سؤال عن استخدام البنزين ال 80 مع ال 128

[KiNgMaX]

سؤال لابو السباع او اى متخصص تانى عربية اخويا 128 2006
فجربنا نحطلها بنزين 80 العربية مشيت كويسة يمكن السحبة قلت شوية وصوت الموتور على حبة بس مش جامد يعنى المشاكل مش مؤثرة بس السؤال هل استخدام ال80 ممكن يأذى العربية على المدى الطويل او القصير ولا عادى
خصوصا انه اقتصادى جدا الصراحة :? :? :?

[Abonora]

مع المواتير القديمة عامة يفضل استخدام بنزين 80 بس القاعدة العامة ان البنزين يكون نظيف يعني 80 نظيف من بنزينة محترمة احسن من 92 شارب ميه ونسبة شوائب عالية

علي المدي الطويل برضوا موتورك مصمم لاستخدام النوع ده من البنزين بس لارتفاع الشوائب في البنزين عامة وبالطبع بشكل اكبرفي ال 80 يراعي الاعتناء بصيانة دورة البنزين

في حالة ان عربيتك جديده زي ما بتقول " 128 مو 2006 " انصحك تستخدم معالج دورة الوقود من GUNK

http://www.gunk.com/CAT_M2312.asp

وده بيضاف علي التفويلة الكاملة وبيعمل غسيل كامل لدورة البنزين

كمان فيه حاجة اسمها انجين فلاش

http://www.gunk.com/CAT_MF2.asp

وده بيعمل غسيل كامل لموتور ده ممكن تعملة كل 20الف كم وتغير زيت وفلتر زيت وفلتر بنزين

المنتجات ديه ممكن تلاقيها في On the run او هايبر وان واسعارها من 20 ل 50 جنية
وفيه بدائل ليها من انتاج شركة STP بس انا مجرب Gunk

[Nader]

كمان فيه حاجة اسمها انجين فلاش

http://www.gunk.com/CAT_MF2.asp

وده بيعمل غسيل كامل لموتور ده ممكن تعملة كل 20الف كم

ال20 الف دول قليلين المفروض على الاقل كل 30او 35 الف علشان الموتور ميتعبش

[Abonora]

كلام حضرتك صح بس الارقام ديه في الظروف القياسية اما لو البنزين غير قياسي زي بتاعنا والجو والتراب وبافتراض بعض سوء الاستخدام يبقي الافضل انك تقلل دورة الصيانة بنسبة التلت علي الاقل يعني 30 يبقوا 20 :)

[Nader]

على رائيك بس عموماً انا مستخدمتهوش غير مرة واحدة واشتريت 2 لتر زيت عادة للغسيل لفضل من الزيت المش نضيف اصلاً.