شكلى مش هنفع فى السواقة

[Ahmed Galal]

ممكن سؤال بره المنهج انت مطلع العربيه فوق السطح ازاى؟

ما لقتش مكان فى الشارع قلت اركن على السطح ههههههههه بهزر طبعا ده جراج العتبة و كان يوم زحمة جدا و المكان الوحيد الفاضى كان على السطح و كنت مستنى العيلة بيجيبو حاجات و لما الموضوع طول قلت اخد كام صورة للعربية و انا باتشمس:10d5c8~1107:

[abo_lamar]

عايز اقولك على حاجة ... طوب الأرض بيسوق العربيات في مصر والعالم كله ... هما دول احسن منك في حاجة ؟؟؟

[hossam2003]

المشكلة انى حاسس ان المدرب مش بيعلمنى او يشرحلى هو مخلينى أسوق وخلاص
مش بيدينى قواعد ولا اى حاجة
ممشينى بالريموت دوس بنزين فرامل دبرياج
معلمنيش اى حاجة
المشكلة ان صاحبى الوحيد اللى ممكن يعلمنى على عربيته ان العربية اتوماتيك

دعواتكم بقى

[SkyBird]

سوق عربية اوتوماتيك
انا فاكر لما اشتريت العربية الاوتوماتيك خالي جبهالي وقال اركب وركب جنبي وقال لما عايز تمشي تحرك الفتيس لحرف d وتدوس بنزين وامشي ولما عايز تقف دوس فرامل ولما العربية تقف هات الفتيس على p
وسابني ومشي حتى من غير ما يقلى باقي الحروف
وبقيت انا والعربية لوحدينا
ومن ساعتها وبفضل ربنا عمري حتى ما خدشتها
ميزة العربية الاوتوماتيك انها مش محتاجة دبرياج ومش محتاجه غيارات اول وتاني وتالث هي اللي تغير لوحدها
دوس بنزين تمشي دوس فرامل تقف
بس خلاص

[DR/WAFEK]

ما لقتش مكان فى الشارع قلت اركن على السطح ههههههههه بهزر طبعا ده جراج العتبة و كان يوم زحمة جدا و المكان الوحيد الفاضى كان على السطح و كنت مستنى العيلة بيجيبو حاجات و لما الموضوع طول قلت اخد كام صورة للعربية و انا باتشمس:10d5c8~1107:

هههههه وانا اللى مفكره سطح البيت يالا يا باشا جت سليمه

[amrelsaqqa]

سوق عربية اوتوماتيك
انا فاكر لما اشتريت العربية الاوتوماتيك خالي جبهالي وقال اركب وركب جنبي وقال لما عايز تمشي تحرك الفتيس لحرف d وتدوس بنزين وامشي ولما عايز تقف دوس فرامل ولما العربية تقف هات الفتيس على p
وسابني ومشي حتى من غير ما يقلى باقي الحروف
وبقيت انا والعربية لوحدينا
ومن ساعتها وبفضل ربنا عمري حتى ما خدشتها
ميزة العربية الاوتوماتيك انها مش محتاجة دبرياج ومش محتاجه غيارات اول وتاني وتالث هي اللي تغير لوحدها
دوس بنزين تمشي دوس فرامل تقف
بس خلاص

بس بالطريقة دى عمره ما هيتعلم المانيوال بعد كدة

وهيبقى كأنه ما بيعرفش يسوق

تعليم السواقة هو السواقة المانيوال

واللى يتعلم اوتوماتيك صعب يرجع يسوق العادى

انا لما كنت في السعودية ابويا ما علمنيش عشان كانت العربية اوتوماتيك

[mahmoudysf]

على فكرة الموضوع اسهل ما يمكن وكلنا كنا كدة في الاول
الفكرة ان التعلم في مدرسه مش هو الحكم على السواقة او الفشل انا سوقت من غير مدرسة ولا غيرة
وبتتعلم اكتر لما يكون عندك عربيه تحت ايدك وتطلع منطقة فاضية انت وحد هو يوم وهترجع سايق

[SkyBird]

بس بالطريقة دى عمره ما هيتعلم المانيوال بعد كدة

وهيبقى كأنه ما بيعرفش يسوق

تعليم السواقة هو السواقة المانيوال

واللى يتعلم اوتوماتيك صعب يرجع يسوق العادى

انا لما كنت في السعودية ابويا ما علمنيش عشان كانت العربية اوتوماتيك

وايه اللي هيحصل لو ما تعلمش يسوق مانيوال؟
عادي يعني المهم حاجة تقضي المصلحة منها
والمستقبل كله للاوتوماتيك
وانا رايي انو لو خد الثقة في الاوتوماتيك يبقى سهلة بعد كدة حكاية الدبرياج والغيار
وانا سوقت مانيوال عادي بعد الاوتوماتيك ومكنتش معضلة زي ما البعض فاكر

[ahmadmidop]

يامعلم بص كلنا كده وانا على فكرة لسه بتعلم .. لسه مبقتش محترف ,, وبتحس في الاول ان مفيش فايدة وكلااام من ده بص هوا الموضوع تقويقلبك وممارسة وكله هيبقى تماااام .. انا اتعلمت على عربية زيرووو وكنت بترعب لما المسها بس مع التعود كله هيبقى تمااام ...

[Ralliart]

بس بالطريقة دى عمره ما هيتعلم المانيوال بعد كدة

وهيبقى كأنه ما بيعرفش يسوق

تعليم السواقة هو السواقة المانيوال

واللى يتعلم اوتوماتيك صعب يرجع يسوق العادى

انا لما كنت في السعودية ابويا ما علمنيش عشان كانت العربية اوتوماتيك

لأ طبعاً مين قال انه مش هيعرف يسوق مانيوال!
انا اتعلمت على اوتوماتيك بس في سن صغير (6 سنين كنت بطلع قدام وارجع ورا) (7 سنين كنت بمشي في الشوارع الفاضيه) (10 سنين كنت بسوق العربيه 100%) وفضلت كده معرفش حاجه عن المانيوال لحد 13 سنه وعرفت الاساسيات في 10 دقايق واعدت اتدرب على الدبرياش يوم واحد وتاني يوم كنت بسوق المانيوال عادي خالص والسبب في كده اني كنت متعلم التحكم في العربيه كويس من الاوتوماتيك ومجرد اني زودت عليه النقل والدبرياش وكده فمكنتش بتلخبط لان الدركسيون بيبقى ليه رهبه وكمان تبقى عايز تدوس دبرياش وتنقل وانت ماسكه فلو اول مره تسوق هترتبك انما لو راحت رهبة الدركسيون كل حاجه هتبقى طبيعيه
ودي وجهة نظري
نصيحه طالما في عربيه اوتوماتيك متوفره اتعلم عليها كويس لحد ما تتقن مسك الدركسيون كويس ومتبقاش مكلبش فيه ،وبعد كده روح مدرسة تعليم واعرف الاساسيات هتبقى تمام ان شاء الله لانك هتعرف تركز على رجلك كويس

[faraha]

انا برضه حابه اقول تجربتى انا واحدة من الناس كانت عندى عقدة من السواقة كنت خايفة جدا من السواقة وسط الشارع وحاسة ان ده شئ مستحيل وبعد ماخدت 5 حصص كده اشتريت عربية مستعملة اتوماتيك وكنت متضايقة لان الناس برضه قالولى عمرك ماهاتسوقى مانيوال بس بصراحة هى اللى خلتنى اتغلب على خوفى من السواقة فضلت اسبوع كده باسوق طبعا وانا ميتة من الرعب وبعد كده خلاص راحت رهبة الطريق وحاسة انى اتعلم مانيوال عادى
انا شايفة بما انك متوتر قوى من السواقة مفيش مشكلة تبدأ اتوماتيك لحد ماتتعلم ازاى تسيطر على العربية وبعد كده اتعلم مانيوال
وعايزة اقولك على حاجة كمان انا برضه اخدت من زمان 4 حصص مااتعلمتش فيهم حاجة بس اكتشفت بعد كده ان اللى كانت بتعلمنى كانت قاصدة علشان تكتر معايا فى الحصص ولما اخدت من فترة قريبة ال5 حصص دول بجد كانت اللى بتعلمنى كويسة جدا وعلمتنى كل حاجة وفعلا فى خامس حصة كنت باسوق كويس
حاول تغير المدرب لو حاسس انه مش بيعلمك كويس
وربنا يوفقك

[mahmoud_magdy]

القياده مراحل
-تعليم الاساسيات والتعود على العربيه (ودي اهم مرحله)
-خبرة الطريق وكيفية التعامل مع السيارات الاخرى (ودي بتيجي بالممارسه)
-الاحتراف ودا مش موجود في مصر ههههههههههه

المراحل دي كلها الاساس بتاعها انك تتعلم تسوق كويس اوي
والسواقه الكويسه بتيجي بالممارسه وبعد كدا بيبقى عندك خبره
السواقه سهله جداا
يمكن نوع العربيه بالنسبالك هو العائق
او الشخص اللي جمبك
شوف اللي مدايقك وقولو
وان شاء الله تتعلم على خير