فى مشكلة لو زودت عدد لفات الموتور شوية

[ahmedshafei77]

الاخ ramremo
يا باشا ربنا يخليك على معلوماتك معلشى تقلت عليك بس انا لسه جديد ومقلق

مش عايز مشاكل وانت عارف قرف العربيات والواحد لسه جديد فى السواقة

[mostafa_9128]

ممكن حد يقولي يعني إيه شفاط !

الشفاط ده اللي هو تشوك التسخين و هو موجود في العربيات الكربراتير بس
و لازمته ان يسخن العربية و هي بارده
و في منه 3 انواع
1-مانيوال : زي اللادا كده لازم تشده بإيدك علشان يشتغل.

2-اوتوماتيك : احدث من المانيوال شويه و مجرد ما تدوس علي دواسة البنزين هو بيشتغل لوحده لو العربية بارده .

3-اليكتريك : مش محتاج انك تدوس علي دواسه البنزين علشان يشتغل هو بيشتغل مجرد ما تدور العربية.

[mostafa_9128]

السادة

فى مشكلة لو زودت عدد لفات الموتور شوية

ممكن اعرف عايز تعلي الماتور ليه (العربية زيرو)
عموما لو عايز تعلي العربية علي السلانسيه مثلا بتتعلي بسهوله من بيك السلانسه , ممكن اي ميكانيكي يعملهالك و لو العربية مظبوطة معاك وهي سخنة متخليش حد يلعب في حاجة و العربية جديده علشان ميضحكش عليك و يقولك العربيه فيها وفيهااا....

والعربية لادا زيرو ومش بترضى تدور الا من الشفاط طبعا الكلام وهى باردة خالص

شكرا

انا شايف ان ده حاجة عادية

[ahmedshafei77]

هو الشفاط ده ليه بوابه لوحده على الكربراتير ولا هو متوصل بدواسة البنزين لانى لما بشدة بلاقى الدواسة بتنزل شوية لتحت ممكن الاخ ramremo يوضحلنا ايه نظام البوابات بتاعة الكلربراتير بالظبك والمسامير الكتير اللى فيه سواء هوا ولا بنزين


وشكرا

[د.أحمد السعيد]

السادة


والعربية لادا زيرو ومش بترضى تدور الا من الشفاط طبعا الكلام وهى باردة خالص

شكرا

انا كان عندى بولونيز 1988 وكانت بتعمل كده من حوالى 4 سنين و بعدين رحت لواحد بتاع ضبط كربيراتير الله يكرمه ظبط خلط الهوا مع البنزين(على جهاز قياس العادم) و بعدها كنت اجى ادور يدوب ادوس بنزين مره ولا حاجة بس والعربية تدور زى الفل و ما تفصلش و محتاجش ارفع الشفاط و لا حاجه بس بسيبها شوية لما تسخن اوبضغط شوية على دواسة البنزين لكن مكنتش تفصل لو شلت رجلى من على البنزين.
فعلى ما اعتقد ان عربيتك فيها مشكلة فان كنت فى الضمان روح التوكيل لان عربيتك زيرو و حرام تحس انها بقالها 25 سنه

[ramremo]

هو الشفاط ده ليه بوابه لوحده على الكربراتير ولا هو متوصل بدواسة البنزين لانى لما بشدة بلاقى الدواسة بتنزل شوية لتحت ممكن الاخ ramremo يوضحلنا ايه نظام البوابات بتاعة الكلربراتير بالظبك والمسامير الكتير اللى فيه سواء هوا ولا بنزين


وشكرا

احمد باشا -- لانى كان عندى لادا و ليا فى الميكانيكا بتاعتها شويه مش كتير اقولك ان الشفاط ده عباره عن سوسته متوصله بذراع البنزين ( داخل الكبوت هتلاقى ذراع خارج من الكربراتير بيتحرك كل لما تزود بنزين) اللى هو نفسه متوصل بيه دواسة البنزين اللى عندك فى الكابينه // طيب ايه اللى بيحصل لما تشد الشفاط -- لما بتشده كانك دايس على دواسة البنزين فبتلاقى الدواسه نزلت لتحت شويه // طيب هما ليه عملوا الشفاط ده ما دام ممكن اسخن بالضغط على دواسة البنزين -- لان شد الشفاط بيغنيك عن استمرار الضغط على دواسة البنزين فترة طويله ( اكثر راحه ) وكمان بيظبط الموتور على درجه معينه ممكن بضغطك متعرفش تظبطها وبالتالى العربيه تطفى منك اول لما تيجى تسخن -- معلش اذا كانت معلوماتى ضئيله فى الموضوع ده ولكن ممكن اعضاء المنتدى خبراء ومهندسى الميكانيكا يفيدوك اكتر فى موضوع بوابات الكربراتير
وده فيديو بيوضح الكربراتير وفكرة عمله
[youtube]http://www.youtube.com/watch?v=p95ZNM24A5w[/youtube]

[mostafa_9128]

بالاضافة لكلامك احب اقول ان الشفاط كمان بيزود نسبة البنزين علشان العربية تسخن اسرع
يعني نسبة البنزين للهواء لما تدوس علي دواسة البنزين بتكون اقل من لما تشغل الشفاط

[ahmedshafei77]

شكرا يا جماعة على مجهودكم ومعلوماتكم وشكر خاص لاستاذ ramremo على تعبه وربنا يخليكم