يعني ايه Half power ؟

[Khalid_Mostafa]

يعني ايه يا جماعة Half power ؟

انا اعرف ان فيه إسكتراه في العادي اما الباور بيبقي فيه طلمبة زيت علي الإسكتراه و تانك لزيت الباور بيبقي باين لما تفتح الماتور بوضوح

اما Half power ؟ فمشعارف هو ايه ؟ وياريت لو حد معاه عربية فيها هاف باور يفيدنا إذا كان فيها مكونات الباور ولا لأ (مثل الأتوس برايم الجديد )

[sab3aawy]

الموضوع ده كنا تناقشنا فيه قبل كدة على المنتدة وخلصنا الى ان كلمة هاف باور دى كلمة تجارية لا معنى فنى لها، والمقصود بها ان الديريكسيون بيرجع لوحده وانت ماشى وهو ما ينطبق على كل السيارات اللى مش فيها باور ستيرنج، وبالتالى كل السيارات الىى مهياش باور ستيرنج هى هاف باور ، يعنى من الآخر كلمة لا معنى لها

[Khalid_Mostafa]

الموضوع ده كنا تناقشنا فيه قبل كدة على المنتدة وخلصنا الى ان كلمة هاف باور دى كلمة تجارية لا معنى فنى لها، والمقصود بها ان الديريكسيون بيرجع لوحده وانت ماشى وهو ما ينطبق على كل السيارات اللى مش فيها باور ستيرنج، وبالتالى كل السيارات الىى مهياش باور ستيرنج هى هاف باور ، يعنى من الآخر كلمة لا معنى لها

ايوه كده تمام وده الي انا بأعتقده برضه لأني لما قارنت الأتوس الشكل الجديد بتعتي والي هيا خليجي بالأتوس برايم الغبورية ملقيتش فيها إختلاف في الماتور ومع ذلك يدعي غابور في اعلانه انها باور ..طيب فين الطلمبة يا جدعان ..انتا كده حطيت النقط علي الحروف ..ثم انها عربية صغير لا تحتاج إلي الباور

[casperinoo]

power steering fluid reservoir
لما تفتح الكابوت بتلاقيه علي شمالك ورا الفانوس علي طول....غبور مش عبيط قوي كده علشان يستعبط الناس في حاجه واضحه زي ديه

[Khalid_Mostafa]

power steering fluid reservoir
لما تفتح الكابوت بتلاقيه علي شمالك ورا الفانوس علي طول....غبور مش عبيط قوي كده علشان يستعبط الناس في حاجه واضحه زي ديه

امال ايه حكاية الهاف باور دي ..ثم انا شفت عربيه غبوريه و مكنش فيها الكلام ده ؟!!!

[ahmedezzat78]

امال ايه حكاية الهاف باور دي ..ثم انا شفت عربيه غبوريه و مكنش فيها الكلام ده ؟!!!

half power بتبقى علبه دركسيون عاديه راكب عليها مساعد صغير يساعد السائق فى حركة الدركسيون تماما مثل فكرة مساعد الشنطة بتاع العربيات الهاتش باك

[Yarisawy]

انا معايا كورسا 1000 سىسى برضه الناس بتقولى انها هاف باور

بس هى الهاف باور بيبقى ملهاش زيت باور صح ؟؟

[ahmedezzat78]

No Oil At All

[shady_elkady]

كلمة بيقولوها علشان يضحكوا على الناس مفيش حاجة اسمها هاف بور و اكتر عربيات بيقواوا عليها كدا البولو و الابيزا 94-95 يا بور و نظام هيدروليكى يعنى زيت و ضغط هواء يا مفيش

[mohamed ibiza]

half power steering zi ibiza 94 3ndi keda byb2a 3lbt drksion keda 3ade w byb2a na3em wlahe gedan w ll 3lm lma bgeb 140 al drksion b7so at2l mn al 3ade m3 anha msh power kamel zi yaris msln bs 3momn half power 7elw mesh we7sh na3em fi r2ii















IBIIIIIIIIIIIIIIIIIIIIIIIIIIIIIIIIIIIIIIIIIIIIIIII IIIZZZZZZZZZZZZZZZZZZAAAAAAAAAAAAAAAAAAA FOR EVER

[mohamed ismail]

فعلا كلام الاستاذ احمد عزت صح
انا كان معايا ريجاتا 85 كده وكانو بيقولوا عليها هاف باور وفهلا كان الدريكسون بتاعا اخف من
العادي

[badblood]

مفيش حاجه اسمها هاف باور
يعني حاجه من الانين يا الدريكسيون باور او مش باور
ده كلام الصنيعية الفت