سؤال عن الفتيس الأوتوماتيك

[nadeen]

السلام عليكم ورحمة الله وبركاته

من يومين كده وانا بادور العربية بعد ما لفيت المفتاح تكتين استنيت شوية وجيت الف التالتة مرضيتش العربية تدور، المهم حاولت ومفيش فايدة فى الوقت ده عملت حاجة خايفة تكون أثرت على الفتيس وهى انى نقلته من p لل d وبعدين ل n وانا دايسة فرامل والعربية مش دايرة بس فى كهربا فاتحة الشباك والكاسيت؟ هى العربية دارت بعد كده ومشيت الحمد لله بعد ما قفلت الكونتاكت خالص ولفيت التلاتة ورا بعض ..بس هل ممكن يكون الفتيس أتأثر بالحركة دى ولا لأ؟

[triton]

المفروض في العربيات الاوتو ماتيك معمول نظام بحيث العربيه ما تدورش لو علي وضع ال d وفي بعض السيارات بتكتب تحذير لكن البعض لا ... بس مظنش ان في حاجه انا عندي كده في الميجان ... والخبراء هنا بردو يقدروا يفيدونا

[ghost1900]

كل الأتوماتيك فيها حساسات مش هتخلى العربيه تدور الا لو الفتيس فى ال (p) أو ال (n) غير كده مش هتدور أصلا.

الهدف من الحساسات دى انها بتفصل دايره الكهرباء فالعربية متدورش يعنى متقلقيش محصلش حاجه كانك مدورتيش أصلا.

[nadeen]

شكرا ، بارك الله فيكم

[SkyBird]

السلام عليكم ورحمة الله وبركاته

من يومين كده وانا بادور العربية بعد ما لفيت المفتاح تكتين استنيت شوية وجيت الف التالتة مرضيتش العربية تدور، المهم حاولت ومفيش فايدة فى الوقت ده عملت حاجة خايفة تكون أثرت على الفتيس وهى انى نقلته من p لل d وبعدين ل n وانا دايسة فرامل والعربية مش دايرة بس فى كهربا فاتحة الشباك والكاسيت؟ هى العربية دارت بعد كده ومشيت الحمد لله بعد ما قفلت الكونتاكت خالص ولفيت التلاتة ورا بعض ..بس هل ممكن يكون الفتيس أتأثر بالحركة دى ولا لأ؟

نفس اللي حصل معايا يوم الاربع اللي فات
عندي مادرتش على p ودارت لما حركت الفتيس لل r وبعديه n
بيتهيألي الحركة دي نبهت الحساسات وملهاش تأثير على الفتيس

[m_waheed]

ان شاء الله ما فيش اي مشكلة

بس لو الموضوع ده اتكرر كتتير يبقي لازم تكشفي علي الحساسات والفتيس عشان لو في مشكلة تقدري تصلحيها في الاول

[د.محمود صلاح]

لو حصل كده تاني اقفلي الكونتاكت وأعيدي المحاولة

[mr_sameh]

ان شاء الله خير

[amooor22]

كل الي حصل ملهوش تأثير على الفتيس خالص طول ما العربيه مش دايره