اطلب مساعدة

[mazikagamda]

ازيكم ياحلى شباب فى المنتدى واحلى مسا عليكم والله وحشتنى اوى ممكن اطلب منكم سوال انا عاوز اتعلم الاتوماتيك ممكن حد يقلى طرق سواقة الاتوماتيك معا انى بعرف اسوف المانيول والحمد لله كويس فى السواقة بس ممكن حد يدينى فكرة عن الاتوماتيك من اول ماطلع بالعربية والغياراات كلها يعنى مثلا هو انا اول اما اطلع بالعربية الاتوماتيم ادوس فرامل ولا وكملولى بقا اوك ولكم جزير الشكر والاحترام انا منتظر ردكم

[mazikagamda]

محدش هنا ولا اية

[mr_sameh]

الموضوع بسيط جدا دور العربيه
دوس فرامل
هات عصاية الفتيس علي حرف d شيل رجلك من علي الفرامل هتمشي العربيه ودوس بنزين كل لما تدوس العربيه هتجري وتنقل من نفسها
عاوز تقف دوس فرامل لحد مالعربيه تقف وهات العصايا علي n
ترجع للخلف هات العصايا علي r
هتركن العربيه مده طويله هات العصايا علي p

[Ahmed Galal]

كلام مظبوط و احب ازود عليه انك اول ما تركب العربية و تدور تدوس فرامل و العربية ما بتدورش الا لما تكون على ال p كمان تخلى بالك فى فرامل الاوتوماتك لانك فى المانيوال بتستعمل الدبرياج فى التهدية هنا من البنزين للفرامل عدل
رجلك الشمال انساها خالص تريحها على دواسة ثابتة فى اقصا الشمال و اوعا تستخدمها نهائى
كمان هاتلاقى نقلات 1 و 2 فى بعض العربيات دول بتستخدمهم لو محتاج عزم فى مطلع كوبرى مثلا
و فى الاشارات اللى بتطول ما تقفش على ال d و تدنك دايس فرامل هات p احسن

[lobna_yaseen]

زى ماقالولك بالضبط ده مافيش أسهل من الأتوماتيك إزاى عايز تعرف تسوق بالأتوماتيك أمال أنا أعمل إيه كانت سواقتى كلها بالأتوماتيك وبعدين عايزه أسوق مانيوال أجارك الله أنا مش عارفه انتوا اتعلمتوا المانيوال ده إزاى أنا روحت إشتريت عربيه قديمه وقولت أسوق عليها مانيوال كل شويه العربيه تقف منى مره واحده متهيألى المشكله كلها فى الدبرياج أفندى هموت وأعرف أضبط رجلى عليه وماينطش منى وأنا باسيبه بالراحه طرديا مع البنزين لو تقولى أعمل إيه يبقى مش هنسالك الجميل ده طول العمر وياسلام لما أحاول ألف بالراحه على البنزين تقف منى فى وسط الطريق وعلى حظى دايما ألاقى طبور عربيات مستنى الهانم اللى هى أنا تتعطف عليهم وتشغل العربيه مش عارفين إنى محتاسه (ياريتنى ما قلت أشترى عربيه مانيوال عشان اللى بيعرف يسوق بجد اللى بيسوق مانيوال وقلت أسوق بجد مانابنيش غير إنى بعت عربيتى حبيبتى الأتوماتيك)ماتعرفش تقولى أعمل ايه