استخدام الجلسرين بدلا من المية الخضراء

[Xander2010_Evo]

السلام عليكم يارجالة
هيا المية الخضرا فعلآ بتحتوي علي إيثيلين جلايكول وبيستخدم ف الدول الأوروبية كمانع تجمد للماء في دورة التبريد نظرآ لإنخفاض درجات الحرارة عندهم لتحت الصفر
امممم....صراحة موش فاكر أوي
بس بالنسبه لإستخدامه بدل الميه الخضرا هيا فكرة حلوة بس أظن ماتنفعش لسببين:
أولآ:نسبة الإيثيلين جلايكول ف الميه الخضرا قليلة جدآ لإن وجوده صراحة مالهوش لازمة لأن درجات الحرارة الحمد لله معتدلة
ثانيآ: الجلسرين خطر علي دورة التبريد لأن اللزوجة بتاعتو عالية جدآ وممكن تؤدي لإنسداد (وده بردو مجرد إفتراض)
وبردو مستنين رأي باقي الرجالة

[tompina]

السلام عليكم يارجالة
هيا المية الخضرا فعلآ بتحتوي علي إيثيلين جلايكول وبيستخدم ف الدول الأوروبية كمانع تجمد للماء في دورة التبريد نظرآ لإنخفاض درجات الحرارة عندهم لتحت الصفر
امممم....صراحة موش فاكر أوي

أحب أقول لحضرتك إن الإثلين جليكول بيحسن من كفاءة مياه التبريد في الأجواء الحارة برضه .. يعني مش الأجواء الباردة بس علىحسب كلامك :

بس بالنسبه لإستخدامه بدل الميه الخضرا هيا فكرة حلوة بس أظن ماتنفعش لسببين:
أولآ:نسبة الإيثيلين جلايكول ف الميه الخضرا قليلة جدآ لإن وجوده صراحة مالهوش لازمة لأن درجات الحرارة الحمد لله معتدلة

كمان موضوع اللزوجة العالية للجلسرين كلام مردود عليه لإننا مش هانحطه بتركيز أكبر من 3 - 5% بالكتير ؛ ولأنه شديد الذوبان في الماء وحسب ماذكره موقع ويكبيديا عنه إنه (شره للماء) فكده هو يشبه إلى حد كبير حمض الكبريتيك في تعطشه للماء .

ثانيآ: الجلسرين خطر علي دورة التبريد لأن اللزوجة بتاعتو عالية جدآ وممكن تؤدي لإنسداد (وده بردو مجرد إفتراض)
وبردو مستنين رأي باقي الرجالة

مسألة إن اللزوجة تسد مسألة مستبعده تماما لأنا ـ كما قلت ـ إحنا هانحط تركيز قليل جدا .. زي الإيثلين جليكول .
وبعدين ما لإيثلين جليكول لو نسبته زادت هاياكل المواسير والمطاط اللي في الدورة برضه .

[mohamed_rhem]

اكثر من رائع

كفاية شرف المحاولة

ربنا يوفقك وتوصل لنتيجة ترضيك

ولا تغفل دور نايل موتورز وتشجيع الزملاء عند نجاح تجربتك

[tompina]

الله يخليكم جميعاً
عموما أنا نزلت إمبارح علشان أجيب ترمومتر سوائل .. مالاقيتش غير الزئبقي .. مش غالي هو بـ5 جنيه يالكتير وآخره يديك درجة لحد 140 مئوية .. مش عاوزين أكتر من كده ..
لكن للأسف لن أستطيع تجربة أي شيء ههنا .. إن لي زوجة مصرية عتيدة .. عتيدة بكل ما في الكلمة من معان ؛ ومش عاوز تراثها المصري يستيقظ من سبات وتظن ـ ككل زوجة مصرية ـ بعقلي الظنون ..
علشان كده هاستأذنكم أكمل التجارب دي لما أوصل ..
وكمان التجربة هايكون من ضمنها إضافة لون للماء .. علشان تبقى الجريمة كاملة !..استنوني

[samirayad]

أنا مستني رأي الباش مهندس سمير وأبويوسف .. ملاحظ إن محدش منهم علق

أولا الصيغة الجزيئية متشابهه
الإيثلين جليكول c2h4(oh)2
الجليسرول (الجلسرين) ho(oh)2

خللى بالك ياحمو

أنا مش مخضرم أوى فى الشغل الكيميائى

على قدى ياعنى

كله نظام مكن وزيوت وكهرباء وغيره

بأشترى عبوة الميه الخضراء
وأروح دالقها ومريح داغى

أرجع معاك بأه عن أستفسار منك بسيط

أنت مش ملاحظ أن التركيب الكيميائى مختلف للمكونين............؟

[tompina]

طبعا مختلف يا باش مهندس .. هوا أنا هاستعماكم يعني ؟
القصد إن الخواص متشابهه جدا في منع التجمد ورفع درجة الغليان ..ودا اللي إحنا عاوزينه من الإيثلين وعموما برضه مش هائكد كلامي غير لما أجرب الترمومتر اللي معايا الأول على مية عادية ومية بجلسرين بتركيز خفيف .. أقوللك ؟
أنا رايح أجرب دلوقت على 500 ملل ماء مع تركيزين 3سم و5 سم
ويبقى فاضل تجربة التأكسد نأجلها لما أوصل الكويت علشان دي عاوزة وقت .

[samirayad]

طبعا مختلف يا باش مهندس .. هوا أنا هاستعماكم يعني ؟

طيب ماتتعبش نفسك بأه ياحمو
لأن كده واضح أن الجلسرين
مينفعش غير كده

من خواص الجلسرين انه يمنع التشققات بالكوعين الكعبين
ويزيل التقشفات:e_braces[1]:

الا أذا كنت بتفكر فى حاجه تانيه

أنك تزيل الخشونه من داخل مجارى التبريد
أو أى تشققات فى الخراطيم بتاعة الميه

[tompina]

طيب ماتتعبش نفسك بأه ياحمو
لأن كده واضح أن الجلسرين
مينفعش غير كده

الا أذا كنت بتفكر فى حاجه تانيه

أنك تزيل الخشونه من داخل مجارى التبريد
أو أى تشققات فى الخراطيم بتاعة الميه

أديني هاجرب ولو الموضوع نفع نبقى كسبنا مادة جديدة (وظفلطنا) دورة التبريد !

[samirayad]

أديني هاجرب ولو الموضوع نفع نبقى كسبنا مادة جديدة (وظفلطنا) دورة التبريد !

ربنا يقويك ياحمو

[tompina]

منذ دقائق أضفت الجلسرين إلى الماء مع التسخين ..
كمية الماء كانت 400 سم مكعب .. وبعدما تأكدت من كفاءة الترمومتر وتسجيله الغليان العادي عند 100 أضفت القليل من الجلسرين إلى الماء وأعدت التسخين ..
الملاحظ أن درجة الغليان ارتفعت واستقرت عند 108 مئوية بالضبط .. لم أرد تجربة المزيد .. ما أردت التأكد منه قد تم .. وهو ـ مبدئيا ـ أن الجلسرين خواصه ـ تشبه ـ خواص الإيثلين .. حسننا هذا هو بداية الخيط .. وجاري استكمال التجربة في المستقبل القريب بإذن الله.

[tananybasha]

ايوه يا جامد
ادينا اكتر

[omar91119]

موضوع راااائع بس ازاى المقادير تتظبط عشان ميحلصش مشكله


تحياتى

[samirayad]

ومش عاوز تراثها المصري يستيقظ من سبات وتظن ـ ككل زوجة مصرية ـ بعقلي الظنون ..

[agwaa]

من خواص الجلسرين انه يمنع التشققات بالكوعين الكعبين
ويزيل التقشفات:e_braces[1]:

إزاياك يا محمد بك
واحشني والله

[tompina]

إزاياك يا محمد بك
واحشني والله

الله يخليك يا باشا