ازاى تعمل دريفت احترافى (موضوع تعليمى)

[ahmedbasto]

شكرا يا شباب على الردود وعلى فكرة انا رفعت الفيلم اللى الفيديوهات مقطوعة منه فى مشاركة ليها فوق

[ali.mahmoud]

عاشق الدريفتات الدفع الامامى ولكنى حزين لانى معنديش دفع خلفى

[SkyBird]

هي عربيات البي ام الدفع الخلفي فيها عن طريق عمود كردان و لا ميكانيزم بديل ؟
وايه العربيات المتوافرة في السوق وتكون دفع خلفي ؟؟
لاني عايز اشتري واحد دفع خلفي لاني حاسس انه اقوى

[Ralliart]

شكراً على الفيديوهات
الراجل اللي عامل الفيديوهات
ده مخترع مسابقات الدريفت في العالم ولقب king of drift مش من فراغ

هي عربيات البي ام الدفع الخلفي فيها عن طريق عمود كردان و لا ميكانيزم بديل ؟
وايه العربيات المتوافرة في السوق وتكون دفع خلفي ؟؟
لاني عايز اشتري واحد دفع خلفي لاني حاسس انه اقوى

انا شايف من بياناتك انك عندك لانسر
فلو عايز تصرف وتعمل حاجه جامده ،كل عربيات ميتسوبيشي مجهزه بمكان لعمود الكردان وتقدر تحولها دفع رباعي من غير لعب في الشاسيه كل الموضوع انك هتجيب موتور بالكردان والدفرنشيال والفتيس وكل حاجته وتشيل وتركب وهتبقى لانسر ايفو

[ahmedbasto]

شكراً على الفيديوهات
الراجل اللي عامل الفيديوهات
ده مخترع مسابقات الدريفت في العالم ولقب king of drift مش من فراغ



انا شايف من بياناتك انك عندك لانسر
فلو عايز تصرف وتعمل حاجه جامده ،كل عربيات ميتسوبيشي مجهزه بمكان لعمود الكردان وتقدر تحولها دفع رباعي من غير لعب في الشاسيه كل الموضوع انك هتجيب موتور بالكردان والدفرنشيال والفتيس وكل حاجته وتشيل وتركب وهتبقى لانسر ايفو

فكرة جامدة اووى فكرة الايفو دى

[ahmedbasto]

هي عربيات البي ام الدفع الخلفي فيها عن طريق عمود كردان و لا ميكانيزم بديل ؟
وايه العربيات المتوافرة في السوق وتكون دفع خلفي ؟؟
لاني عايز اشتري واحد دفع خلفي لاني حاسس انه اقوى

بص يا باشا هى ارخص خلفى ممكن يتعمل بيها دريفتات عن تجربة الشاهين بس يكون الموتور فايق معانا واحدة 2007 بعمل بيها والله بلاوى بسم الله ماشاء الله عربية جميلة بس زى ما قولتلك موتور فايق

[ENG.MaRk]

هو انا ينفع اعمل دريفت بالبيكانتو ؟

[omaranes77]

هو انا ينفع اعمل دريفت بالبيكانتو ؟

اقسملك باللة واحد.صاحبي معاة بيكانتو مش معدل فيها اي حاجة رفل هاند علي 140 وكنا هانموت اقسم بالة ااعربية خمست كتير ورا بعض وفي الخر وقفت من ساعتها وان حالف مركبعا تاني

[ahmedbasto]

ناس كتير عايزة شرح نظرى لدريفتات الخلفى الأول أحب أوضح حاجة دواسة البنزين فى الخلفى دورها الأتى انها تعوم ظهر العربية بمعنى ان انت كل ما دوست بنزين أكتر كل ما ظهر العربية راح منك أكتر نبدأ بقى بالشرح :
الأول هبدأ بشرح التخميس دى أسهل حاجة ممكن تتعمل وبرضو مش بتحتاج مواتير عفية اوووى التخميس بيبدأ أن حضرتك بتكسر العجل فى اتجاه معين سواء شمال أو يمين ويستحسن شمال علشان دى الجهة بتاعت السواق علشان يعرف يتحكم أكتر ويبقى شايف العربية كلها بعد كدة تدوس بنزين لحد 3500 او 4000 او تدوس وتسيب بنزين ومرة واحدة سيب الدبرياج كله وايديك على الطارة وانت بتخمس بتدوس وتسيب بنزين مش بتدوس على طول علشان تأخد لعب صح وتلعب على رمل علشان الكاوتش ما يزعلش وتفضل تفتح وتقفل العجل بتاعك بس ياريت لو حد لسه هيتعلم يتعلم فى مكان فاضى الأول ان شاء الحلقة الجاية الدريفت لمسافة قصيرة

[lanos2004]

شكرا على الموضوع بس انا بكرة الدريفت دة جدا جدا

[ahmedbasto]

ليه بس هو ممكن علشان حضرتك مجربتش الأحساس بتاعه بس كنت راكب جنب حد مكنتش انت اللى سايق

[Ayman_Amer]

رائع

[الكاشف]

السوأل الأزلي بالنسبة لي

ما اضرار الدريفتينج علي العربية خصوصا الدفع الامامي

من الاخر كدا ايه الحاجات اللي بتهلكها في العربية ؟

[lanos2004]

ليه بس هو ممكن علشان حضرتك مجربتش الأحساس بتاعه بس كنت راكب جنب حد مكنتش انت اللى سايق

اصل انا بدوخ بسرعه علشان كدة بكرهها

[بيشوى_رمزى]

تسلم على الفيديوهات يا معلم