موضوع النيتروجين

[arafa]

فروع بريدجستون Fit & Fix
المعادى - داخل محطة توتال - الكورنيش
م نصر - عباس العقاد تقاطع مصطفى النحاس - محطة كالتكس
المنيل - 55 ش المنيل - امام مكدونالدر
عمارات العبور - 12 عمارات العبور - صلاح سالم
الهرم - 418 ش الهرم - داخل محطة توتال

[zkralla]

مركز الجزائر اللى فى شارع الجزائر جنب بنزينة موبيل

فروع بريدجستون fit & fix
المعادى - داخل محطة توتال - الكورنيش
م نصر - عباس العقاد تقاطع مصطفى النحاس - محطة كالتكس
المنيل - 55 ش المنيل - امام مكدونالدر
عمارات العبور - 12 عمارات العبور - صلاح سالم
الهرم - 418 ش الهرم - داخل محطة توتال

الف شكر جزاكم الله خيرا

[tananybasha]

انا هاعملها فى الكاوتش الجديد ان شاء الله

[ahmedsamir5edr]

المنيل - 55 ش المنيل - امام مكدونالدر
مهندس يوكو .. الفرع ده ساري فيه العرض ؟؟
و لو اه .. أعمل ايه عشان أستفيد بيه ؟

[ahmedsamir5edr]

عرض بريدجستون للنيتروجين

[yoko]

المنيل - 55 ش المنيل - امام مكدونالدر
مهندس يوكو .. الفرع ده ساري فيه العرض ؟؟
و لو اه .. أعمل ايه عشان أستفيد بيه ؟

أيوه فيه وأنا كنت لسه عندهم من إسبوعين كده وإن بس تروح وإنت لازق الإستيكر على العربيه

[thedeveloper87]

ده علي أساس ان الهوا ده حاجة تانية خالص ؟!!!!!!!!!!
ماهو الهوا 80 % نيتروجين !!!!
و الراجل بيحطلك بالكتير 95 % نيتروجين !!!!!!
شوفو الموضوع ده

بص ياباشا. أنا خبرتي محدودة جدا في العربيات ، لكن بتجربة الهواء الجوي فهو لازم يتظبط عندي كل شوية مع إن الكاوتشات الحمدلله مش مخرومين. لدرجة إن في مرة ظبطت الكاوتشات على 30 وبعدها بيوم او يومين لقيت الكاوتشات بقت 25 ، 24 ، 20 في الرينج ده.

الواحد يجرب النيتروجين وخلاص. وادينا بنجرب.

[frhateg]

روحت لمحل كاوتش في اسكندرية عنده ماكينة طالع منها خرطومين واحد سحب الهوا كله اللي في العجلة ( كله بمعني الكلمة ) و الثاني عبأ به النتروجين ال 4 عجلات ب 15 جنيه و فعلا حسيت بفرق كبير .

[ahmedsamir5edr]

أيوه فيه وأنا كنت لسه عندهم من إسبوعين كده وإن بس تروح وإنت لازق الإستيكر على العربيه

و أجيب أستيكر المنتدي من فين ؟

[walidabdelaziz]

بص ياباشا. أنا خبرتي محدودة جدا في العربيات ، لكن بتجربة الهواء الجوي فهو لازم يتظبط عندي كل شوية مع إن الكاوتشات الحمدلله مش مخرومين. لدرجة إن في مرة ظبطت الكاوتشات على 30 وبعدها بيوم او يومين لقيت الكاوتشات بقت 25 ، 24 ، 20 في الرينج ده.

الواحد يجرب النيتروجين وخلاص. وادينا بنجرب.

اتاكد من الكاوتش انه سليم الاول مفيش اخرام او بالفات... وبعدين غيًر الهوا, لكن النيتروجين مش
يمسك ضغط الهوا لو فى تسريب.... الوظيفة العامة هو الحفاظ على ضغط الكاوتش بدون تمدد او انكماش

[yoko]

و أجيب أستيكر المنتدي من فين ؟

http://www.nilemotors.net/Nile/110085-a.html

[تامر.محمد]

انا عملته في بريدجستون عباس العقاد

هو انا ظانن انهم لما عملوهولي ما فضوش الهوا كويس
لأني مرة (بعدها بحوالي اسبوع ) حسيت ان العربية مش مظبوطة و رحت لهم اكشف على ضغط النيتروجين (كنت ماشي مشوار طويل ) لقى الضغط زايد و ده مفروض ما يحصلش

هو ظبطه و انا مشيت و من ساعتها العملية كويسة
بس اسبوعين كمان ولا حاجة و هاروح لهم تاني ان شاء الله يكشفوا عليه تاني

الميزة اللي حاسسها حاليا اني الضغط في الكاوتشات مش بيقل

و اظن و الله اعلم لو الضغط بيقل زي العادي , مع ظبطه مرة في مرة هايتعدل

انا عربيتي فيها مشاكل عفشة بتخليها تدبدب حاليا , فطبعا مش هاقدر افيدكم في مسألة الدبدبة

[ahmedsamir5edr]

Thanks yoko.. ur a gentle man

[yoko]

Thanks yoko.. ur a gentle man

ده واجبي في المنتدى

[Hegazio]

يعني ايه ضغط النيتروجين لا يتغير بالحرارة مش فاهم ؟!!!!
ماهو غاز و له معامل تمدد حراري زي اي غاز .. و مايفرقش عن الاوكسجين حاجة في اللموضوع ده !!
الكلام المظبوط .. هو ان لو حتعبي نيتروجين نقي .. حيكون لا يحتوي علي بخار الماء .. و هو صاحب مشكلة تغير الضغوط
لكن في الحقيقة النيتروجين اللي الراجل بيعبيه .. مش نيتروجين معامل .. ده هوا .. بيدخل .. يلف في انابيب طرد مركزي و بعدين حاجة زي اللامينار فلو ( قصة طويلة ) يطلع مخلط هوا .. يحتوي علي نفس المكونات برضه .. لكن بنسبة نيتروجين أعلي شوية