علمونى أدوس على الدبرياج إزاى

[خالد خليفة]

شكرا يا سيدي
مالهم بقي سواقين الميكروباص؟؟؟!

ههههههههه حلوة النكتة دى سعادتك مش عارف مالهم سواقين الميكروباس
مهو يااما انت مش من البلد دى او مبتركبش الميكروباس
وانابصراحة مبعرفش اجامل حد انا وصحيح صاحبنا اللى رديت عليه رد بطريقة فيها تقليل من الناس دى لكن انا لفيت مصر كلها معاهم وماوجدت معاملة سيئة لزباين اسوا من معاملة الناس دى لزباينها وبالله عليك ماتقول دول قلة لا للاسف فى الميكروباس اغلبيه
مسمعتش التعليقات دى من حد منهم قبل كده
1/ نص جنيه واقف على الارض هناك اهو (كناية عن زبون واقف مستنى ميكروباس)
2/ انت هتقرفنا علشان النص جنيه بتاعك
3/ولو واحد بيدخن والراكب متضايق ( انت هتتحكم فيا فى عربيتى)
طبعا دى اشهر التعليقات واكترها
وغيرها كتير انا سمعت وشبعت منهم وممكن اعمل موضوع لوحده عليهم
طبعا انا لااويد صاحبنا فى طريقته فى الكلام لكن سؤالك لايخلو من نكتة

[خالد خليفة]

أنا أعمل إيه كانت سواقتى كلها بالأتوماتيك:y_hi_3[1]: وبعدين عايزه أسوق مانيوال أجارك الله أنا مش عارفه انتوا اتعلمتوا المانيوال ده إزاى أنا روحت إشتريت عربيه 27 وقولت أتعلم عليها كل شويه العربيه تقف منى مره واحده مع انى اتعلمت فى مدرسة سواقه وكنت كويسه جدا على عربية المدرسه 28متهيألى المشكله كلها فى الدبرياج أفندى هموت وأعرف إزاى أضبط رجلى عليه وماينطش منى وأنا باسيبه بالراحه عكسيا مع البنزين لو تقولولى أعمل إيه يبقى مش هنسالكم الجميل ده طول العمر وياسلام لما أحاول ألف بالراحه وأنا مخففه رجلى على البنزين تقف منى فى وسط الطريق وعلى حظى دايما ألاقى طبور عربيات مستنى الهانم اللى هى أنا تتعطف عليهم وتشغل العربيه مش عارفين إنى محتاسه (ياريتنى ما قلت أشترى عربيه مانيوال عشان اللى بيعرف يسوق بجد اللى بيسوق مانيوال وقلت أسوق بجد مانابنيش غير إنى بعت عربيتى حبيبتى الأتوماتيك)مع إنى شاطره جدا فى النقل فى وسط الطريق من الأول لتانى وللتالت بس أول ما أحرك العربيه تلاقى صوت البنزين بيستغيث منى أجى أشيل رجلى بالراحه من الدبرياج تلاقيه زق رجلى مره واحده والعربيه ياإما نطت ياإما طفت إيه الحل مافيش تغيير لسوستة الدبرياج ده يبقى أسهل ولاإيه معلش طولت عليكم:zb_sor1[1]: ساعدونى:y_hi_3[1]:

هو فى ناحية نفسية كل اخواننا نسيو يقولولك عليها
انسى تمااااااااااااااما انك بتعرفى تسوقى علشان انتى مشكلتك الاساسيةانك متعودة تسوقىاتوماتيك
ولان الاتوماتيك دواستين فقط فرامل وبنزين
فدايما ناسية التالتة و دى ناحية نفسية انسى الاتوماتيك وانك بتعرفى تسوقى اصلا ثم نفذى كل تعليمات اخواننا اللى قالولك عليها يعنى بالبلدى اتعلمى من جديد وسيبى نفسك للى بيعلمك كانك اول مرة تركبى عربية

[lobna_yaseen]

[QUOTE=elakawy;3872498278]التدريب ثم التدريب ثم التدريب
اتدربي في مكان فاضي الأول على موضوع الدبرياج والبنزين لغاية ماتبقي 10/10 وبعدين ممكن تسوقي على مهلك وامسكي الحارة الأولي من الطريق عشان دي طبعا بتكون أهدى حارة ....
وماتزعليش من الزميل العضو اللي عايز اخواتنا البنات والستات مايسقوش العربيات

أنا عايزه أتدرب كتير أه بس أد إيه علشان أقول إتى بسوق كويس شهرين مثلا؟ وعلى فكره أنا كنت جريئه جدا فى الأتوماتيك وباسابق أى حد (بس أتوماتيك بقى) علشان كده زعلانه إنى مش عارفه أتمكن من المانيوال
ومتشكره جدا على شعورك أنا مش زعلانه من اللى كتبه لأن أغلب الرجاله بيقولوا كده أنا إبنى عنده 12 سنه وبنزله معايا(أصل ابوه مسافر) بيقولى الستات مابيعرفوش يسوقوا أنا اللى هسوق وبجد عايز يسوق أنا مشيته شويه بالعربيه بالراحه على الأول فى طريق جانبى صغير وماشاء الله عرف يتحكم فى الدبرياج أحسن منى والعربيه مانطتش معاه
الظاهر إن صحيح الرجاله أقوى فى التحكم هى مسألة عضلات الرجلين بس أنا ورا العربيه مش هخليها تغلبنى

[bHa2]

اولا السلام عليكم
علي فكره يا استاذ احنا عندنا سياره ميكروباص
واوقات انا بنزل اشتغل عليها لما والدي يكون مش فاضي
والحمد لله الناس بتقف تنتظرنا -انا او والدي- علي المحطه
ومحدش بيزعل مننا
طول منتا بتعامل اللي قدامك باحترام
الشخص اللي قدامك هيحترمك مهما كان الشخص ده طيار ولا نجار ولا زبال ولا دكتور
لو ابتسمت بس ف وجه الشخص اللي قدامك مش هيتعامل معاك بشكل وحش
وانا معاك ان سواقين ميكروباص كتييييييييييييييير وحشين
بس مينفعش نقول سواقين الميكروباص كلهم وحشين
يارب اكون قدرت اوصل وجهه نظري

[lobna_yaseen]

حضرتك ممكن تروحي مكان يكون فاضي
وتحاولي تحركي العربيه بالدبرياج فقط لا غير
بمعني
انك متدويسش بنزين وتبدئي ترفعي رجلك من علي الدبرياش
حتلاقي العربيه بتتحرك معاكي عادي وبراحه
بس لازم ترفعي الدواسه واحده واحده
لانك لو رفعتيها مره واحده ممكن العربيه تنطر وتبطل
واححده واحده
حتتعودي علي الموضوع ده
وبعدها ممكن تتحكمي بالبنزين والدبرياش في وقت واحد

فكره حلوه دى قوى قوى إزاى ماخطرتش على بالى مع انى كنت عارفاها :b4_556:بس عارف الرعب وأنا بسوق لوحدى بينسينى حاجات كتير أنا هعمل كده لأ بجد فكره فظيعه إن شاء الله هو دا اللى هيخلينى أتمكن من الدبرياج وهقولك على الأخبار متشكره جداااااااااااا

[lobna_yaseen]

هو فى ناحية نفسية كل اخواننا نسيو يقولولك عليها
انسى تمااااااااااااااما انك بتعرفى تسوقى علشان انتى مشكلتك الاساسيةانك متعودة تسوقىاتوماتيك
ولان الاتوماتيك دواستين فقط فرامل وبنزين
فدايما ناسية التالتة و دى ناحية نفسية انسى الاتوماتيك وانك بتعرفى تسوقى اصلا ثم نفذى كل تعليمات اخواننا اللى قالولك عليها يعنى بالبلدى اتعلمى من جديد وسيبى نفسك للى بيعلمك كانك اول مرة تركبى عربية

ما هى دى المشكله أنا نفسى بقارن دايما بين سواقتى هنا وسواقتى هنا وبأصاب بخيبة أمل فظيعه بس أنا لما اتعلمت فى مدرسه قياده كنت شاطره جدا واتعلمت فى خمس حصص ده أنا حتى طلعت كبرى (كبارى) واللى بيعلمنى شاف إنى كده كويسه أوى (بس ده لما كان حد معايا أنا دلوقت لوحدى وعايزه أسوق لوحدى والبركه فيكم

[د.محمود صلاح]

ثانيا: الباشا اللى بيقول إن الستات يسيبوا السواقة لو فكر فيها شويه هيلاقى إن من كرامة الستات وخصوصا اللى يخصوه أنهم هم اللى يركبوا عربيات ويسوقوا أما الرجاله هم اللى المفروض مايركبوش عربيات لأنهم ممكن يتصرفوا فى الزحمه والمواصلات وماحدش هيغلس عليهم ويعاكسهم وهم ماشيين فى الشارع أو راكبين ميكروباص أو أتوبيس أو حتى راكب تاكسى السواق مش هيخطفه مثلا لو إضطر يروح مشوار بالليل لدكتور مثلا أو يوصل ولاده الصبح بالمواصلات وكده يعنى فى مليون سبب يخلى الستات هم اللى لازم يصونوا كرامتهم ويركبوا عربيات والحقيقه المفروض دا ييجى من رجالة العيله علشان يحافظوا على بناتهم ولا إييييييييييييييييييييييييه ؟؟؟؟؟؟؟؟ عموما انت أكيد مش متجوز أو عندك أولاد لما يحصل أول واحد لو معاك فلوس هتجيب لمراتك عربيه وتبقى تفتكرنى:y_hi_3[1]:

عندك حق ,, ولكن يجب التدريب الجيد لأن السواقة كلها مفاجآت ,, والبقاء في المنزل أأمن لك في جميع الاحوال

[juba8]

الأول خلي حد يبص علي الدبرياج يشوفة مظبوط ولا لأ و ممكن يشحمة لو تقيل

ثانيا وانتي بتتعلمي مش هتعرفي توازني بين انك تدوسي بنزين مع كونك بتسيبي الدبرياج في وقت واحد

أسهل طريقة هي انك تدوسي شوية بنزين وثبتي رجلك اليمين علي كدة

وبعدين ابتدي سيبي الدبرياج واحدة واحدة و أول ما تلاقي العربية ابتدت تتحرك ثبتي رجلك الشمال يعني متسيبيش الدبرياج خالص ، وبعدين اول ما العربية تطلع سيبي الدبرياج تدريجيا وابتدي زودي بنزين

واحدة في واحدة هتلاقي نفسك ابتديتي تحسي بالعربية لأن اهم حاجة هي النقطة اللي الدبرياج بيبتدي يوصل عندها الحركة وهي دي اللي محتاجة حساسية علشان العربية متنطش أو تبطل




وممكن تقبلي الأقتراح دة وتريحي دماغك

هو ده الصح

[SHNORY]

sorry عشان هاخرج برا الموضوع
u are so smart mr
بجد الجايزة دى مش من فراغ احييك على الرد وفعلا احسن عضو اجتماعى هههههههههه

يا باشا ربنا يكرمك ويخليك
وميحرمنيش من كلامك الجميل ده
بس هو في الاول والاخر احنا كلنا اخوات والكتابه علي الكيبورد مش بتوصل المشاعر كويس
فده اللي بيعمل سوء فهم ولازم نقرب وجهات النظر

فكره حلوه دى قوى قوى إزاى ماخطرتش على بالى مع انى كنت عارفاها :b4_556:بس عارف الرعب وأنا بسوق لوحدى بينسينى حاجات كتير أنا هعمل كده لأ بجد فكره فظيعه إن شاء الله هو دا اللى هيخلينى أتمكن من الدبرياج وهقولك على الأخبار متشكره جداااااااااااا

العفو يا افندم
واتمنالك قياده هادئه امنه

[lobna_yaseen]

هو فى ناحية نفسية كل اخواننا نسيو يقولولك عليها
انسى تمااااااااااااااما انك بتعرفى تسوقى علشان انتى مشكلتك الاساسيةانك متعودة تسوقىاتوماتيك
ولان الاتوماتيك دواستين فقط فرامل وبنزين
فدايما ناسية التالتة و دى ناحية نفسية انسى الاتوماتيك وانك بتعرفى تسوقى اصلا ثم نفذى كل تعليمات اخواننا اللى قالولك عليها يعنى بالبلدى اتعلمى من جديد وسيبى نفسك للى بيعلمك كانك اول مرة تركبى عربية

عندك حق ,, ولكن يجب التدريب الجيد لأن السواقة كلها مفاجآت ,, والبقاء في المنزل أأمن لك في جميع الاحوال

طبعا السواقه الجيده أحسن من العند عايزه أسوق وخلاص أنا عن نفسى عايزه أقعد فى البيت بس الظروف بتحكم لازم تتحمل المسئوليه اللى عليك وعشان تتحملها بأمان لك ول المسئولين منك تكون بالسياره الخاصه احسن من المواصلات والبهدله بس إدعولى أتعلم بسرعه لأنى أقر إن اللى بيسوق أتوماتيك مابيعرفش يسوق إلا لو كانت بعد المانيوال ومتشكره على ردك

[lobna_yaseen]

عندك حق ,, ولكن يجب التدريب الجيد لأن السواقة كلها مفاجآت ,, والبقاء في المنزل أأمن لك في جميع الاحوال

وحتى لو كنت مش مسئوله عن حاجه أو عن حد مش من حقى إنى أسوق زى زيك وزى أى حد ؟؟؟!!!! وعلى فكره فى ستات بيسوقوا أحسن من رجاله كتير وفيه رجاله سواقتهم تشل وربنا يسهل وأتمكن من العربيه ونتسابق أنا وانت إيه رأيك

[Ahmed Galal]

انا عندى حل و عملته اول ما اتعلمت كنت متعقد من الدواسات و لقيت المشكلة اننى لما بالبس الجزمة ما باحسش بيهم فخلعت الجزمة خالص و سقت بدونها لحد ما تعودت على الدواسات تمام بس كانت المشكلة اننى ارجع اسوق بالجزمة تانى و خدت وقت شوية بس الحمد لله دلوقتى الامور مستقرة

[bHa2]

انا عندى حل و عملته اول ما اتعلمت كنت متعقد من الدواسات و لقيت المشكلة اننى لما بالبس الجزمة ما باحسش بيهم فخلعت الجزمة خالص و سقت بدونها لحد ما تعودت على الدواسات تمام بس كانت المشكلة اننى ارجع اسوق بالجزمة تانى و خدت وقت شوية بس الحمد لله دلوقتى الامور مستقرة

+1

[mmffor]

[QUOTE=lobna_yaseen;3872499530]

التدريب ثم التدريب ثم التدريب
اتدربي في مكان فاضي الأول على موضوع الدبرياج والبنزين لغاية ماتبقي 10/10 وبعدين ممكن تسوقي على مهلك وامسكي الحارة الأولي من الطريق عشان دي طبعا بتكون أهدى حارة ....
وماتزعليش من الزميل العضو اللي عايز اخواتنا البنات والستات مايسقوش العربيات

أنا عايزه أتدرب كتير أه بس أد إيه علشان أقول إتى بسوق كويس شهرين مثلا؟ وعلى فكره أنا كنت جريئه جدا فى الأتوماتيك وباسابق أى حد (بس أتوماتيك بقى) علشان كده زعلانه إنى مش عارفه أتمكن من المانيوال
ومتشكره جدا على شعورك أنا مش زعلانه من اللى كتبه لأن أغلب الرجاله بيقولوا كده أنا إبنى عنده 12 سنه وبنزله معايا(أصل ابوه مسافر) بيقولى الستات مابيعرفوش يسوقوا أنا اللى هسوق وبجد عايز يسوق أنا مشيته شويه بالعربيه بالراحه على الأول فى طريق جانبى صغير وماشاء الله عرف يتحكم فى الدبرياج أحسن منى والعربيه مانطتش معاه
الظاهر إن صحيح الرجاله أقوى فى التحكم هى مسألة عضلات الرجلين بس أنا ورا العربيه مش هخليها تغلبنى

يا اختي الفاضله الاوتوماتيك و المانيوال مختلفين تماما و في دول الخليج في رخصه اوتوماتيك و في مانيوال و اللي بيسوق اوتوماتيك ممنوع يسوق مانيوال كأنه ممعهوش رخصه بالضبط.
زي ما انا بسوق مانيوال من عشر سنين بالضبط و لما سقت اوتوماتيك برضه لخبطت معايا حبه لأني متعود اشغل رجلي الشمال مع الدبرياش و الاوتوماتيك رجل يمين بس.
انت حاليا رجلك الشمال تعتبر غشيمه لأنها كانت غير مستعمله و انشاء الله مع التكرار حتتحسني مع ان طبعا العمليه بتكون اسهل مع عربيه حديثه عن القديم لأنه دواساته بتبقى تقيله و من غير باور فبتركزي قوتك على حاجه بتخليكي تفقدي التركيز في حاجه تانيه و دي طبعا بتختفي مع الخبره.
انت يلزمك سنه سواقه مستمره لما ممكن تقولي انك متمكنه من السواقه .
الاخ اللي بيقول مش متجوز على فكره انا متجوز و بخلي مراتي تاخد عربيتي كتير و هي بتسوق من اكتر من 7 سنين و برضه سواقتها مش اللي هي مع انها كانت عندها عربيه خاصه بتاع سنه.
انما اللي بيقول مالهم بتوع الميكروباص. اقولك ان سواقين الميكروباص هما اللي علموا الشارع المصري قلة الادب و بعد ما كان الاوتوبيس محترم و حريص و الملاكي بيحترم غيره و كانت السواقه ادب و اخلاق خلوا الناس تخرج عن شعورها و ادبها و يقلدوهم علشان يسلكوا معاهم. يفضل يزنق عليك و يعمل البدع علشان يقطع عليك الطريق و ياخد حارتك بالعافيه و البلطجه معتمد على ان الميروباص صاجه محمل و اكصدامه حديد و لو لمسك حتتبهدل و لما تسيبوا ياخد حارتك بالعافيه و بعد ميتحرق دمك من السخافه تبص تلاقيه مسك فرمله و وقف في نص الشارع ينزل زبون او يركب زبون مع ان شماله فاضي بس البيه مكسل انه يركن او يدي اشاره زي البني ادمين و اللا ممكن خايف انك تطلع منه و تخطف منه زبون , و تقوللي مالهم. اولا الاشارات عندهم منعدمه, الوقاحه متوافره, الرخص مفيش, الادب متلاقيش. اللا من رحم ربي و ده مينفيش اني مره او اتنين قابلت سواق ميكروباص محترم و ملتزم بالمرور و باحترام السائقين الاخرين و الزبون و دول بتلاقي سواقين الميكروباص التانيين بيبصولهم كأنهم ناس من كوكب تاني.
تحياتي

[A.Saad]

انتى بتلبسى كعب عالى وانتى بتسوقى المانيوال