ما هوا الشفاط؟؟

[ashraf_msd]

السلام عليكم ورحمة الله
والله يا رجاله انا بسمع الناس بتقول بسخن العربيه بالشفاط وبتاع
ماهوا الشفاط؟؟ وهل موجود في كل العربيات ولا ده حاجه ممكن تتركب؟؟
رينو كليو 2006 اواتوماتك

[hanashoo]

بص يا باشا انا بصراحه كل اللى اعرفه انه موجود فى عربية الوالد 128 بيشغله لما ييجى يدور العربيه الصبح وهو بيسخنها ومش فى العربيات الجديده غالبا لانه مش عندى و العموم لما الوالد يصحى اسألهولكd: D:

[ashraf_msd]

بص يا باشا انا بصراحه كل اللى اعرفه انه موجود فى عربية الوالد 128 بيشغله لما ييجى يدور العربيه الصبح وهو بيسخنها ومش فى العربيات الجديده غالبا لانه مش عندى و العموم لما الوالد يصحى اسألهولكd: D:

متابع يا باشا ولك وللوالد جزيل الشكر

[dolly13]

انا اعرف ان الشفاط بيبقى فى العربيات اللى شغالة بدون انجكشن
ووظيفته انه بيساعد فى تدوير العربية بدون ماتدوس بنزين
لكن العربيات الحديثة لا يوجد بها شفاط
انا كان عندى ماروتى وكان فيها شفاط لكن معايا الفيرنا دلوقتى وستروين بدون شفاط

[BLACKVERNA]

الشفاط فى العربيات القديمة بيبقى عباره عن واير بيتشد مانيوال
و فى اغلب العربيات الجديدة ان مكنش كلها بيبقى اتوماتيك

بمعنى انك اول لما تدور العربية و هى باردة بيشتغل اتوماتيك و يعلى عدد لفات الموتور لغاية لما الموتور يوصل للحرارة الطبيعية و بعد كده بيفصل اتوماتيك

و الله اعلى و اعلم

[ashraf_msd]

شكرا يا شباب عالردود

[aymansaad]

الشفاط معناه هو زيادة كميه الهواء الداخلة الى الكرابراتير لزيادة حريق البنزين

[Eng_Mostafa_89]

الشفاط فى العربيات القديمة بيبقى عباره عن واير بيتشد مانيوال
و فى اغلب العربيات الجديدة ان مكنش كلها بيبقى اتوماتيك

بمعنى انك اول لما تدور العربية و هى باردة بيشتغل اتوماتيك و يعلى عدد لفات الموتور لغاية لما الموتور يوصل للحرارة الطبيعية و بعد كده بيفصل اتوماتيك

و الله اعلى و اعلم

+1111111111

[yaserbasha2000]

متابع يا باشا ولك وللوالد جزيل الشكر

عسل وربنا عسل

[ashraf_msd]

عسل وربنا عسل

الله يخليك يا باشا ... وانا منتظر الأخ الكريم hanashoo يوفي بوعده

[maka]

مش حكاية جديد وقديم , الشفاط موجود فى العربيات الكاربيتير بس وبيكون مانيول اما العربيات الانجشكن فالعربية بتسخن نفسها اتوماتك بس معرفش ازاى اكيد حساس ال tps ليه دور فى العملية دى - ارجو مناقشة هذه النقطة -

[smartchoice]

الشفاط ده بيبقى شبة ولاعة السجاير فى الشكل و بيبقى موجود فى العربيات القديمة و هو بيبقى متوصل بسلك بدواسة البنزين و لما بتشده كأنك دايس على الدواسة و بتزود البنزين اللى داخل للموتور علشان تسخن العربية الصبح بدل ما تضطر تفضل قاعد فى العربية دايس على الدواسة و
معظم العربيات الجديدة بقى فيها الشفاط ده اتوماتيك و أول ما تدور العربية تلاقيها بتاخد بنزين و تسخن لوحدها

[ozy2026]

الشفاط ده بيبقى شبة ولاعة السجاير فى الشكل و بيبقى موجود فى العربيات القديمة و هو بيبقى متوصل بسلك بدواسة البنزين و لما بتشده كأنك دايس على الدواسة و بتزود البنزين اللى داخل للموتور علشان تسخن العربية الصبح بدل ما تضطر تفضل قاعد فى العربية دايس على الدواسة و
معظم العربيات الجديدة بقى فيها الشفاط ده اتوماتيك و أول ما تدور العربية تلاقيها بتاخد بنزين و تسخن لوحدها

السلك بتاع الشفاط بيبقى متوصل فى الكربراتير فى مكان تانى غير بتاع دواسه البنزين
لأنه بيخلى العربيه تسحب هوا اكتر علشان تسخن أسرع

[micromoud]

انت لو حطيت رجليك على دواسه البنزين وشغلت الشفاط هتلاقى الدواسه نزلت معاك معنى كدا ان الشفاط بيشتغل زيه زي ما بتدوس بنزين

بس اللى بقراه فى كتيب العربيه بيقول المفروض متمشيش بالعربيه والشفاط مشدود موش عارف الجكمه فى كدا عشان استهلاك البنزين بيزيد ولا ايه الله اعلم

[ahmedshafei77]

انا عربيتى لادا وفعلا زى ماقالوا الاخوة بحس ان دواسة البنزين بتنزل لما اشد الشفاط ولكن حقيقى العربية وهى بارده مش بترضى تدور الالا من الشفاط والكتالوج برضه بيقول استخد الشفاط فى حاله التدوير اول مره

والكهربائى قالى ان الشفاط ده ليه بوابه لوحده على الكربراتير

نفسي حد بقى يفهمنا ايه اللى بيحصل بالظبط والغريب بقى ان بعد العربية ما تسخن اجى اشد الشفاط العربية مش بدور وسهوله جدا