عزم السيارة

[ainshouka]

ماهو دور العزم فى سير العربية

هل بيؤثر فى تسارعها

يعنى بنلاقى ان اقصى عزم عند 3000 دورة مثلا واقصى عدد من الاحصنة عند 6000 دورة

ايه الدور اللى بيقوم بيه العزم واللى بيأثر بيه لحد 3000 دورة وبعدين بيقل التاثير دابعد 3000

(يعنى من الاخر ايه هو التاثير دا)

[amrelsaqqa]

العزم هو اللى بيدفع العربية دفع و يزود سرعتها

يعنى من 3000 ل 4000 مثلا معدل زيادة سرعة العربية بيبقى في احسن صورة

يعنى مثلا مثلا تجيب من 80 لـ 100 بسرعة جدا انما من 120 لـ 130 في وقت اطول لأنك ساعتها بتكون عند عدد لفات مختلف

ودايما العزم مرتبط بالسحب ومرتبط في الاخر بسعة الموتور

وعدد الاحصنة عند اي سرعة هو العزم عند عدد لفات معين مضروب في عدد اللفات

[ainshouka]

توضيح بسيط ورائع

طيب يعنى معنى كده ان فكرة الحرق على الغيار او تسقيط نقلة فكرتها كلها انى بزود عزم العربية لان لفات الموتور بتكون ساعتها قريبة من منطقة العزم القصوى

[zkralla]

توضيح بسيط ورائع

طيب يعنى معنى كده ان فكرة الحرق على الغيار او تسقيط نقلة فكرتها كلها انى بزود عزم العربية لان لفات الموتور بتكون ساعتها قريبة من منطقة العزم القصوى

كل ما تنقل العزم بيقل وعدد لفات العجل تزيد رغم ثبات عدد لفات الماتور يعنى على التالت وعدد لفات ماتور 2500 بتكون السرعه 80 لكن على نفس عدد اللفا 2500 وأنت على الرابع بتكون السرعه 100 وده معناه أن رغم أن عدد لفات الماتور واحده ألا ان السرعه بتزيد عشان بتنقل الحركه على ترس اصغر فده بيخلى عددلفات العجل تزيد والعزم يقل لأنه مع زياده السرعه وزن العربيه بيخف فمش بتبقى محتاج عزم كبير
وعشان كده تلاحظ أن اكثر غيار بيكون فيه عزم كبير هو الغيار الاول لانه بيحرك العربيه من الثبات وحاله الثبات بيكون وزن العربيه على الارض اكبر ما يمكن
يعنى عزم التالت اقل من عزم التانى وعزم الرابع اقل من الثالث وهكذا عشان كده لما بتسقط نقله بتخلى عزم الماتور يزيد عشان نقلت على غيار اقل

[ainshouka]

طيب كنت عاوز اعرف ليه فيه العربيات بيتقال عليها ان تجميعها على السرعات الاولى بيكون حلو لكن بعد التسعين مثلا بيحتاج وقت طويل ونلاقى عربيات تانية بيتقال عكس الكلام دا والاتنين امكانياتهم بتكون قريبة من بعض الفرق دا بيعتمد على ايه