هو الزيت ده فايدته ايه ؟؟

[Kazzaz]

هو الزيت ده فايدته ايه ؟؟ و هل له تاثير علي السحب .. و لو مغيرتوش ايه اللي بحسه في العربيه ؟؟ و ما هي اضرار اني اسيبه لحد ما يبقي اسود و امشي عليه .. ؟؟

و هل فلتر البنزين و فلتر الهوا بياثروا في السحب جامد و بيتغيروا كل قد ايه ؟

[M.Osman]

زيت اية يا محمد ؟؟
قصدك زيت الموتور و لا اية ؟؟

[samirayad]

و هل فلتر البنزين و فلتر الهوا بياثروا في السحب جامد

نعم

و بيتغيروا كل قد ايه ؟

حسب توصيات صانع مكنة سيارتك

وغالبا بيتم التغيير من 20 الى 40 ألف

وحسب حالتهم بعد الكشف عليهما

[samirayad]

هو الزيت ده فايدته ايه ؟؟ و هل له تاثير علي السحب ..

والزيت من أسمه
فهو يزيت ويلين حركة الأجزاء الميكانيكيه على بعضها

دا غير أنه بيفيد فى رفع كفاءة تبريد المكنه أيضا
ويحمى الأجزاء من التآكل

و لو مغيرتوش ايه اللي بحسه في العربيه

حتركب تاكسيات
لأن المكنه حتبوظ منك

[ابوهاشم]

اذا كنت تقصد زيت الموتور
هو فايدته الاساسيه عدم احتكاك اجزاء الموتور الداخليه
ولاز م يتغير لما ينتهى مفعوله حسب المسافات المقطوعه
او الزمن المحدد له
لانه بنتهى عمره وادائه وبيحل من اللزوجه
واكيد فى ضرر لو ماغيرتهوش على اجزاء الموتور
لانها بتتعرض للتأكل
وصوت الموتور بيعلى والسحب طبعابيقل

[Kazzaz]

M.Osman
أه هو .. اصل لسه مغيروا امبارح و عايز اعرف هايفرق معايا ازاي بقي .. انا كل اللي لاحظته صوت العربيه بقي اهدي من الاول


samirayad ابوهاشم
شكرا يا جماعه جدا ربنا يكرمكم .. بس يا ريت تفاصيل و توضيح اكثر لاني عايز افهم الموضوع بيتم ازاي و هل الزيت ده مجرد حاجه بتصون الموتور و لا مثلا في زيت لو جبته يحسن الاداء و زيت اخر لا ..

[N.a.j.d]

سمير باشا قال المفيد