+صمامات+ممنظم



حساس السرعات

لابد من وجود طريقة لمعرفة متى تحتاج الى مضاد الفرامل وعلى اي سرعة وعلى اي من الاطارات وكل ماذكرناه هو وظيفة هذا الجهاز


الصمامات

هناك خط انابيب لكل فرامل الاربع وهناك ثلاث حالات للصمام


الاولى

هي عندما يكون الصمام مفتوح ياتي الضغط من خزان الفرامل الرئيسية وهو الماستر سلندر


الثاني

عندما يقفل الصمام
يقفل الخط ويفصل الفرامل من الماستر سلندر وتلاشي الضعط الزايد من دعس دواسة الفرامل

ثالثا

تحرر الصمام من ضغط اللمضخة
منذ ان حرر الصمام يساعد في عوده الضغط او خروجه

التحكم

هو قطعه الحاسوب الموجوده في السيارة وهي بمثابة الحساس للسرعة و الكنترول في الصمامات

طبعا هذا شرح مبسط لتركيبة معقده وبها بعض الاكترونات ولكن هذه الفكرة بشكل عام ومبسط ارجوا ان نتال استحسانكم و لكم مني اجمل تحية

[مصطفى_صديق]

تسلم الايادى...........شكرا على الشرح

[ahmedyehia515]

أنا بس كنت عايز أضيف حاجة للشرح اتلوافى ده.

1- المشكلة الأساسية مع الفرامل العادية مش موضوع ان الكاوتش يتزحلق عشان ان الكاوتش يتزحلق فى حد ذاته يعتبر حاجة كويسة عشان الاحتكاك الكبير بين الأرض و الكاوتش حيخلى العربية تقف فى وقت و مسافة قليلة أوى. بس المشكلة انو اثناء الزحلقة ده مبيكونش فى سيطرة على العربية خالص, يعنى العربية ماشية بالقصور الذاتى و محاولة تحريك الدركسيون مش حتفيد فى أى حاجة, بس فى حالة الABS الكاوتش مبيتزحلقش عشان كده بيكون فى سيطرة على العربية.

2- العيب الوحيد فى نظام الABS انو وقت و مسافة التوقف أكبر من الفرامل العادية يعنى لو انت ماشى على 100 و ضربت الفرامل على الآخر الABS حيحتاج مثلاً 4 متر عشان العربية تقف خالص فى حين العادى بيحتاج 3.7م . بس الفرق ال 30سم ده بإفتراض انو الأرض جافة و أسفلت بس طبعاً لو فى رمل أو ماء أو ثلج الموضوع حيختلف تماماً و حيكون فى صالح الABS و حتى على الأرض الجافة، الabs بيحتاج 30 سم عشان يوقف العربية بس على الأقل بتبقى العربية تحت السيطرة فى الفترة ده و أكيد ده أهم حاجة فى الموضوع.

[Osama.shihata]

معلومات جميلة وقيمة عن ال ABS
ان كمان عايز اضيف معلومة صغيرة
ان ال abs ليه تاثير نفسى كبير جدا لدى سائق المركبة علشان لو تعرض لاى خطر مفاجئ وداس بكل قوته على الفرامل الفرامل بتوقف المركبة بدون اى حدوث لاصوات احتكاك الكوتش مع الاسفلت وده مهم جدا لانه بيديله جزء من الثقة فى التوقف السريع بدون اضرار و على العكس الفرامل بدون ال abs بتخلى صوت الاحتكاك ده عالى جدا وبيؤثر بالسلب على نفسية السائق ويخيل له بخضة الصوت انه خلاص هيعمل الحدثة لا محالة ، عافانا الله واياكم من مخاطر الطريق

[ramyar]

حبيبي ماتنساش ان ال abs بيوزع قوه الفرامل علي كل عجله علي قدر الاحتيلج يعني لو في عجله تحتها ماء او زيت او رمل اي حاجه الجهاز بيزود الفرمله علي باقي العجلات

[Osama.shihata]

حبيبي ماتنساش ان ال abs بيوزع قوه الفرامل علي كل عجله علي قدر الاحتيلج يعني لو في عجله تحتها ماء او زيت او رمل اي حاجه الجهاز بيزود الفرمله علي باقي العجلات

لا يارامى - فقط للتوضيح

دى مش وظيفة ال abs
دى وظيفة ال ebd
هو المسئول فقط عن توزيع قوة الفرملة على العجلات
ال EBD ..
وهي اختصار لـ Electronic Brake force Distribution وهي خاصية توزيع ضغط الفرملة حسب حاجة كل اطار وتفيد في عدم خروج السيارة عن مسارها بالنظر خلال الوزن القابع فوق كل كفر ومعرفة الجهد اللازم التوقف بالاخذ بالاعتبار السطوح التي يمشي فوقها كل كفر

[brashy101]

ما شاء الله عليكوا ...موضوع جامد...
وليا استفسار بخصوص EBD فايدته العمليه تظهر امتي ؟؟؟
يعني مثلا abs زي ما قلتوا ممكن اوجه العربيه بالدركسيون اثناء استخدام الفرامل .
ebd تظهر فايدته امتي ؟؟؟؟؟
وabs يشتغل امتي علي سرعه كام ؟؟؟؟؟؟
شكرا ليكوااااااااا

[ramyar]

ما شاء الله عليكوا ...موضوع جامد...
وليا استفسار بخصوص ebd فايدته العمليه تظهر امتي ؟؟؟
يعني مثلا abs زي ما قلتوا ممكن اوجه العربيه بالدركسيون اثناء استخدام الفرامل .
ebd تظهر فايدته امتي ؟؟؟؟؟
وabs يشتغل امتي علي سرعه كام ؟؟؟؟؟؟
شكرا ليكوااااااااا

اهتقد بعد ال 40 ممكن تتاكد من الكتالوج لاني مش فاكر

[ramyar]

لا يارامى - فقط للتوضيح

دى مش وظيفة ال abs
دى وظيفة ال ebd
هو المسئول فقط عن توزيع قوة الفرملة على العجلات
ال EBD ..
وهي اختصار لـ Electronic Brake force Distribution وهي خاصية توزيع ضغط الفرملة حسب حاجة كل اطار وتفيد في عدم خروج السيارة عن مسارها بالنظر خلال الوزن القابع فوق كل كفر ومعرفة الجهد اللازم التوقف بالاخذ بالاعتبار السطوح التي يمشي فوقها كل كفر

شكرا للنوضيح يا سعاده الباشا ربنا يخليك لينا

[ahmedyehia515]

ما شاء الله عليكوا ...موضوع جامد...
وليا استفسار بخصوص ebd فايدته العمليه تظهر امتي ؟؟؟
يعني مثلا abs زي ما قلتوا ممكن اوجه العربيه بالدركسيون اثناء استخدام الفرامل .
Ebd تظهر فايدته امتي ؟؟؟؟؟
وabs يشتغل امتي علي سرعه كام ؟؟؟؟؟؟
شكرا ليكوااااااااا

ال ebd فايدته بتظهر لما كاوتش أو اكتر يكون تحته رمل أو ماء أو حتر زيت اثناء الفرملة، فى حالة الفرامل العادية الكاوتش ده حيتزحلق و مش حيفرمل زى الباقيين و حيخلى العربية تعوم. بس الebd بيفرمل كل كاوتش على حده على حسب نوع المشكلة فى الكاوتش ده

هو البداية كانت الabs وبعدين جه الebd و بعجين ال esp . ال esp هو اللى بيعدل العربية لو انت ماشى بسرعة كبيرة و بعدين كسرت الدركسيون بسرعة لأى سبب من الأسباب. من نفسه بيفرمل كلوتش معين على حسب اتجاه التعويم بحيث يرجع العربية لمسارها لطبيعى من غير ما يوقف العربية, يعنى لو العربية عومت منك على 160 و الesp اشتغل حتلاقى سرعة العربية هديت ل 140 مثلاُ و بجد عن تجربة الesp زى السحر. كنت بجربه فى عربية جولف ، بجرى فى الرمل على 100 و أكسر الدركسيون مره واحدة ألاقى العربية مش بتعوم أبداً و من غير ما تسمع اى صوت ولا حاجة بس لمبة صغيرة بتنور فى التابلوه

[DR_EMAD]

إيه المواضيع الجامدة دى يا رامى باشا .... كاوتش و abs

10 على 10
شكرا جزيلا

[ramyar]

عشان يا دكتور نبقي راكبين عربيات وعلي الاقل عارفين الانظمه بتاعتها بتشتغل ازاي واحنا في الخدمه

[aboezz44]

بارك الله فيكم على هذه المعلومات القيمة
وربنا يسترها ومانتحوجش لحاجه منهم
بس والله لو احنا عندنا حكومه محترمة بتخاف على حياة مواطنيها تمنع اى عربيه جديده تتباع فى مصر من غير مايكون فيها مواصفات الأمان دى بالأضافه طبعا للأيرباج وتكون اختبارات السلامه بتاعت العربيه دى مطابقه للمواصفات القياسيه العالميه مش المواصفات المهلبيه
وربنا يسترها

[solyahmed]

بس ال abs في الجين2 له طريقه اخرى لكي يعمل

[ramyar]

نفس المضوع علي سرعه فوق ال 45 وفي مكان في رمل ودوس فرامل بس جامد شويه هتلاقي الدواسه عملت صوت وتحس ان الدواسه بتتحرك وهتلاقي العربيه كلبشت في الارض مع العلم ان انتا مش هتحس باي حاجه في عربيات تاني لما تدو فرامل تلاقي العربيه كفت من قدام