هسافر لاول مرة باللانوس .... اي نصايح يا شباب علي الطريق ؟؟

[EngAhmedRagab]

السلام عليكم

انا اول مرة اسافر اسكندرية باللانوس بتاعتي

و اول مرة اروح سفر و انا سايق

فممكن يا شباب تقولولي نصايح كدا علي الطريق يعني ايه اللي اخده معايا


و الطريق من القاهره لاسكندرية ياخدله كام ليتر رايح جاي عشان اعمل حسابي في البنزين

يعني النصايح اللي تشوفوها كويسه انصحوني بيها ربنا يكرمكو


و قولولي اسهل الطرق رايح جاي

انا من شبرا فعارف الطريق بتاع الدائري للمحور و الصحراوي طوالي

فيه طريق اسهل من ده بالنسبالي ؟

و لو فيه خريطة بشوارع اسكندرية يبأي اشطة اوي عشان انا ممكن اتسوح هناك بالعربية

و شكرا مقدما يا شباب

[ابوهاشم]

السلام عليكم
الطريق اللى انت عارفه هو اسهل طريق حاليا
اتأكد من مياه الردياتير ومستوى الزيت وضغط الكاوتش
واطمئن على سلامة الاستبن اللى معاك
بالنسبه للبنزين السفر من مصر للاسكندريه تقريبا صفيحه 20لتر
يعنى لو فولت العربيه من هنا توديك وتجيبك ان شاء الله
واحترس من السرعه الطريق كله رادارت
وتروح وترجع بالسلامه ان شاء الله

[محمد الشامي]

السلام عليكم
الطريق اللى انت عارفه هو اسهل طريق حاليا
اتأكد من مياه الردياتير ومستوى الزيت وضغط الكاوتش
واطمئن على سلامة الاستبن اللى معاك
بالنسبه للبنزين السفر من مصر للاسكندريه تقريبا صفيحه 20لتر
يعنى لو فولت العربيه من هنا توديك وتجيبك ان شاء الله
واحترس من السرعه الطريق كله رادارت
وتروح وترجع بالسلامه ان شاء الله

+1

وكمان دي فرصه كويسه عشان تحسب معدل استهلاك عربيتك لو تحب
اهم حاجه متجريش كتير لان اليومين دول الطرق زحمه شويه عشان الاجازات والاعياد والناس رايحه وراجعه كتير
واتاكد بس من سلامه الاستبن معاك , واتاكد من البطاريه وشحنها , ولو جنبك ميكانيكي او عفشجي قريب خليه يبصلك على العربيه من تحت ويربطلك عشفه

ربنا يستر طريقك وترجع بالسلامه ان شاء الله

[bshndi]

السلام عليكم ورحمة الله وبركاته
ربنا يوديك ويجيبك بالسلامه ، فقط خلي بالك من الردارات المحور لحد نزله الصحراوي كله رادارت ثابته يعني ما حدش ها يوقفك ولكن هتلاقيها بعد كده قي التجديد الانوس علي الطريق في السفر زي الفل والحمد لله والإستهلاك 12 كلم في اللتر بدون تكييف ولو محمل العربية مع التكييف مش عارف هاتبقي كام مجربتهاش ؟ ، بالمناسبة في بنزينه قبل الكارته بتاعه الصحرواي عند مدخل القرية الذكية مون وإضبط ضغط إطاراتك 30 تقريباً علشان الحر ده وفول عربيتك ولف لفتين في كارفور لو عاوز :) ، بالمناسبة الطريق في نقل كتير إحترس منهم ، حاول تبدر ، كما ساعات بيبقي في لجنة قبل الكارته وعلي الملف أمام القرية بيرخموا علي الفاضي :) وربنا يستر طريقك .
تحياتي وإحتراماتي

[dr.hany]

بالاضافه الى كلام الاعضاء...ماتقلش .الانوس عربية بنت حلال

ونادرا للما بتشوفها عطلانه على الطريق.

افتح جوجل ايرث وشوف موضوع الشوارع ده.هلاتلاقيها سهله خالص.

طيب الزراعى مش اقربلك برضه؟

[EngAhmedRagab]

شكرا جزيلا ليكم يا شباب و بجد النصايح كويسه جدا

و بالنسبة لجولدن فيش انا حاسس ان الزراعي اقرب برضه بس مجربتش امشي عليه قبل كدا فلو وصف بسيط ليه اكون شاكر ليك

[memoo305]

في التأني السلامة . وتروح وتوصل بالسلامة

[hobaz]

انا عايز اضيف حاجة بس ان الطريق كان في تحويلات كتير اوي (الكلم ده من شهر) معرفش دلوقتي ايه نظامه بس انت اتكل على الله وجمد قلبك و على فكرة السواقة على الطرق السريعة متعة بس اهم حاجة متزودش عن 100 وتكون مركز اوي واحترس من النقل والمكروباصات وكله هيعدي على خير ان شاء الله وتروح وتيجي بالسلامة..

[EngAhmedRagab]

اكيد يا هوباز

و ربنا يسهل الطريق بأي

[EngAhmedRagab]

شكرا يا ميمو علي الدعوه و النصيحه

ربنا يخليك

[faron525]

الصحراوي افضل من الزراعي بكتير ورحلة سعيدة ان شاء الله وترجع بالف سلامة

[EngAhmedRagab]

شكرا يا شباب علي النصايح الهايله دي و بجد المنتدي ده احلي منتدي بناسه

[tarek_asem]

بالاضافه الى كلام الاعضاء...ماتقلش .الانوس عربية بنت حلال

ونادرا للما بتشوفها عطلانه على الطريق.

افتح جوجل ايرث وشوف موضوع الشوارع ده.هلاتلاقيها سهله خالص.

طيب الزراعى مش اقربلك برضه؟

حتى لو اقرب ياعم الزراعي طريق زباله .. انا من جمب المنصوره وبالنسبه لوصله المنصوره اسكنددريه قمه في السوء ... القاهره المنصوره مفيهاش مشاكل لكن لحد اجا كده وتاخد شمال على سمنود والمحله ... لحد اسكندريه هتاخد منك وقت طويل على الفاضي الصحراوي احسن له

[mahmoudysf]

تروح وترجع بالسلامة

[ahmedhilmy]

تروح و ترجع بالسلامة و ان شاء الله اجازة سعيدة