ماهو الفرق بين الفتيس العادي والستبترونك !!

[snakeson2]

السلام عليكم ورحمة الله وبركاتة

ارجو توضيح الفرق بين الفتيس العادي والجديد خصوصا لاني داخل في عربية بي ام 318 موديل 2000 بس الفتيس القديم . فهل يفرق حاجة عن الجديد؟
من ناحية الصيانة والعمر والمشاكل مع العلم اني من هواة المانوال .
شكرا وارجو الافادة

[د.محمود صلاح]

ياريت تحط مشاركتك فى قسم البي ام لأن هناك خبراء فى الموضوع ده ,

الستبترونك عموما هو عبارة عن اوتوماتيك عادى , ولو حبيت تنقل مايوال يوجد خانة لذلك فى الفتيس بتحط عصاية الفتيس فيها وبتغير الغيار ( بدون دبرياج طبعا ) بتحريك الفتيس للأمام + أو للخلف -

[bmya]

ياريت تحط مشاركتك فى قسم البي ام لأن هناك خبراء فى الموضوع ده ,

الستبترونك عموما هو عبارة عن اوتوماتيك عادى , ولو حبيت تنقل مايوال يوجد خانة لذلك فى الفتيس بتحط عصاية الفتيس فيها وبتغير الغيار ( بدون دبرياج طبعا ) بتحريك الفتيس للأمام + أو للخلف -

كلام سليم
لكن مش بيدي نفس قوه و اداء المانوال برده على فكره وبرده بيكون 4 نقلات فقط يعني من الاخر الستيبترونيك الشعبي (اللي هو موجود في معظم العربيات دلوقتي من صيني لكوري لياباني) زي الاتوماتيك العادي اللي فيه النقلات الزياده اياها ( L 2 3+D)
يعني ال+و- تعويضا للنقلات دي وبشكل حديث شويه لكن نفس الاداء وانا مجرب الاستيبترونيك في السيراتو وهو نفس الاحساس لو مشيت على النقلات اللي موجوده في الاتوماتيك العادي زي الصني مثلا مجرد شكل حديث للنقلات دي زي ما في عربيات فيها زرار زياده اسمه over drive off وظيفته يخلي العربيه على التالت فقط وبيكون مفيش النقله الd3 وهو هو نفس الوظيفه بس برده شكل احدث واحسن (ده اعتقادي وبناء على تجربه للسيراتو الستيبترونيك )
لكن في عربيات تانيه زي الكورولا ال mmt والايزي ترونيك في الكولت والفيكترا الصراحه مجربتهومش ومعرفش يفرقوا ايه عن الاستيبترونيك العادي

[elmanahry]

كلام سليم
لكن مش بيدي نفس قوه و اداء المانوال برده على فكره وبرده بيكون 4 نقلات فقط يعني من الاخر الستيبترونيك الشعبي (اللي هو موجود في معظم العربيات دلوقتي من صيني لكوري لياباني) زي الاتوماتيك العادي اللي فيه النقلات الزياده اياها ( L 2 3+D)
يعني ال+و- تعويضا للنقلات دي وبشكل حديث شويه لكن نفس الاداء وانا مجرب الاستيبترونيك في السيراتو وهو نفس الاحساس لو مشيت على النقلات اللي موجوده في الاتوماتيك العادي زي الصني مثلا مجرد شكل حديث للنقلات دي زي ما في عربيات فيها زرار زياده اسمه over drive off وظيفته يخلي العربيه على التالت فقط وبيكون مفيش النقله الd3 وهو هو نفس الوظيفه بس برده شكل احدث واحسن (ده اعتقادي وبناء على تجربه للسيراتو الستيبترونيك )
لكن في عربيات تانيه زي الكورولا ال mmt والايزي ترونيك في الكولت والفيكترا الصراحه مجربتهومش ومعرفش يفرقوا ايه عن الاستيبترونيك العادي

كلامك عجبنى جدا شكرا جزيلا حضرتك ذكرت عن الفتيس الشعبى ولى سؤال عله يفك حيرتى لانى بعد ماشتريت سيارة اوتوماتيك شعرت ان الفتيس المانيوال اجمل فى السواقة ولكن لظروف صحية محتاج للاوتوماتيك فارجو من سيادتك تعرفنى ما هى احسن سيارة اوتوماتيك تعطيك تسارع المانيوال وتجميع سرعة فى الزنقات مثل المانيوال انا سقت السيارة الكورولاmmt واحسست ان سيارتى الاوتوماتيك افضل منها فى التسارع على الاول والتانى والتالت ولكن الكورولا بعد الرابع سريعة تصل لسرعة 180 بثبات ونعومة ولذلك لا اجد سيارة اتوماتيك تعطينى ما اريده فارجو المشورة وشكرا جزيلا

[bmya]

لا شكر على واجب با باشا بس هو حضرتك عربيتك نوعها ايه وموديها ايه

[elmanahry]

ياباشا شكرا على اهتمامك السيارة byd f3 اوتوماتيك 2009 والفتيس توريد شركة جاتكو اليابان وليس مصنوعا فى الصين وشركة جاتكو تابعة لشركة نيسان وراسلت الشركة وعرفت ان الصين لم تاخذ حق تصنيعة بل يورد لهم من اليابان السيارة عاملة 4500 كيلو كان فى الاول الامور فيها كسل من ناحية التسارع ولكن مع مرور الوقت الامور تحسنت عندما قدت السيارة فى القاهرة احسست ان الوضع ملائم جدا ولكن مشكلتى فى طريق الصعيد الفردانى اوقات اريد ان اعدى شاحنة تريللا ومقبل على فى نفس الحارة تريللا اخرى واريد ان اسعف بتسارع مثل المانيوال ولكن تجميع السرعة اوقاتا لا يسعفنى ولذلك لما لقيت سيادتك فاهم فى الفتيس الاوتوماتيك وشرحت الامور بالضبط مثلما اكتشفتها اردت ان اطرح على سيادتك مايحيرنى ماهى السيارة التى يتسارع الفتيس الوتوماتيك فيها مثل المانيوال لمن يعانون فى طرق فردية مذدحمة مثل مااعانى اصبحت عندى قناعة الان ان السيارة الاوتوماتيك لازم تكون 2000cc او تكون تيربو وماهو رائى سيادتك وشكرا جزيلا

[bmya]

مفيش ياباشا اتوماتيك زي المانوال في العربيات العاديه المتاحه لنا في مصر
المانوال طبعا على بس على فكره انا على طول سواقتي توماتيك والعربيه طالما كويسه السحب بتاعها بيكون ممتاز جدا طبعا انا مش هقدر اقولك ععلى عربيتك حلوه ولا لاء لاني ما سوقتهاش ولا ركبتاها
بس اعتقد التويوتا كورولا ممتازه
وعلى فكره حتى لو العربيه 2000 سي سي برده مش هتكون زي المانوال ال 2000 سي سي
كده كده المانوال احسن من الاتوماتيك في التجميع لانه بيسمحلك بالحرق اكتر على الغيارات عشان كده لازم لما تيجي تشد بالاتوماتيك تدوس جامد عشان تعمل كيك داون او تستعمل النقلات الموجوده في الفتيس عندك او زرار الاوفر درايف او الاستيب ترونيك لو عندك افضل من الشد على الD
عموما شوف الموضوع ده كده جايز يفيدك

http://www.nilemotors.net/Nile/54459-a.html

[Ahmed Hassan]

لما تحب تتجاوز دوس دواسة البنزين على الآخر لغاية ما تخلص تجاوز و بعدين ارجع للوضع الطبيعي اللي انت عايزه

[elmanahry]

مفيش ياباشا اتوماتيك زي المانوال في العربيات العاديه المتاحه لنا في مصر
المانوال طبعا على بس على فكره انا على طول سواقتي توماتيك والعربيه طالما كويسه السحب بتاعها بيكون ممتاز جدا طبعا انا مش هقدر اقولك ععلى عربيتك حلوه ولا لاء لاني ما سوقتهاش ولا ركبتاها
بس اعتقد التويوتا كورولا ممتازه
وعلى فكره حتى لو العربيه 2000 سي سي برده مش هتكون زي المانوال ال 2000 سي سي
كده كده المانوال احسن من الاتوماتيك في التجميع لانه بيسمحلك بالحرق اكتر على الغيارات عشان كده لازم لما تيجي تشد بالاتوماتيك تدوس جامد عشان تعمل كيك داون او تستعمل النقلات الموجوده في الفتيس عندك او زرار الاوفر درايف او الاستيب ترونيك لو عندك افضل من الشد على الd
عموما شوف الموضوع ده كده جايز يفيدك
http://www.nilemotors.net/nile/54459-a.html

شكرا جزيلا على المعلومات القيمة انا ظالم للسيارة byd at بسبب احتاجى لتسارع شديد واعتقد ان الانسان لما يسوق مانيوال اقولها بالبلدى مايتكيفش بسهولة مع الاوتوماتيك فى نمط معين فى السواقة وهى بالمقارنة بانواع يابانى اخرى لاتقل من ناحية التسارع بل احسن من بعض السيارات الاوتوماتيك اليابانى اقرب سيارة لها فى التسارع هى النيسان والخلاصة ان كل شئ له مميزات وعيوب الاوتوماتيك مريح فى السواقة ولكن لكى احصل على ما اريده فى الزنقات شغال كيك داون وهو الى حد ما مرضى يقترب من المانيوال ولكنه استهلاك بنزين اكثر بالمناسبة قرات مقالتك على اللنك الموجود فى رد سيادتك وهى بحق رائعة ايضا ومفيدة للجميع وشكرا جزيلا

[bmya]

حضرتك بس ممكن تكون كنت متعود على سواقع المانوال وعشان كده مش متعود على الاتوماتيك لكن مع التعود عليه هتعرف انه ممتاز جدا وميقلش عن المانوال اوي يعني واي خدمه ياباشا

[pro_samir]

كلامك عجبنى جدا شكرا جزيلا حضرتك ذكرت عن الفتيس الشعبى ولى سؤال عله يفك حيرتى لانى بعد ماشتريت سيارة اوتوماتيك شعرت ان الفتيس المانيوال اجمل فى السواقة ولكن لظروف صحية محتاج للاوتوماتيك فارجو من سيادتك تعرفنى ما هى احسن سيارة اوتوماتيك تعطيك تسارع المانيوال وتجميع سرعة فى الزنقات مثل المانيوال انا سقت السيارة الكورولاmmt واحسست ان سيارتى الاوتوماتيك افضل منها فى التسارع على الاول والتانى والتالت ولكن الكورولا بعد الرابع سريعة تصل لسرعة 180 بثبات ونعومة ولذلك لا اجد سيارة اتوماتيك تعطينى ما اريده فارجو المشورة وشكرا جزيلا

معرفش عربية حضرتك فيها زرار باور أو سبورت درايف أو ممكن يكون عندك بس بإسم أخر

المهم دة بتشغلة مع عمل كيك داون بإنك تجيب الدواسة لأخرها هتلاقي العربية سقطت غيار وهتحرق علية مش هتنقل غير قبل الريد زون كإنك بتحرق علي الغيار فى المانيوال بالظبط و أسرع كمان لأن النقل بيكون سريع .. بس دة يتوقف علي العربية برضو

[Hegazio]

تتشابه الأسماء و تختلف طريقة العمل
فحين يتكون الفتيس المانيوال من مجموعة الاسطوانات و الديسك و غيره .. يتكون الفتيس الاوتوماتيك من مجموعة هيدروليكية تعتمد في عملها علي تغير ضغط الزيت و اشياء أخري
و كان نتيجة ذلك في الماضي فارق في الأداء نتيجة فارق عزم كان يصل ل 10 %
و نتيجة تطور التكنولوجيا تقلص هذا الفارق لأقل من 5 %
ثم ظهر ال ( Steptronic - geartronic - tiptronic ) و هو مشابه للأوتوماتيك و يختلف عنه في انه بالاضافة لنقل السرعات يدويا اذا اردت .. انه لا يحتوي علي Hydraulic relay junction و هي مسبب اساسي لفقد العزم .. فتناقص الفارق بين الأداء الي 1-2 %
بينما ال ( easytronic - MMT ) يدوي في الأساس و فكرةSabbو اختراع فيراري .. و هو يدوي في الأساس و لكن يحتوي علي وحدة كهربية للإحساس بالنقلات ثم تقوم بالنقل تلقائيا أو يدويا اذا اردت و لكن بدون دبرياج ( دبرياج كهربي بحساس ) و لا يوجد بها فقد عزم .. و لكن ملحوظ بشدة بطء في التنقل بين النقلات كما ملحوظ اكتر غباء الحساس أحيانا كثيرة
و هناك فتيس اوتوماتيكي جميل هو ال CVT و هو يعمل بطريقة سيور تجعلك لا تشعر بالفاصل بين النقلات و اعطاء افضل عزم
و اسف للإطالة

[mr_sameh]

معلومات جميله جدا

[SkyBird]

من الاخر الستيبترونيك الشعبي (اللي هو موجود في معظم العربيات دلوقتي من صيني لكوري لياباني) زي الاتوماتيك العادي اللي فيه النقلات الزياده اياها ( l 2 3+d)
يعني ال+و- تعويضا للنقلات دي وبشكل حديث شويه لكن نفس الاداء

فعلا انا حاسس انهم واحد بس التغيير في الشكل فقط