صوت الونه

[ahmedshafei77]

السادة

عايز اعرف ايه هى الونه دية وصوتها بيبقى نتيجة ايه وطرق علاجها

انا حاسس انى بسمع صوت لما بشد شوية بالعربية بس مش عارف ده ونه ولا لالا بس الصوت ده مش من الموتور

على الرغم انى بصيت على زيت الكرونة والفتيس وكله تمام والعربية لادا زيرو عامله 1000 كيلو بس

شكرا

[ahmedshafei77]

اين الردود

[gomangy]

متابع باهتمام جدا
ارجو من الساده المهندسين الرد علينا للاهمية

[samirayad]

الونه أو الوره ( وررررررررررررررررررررررر )

هو صوت دحرجه خفيفه للأجزاء المعدنيه على بعضها البعض

وتظهر بصوره ملحوظه فى رولمانات البلى
عندما يقترب العمر الأفتراضى للبلى من مرحلة التفاذ

أو مع فقد وسيلة تزلييق مكونات البلى على بعضها ( أى الشحوم )

وكل الأجزاء الميكانيكيه التى تحتوى على بلى ( بأى نوع ) من ضمن مكوناتها يوجد رولمانات بلى بتصميم معين

مثل المنظومات التاليه

1- صناديق التروس أو الفتايس بشكل عام

2- منظومة التروس الفرقيه ( الكرونه ) فى سيارات الدفع الخلفى

ويلاحظ أن سيارات الدفع الأمامى تحتوى أيضا على مجموعة تروس فرقيه ( مثل الكرونه العاديه الى حد ما )

3- دينامو السياره
4- محركات المراوح وطلمبات التبريد والتزييت

5- محاور العجل

أى أن كل الأجزاء الدواره
لابد أن تحتوى على رولمانات بلى ( بتوصيف معين )
لتسهيل عملية الدوران وتقليل الفقد الأحتكاكى للأعمده الدواره بقدر الأمكان

[gomangy]

مشكور يا باشا علي التوضيح
كيفيه تلاشي الونه ازاي لو تسمح مع العلم ان تم تغير الزيت اكثر من مره
والونه بتظهر معايا بعد ال100 كم
وشكرا للتوضيح مره تانيه

[samirayad]

انا حاسس انى بسمع صوت لما بشد شوية بالعربية بس مش عارف ده ونه ولا لالا بس الصوت ده مش من الموتور

على الرغم انى بصيت على زيت الكرونة والفتيس وكله تمام والعربية لادا زيرو عامله 1000 كيلو بس

يجب أن تحاول بقدر الأمكان التعرف على المكان الذى يوجد عنده الوره

لتشخيص سبب العيب بدقه

[samirayad]

مشكور يا باشا علي التوضيح
كيفيه تلاشي الونه ازاي لو تسمح مع العلم ان تم تغير الزيت اكثر من مره
والونه بتظهر معايا بعد ال100 كم
وشكرا للتوضيح مره تانيه

فين مكانها بالسياره ...............؟

[gomangy]

بالنسبالي انا الونه في الكرونه

[samirayad]

بالنسبالي انا الونه في الكرونه

يبقى الحل
علشان عربية حضرتك موديل 1995

هو المحاوله أولا بتغيير نوع الزيت لزيت أثقل فى اللزوجه

فأن منع صوت الوره ..............يبقى الحمد لله

وأن لم يذهب الصوت ...........يبقى كرونه تانيه
وبرضه الحمد لله

[gomangy]

مشكوووووور والله علي تعب حضرتك وهو كده الظاهر اني هجيب كرونه جديده
وشكر ليك يا باشمهندس سمير

[samirayad]

بالتوفيق

إن شاء الله

[ابوهاشم]

انا شوفت امبارح عبوه فى كارفور
هى فى حجم زجاجة الدواء
مكتوب عليها انها تضاف على زيت
الكورونا لمنع صوت الضجيج
وكمان فى زيها للفتيس نوعين للمانول والاتوماتيك
سعرها 48جنيه بس مش عارف هل ده حقيقى ولا لا
وهل هى فيها علاج للمشكله الاساسيه ولامنع للصوت وخلاص

[gomangy]

مشكور يا ابو هاشم
بس مش عارف برده دي ليها اثار سلبيه ولا عادي
عالعموم انا ممكن في اقرب وقت ابقي اجبها اجربها واشوف ايه الوضع واكيد هبقي اقول علي تجربتي معاها

[محمد بازيد]

سيدى الفاضل الونة صفة اساسية مع اللادا والشاهين وما فى سواهم من عائلة الدفع الخلفى وامامك 4حلول
1- تغير الزيت واضافة مانع الونة ودة بيحل الموضوع بنسبة 70%حسب حالة الكرونة ودة ارخصهم حوالى 50بندق
2- انك تعالج الكرونة عند حد متخصص ودة مهما اتعمل بترجع تانى بعد مدة ودة يتكلف حوالى 300-450 بندق
3- انك تتعايش مع الصوت عادى جدا كل لما يعلى تعلى الصوت بتاع الكاسيت
4- تغير الكارونة ودى هتكلفك حوالى 1600جنية بالتركيب
على فكرة أنا بنفذ البند رقم 3 وعايش زى الفل لحين وجود حل خامس

تقبلوا تحياتى

[gomangy]

مشكوووووور يا باشا
وانا متبع حاليا البند رقم 3